Көжек пен үш көзді ғажап ертегісін құрастыру семинары

«Көжек пен үш көзді ғажап» -В.Я. Пропп картасын қолдану

арқылы ертегіні құрастыру.

Ақтөбе қаласы,№38 «Әлем» МДҰ тәрбиешісі Косаева Н.С

Бағдарламалық мазмұны: Балаларды ертегі желісі арқылы жол жүру ережесін сақтауға үйрету.

-В.Я.Пропптың картасына түсне отырып қиялдарын,есте сақтау қабілетін,ойын еркін жеткізе отырып сөздік қорын дамыту.

Тапсырмаларды орындау еңбекқорлыққа,достыққа тәрбиелеу.

Алтын күз келді. Осы мезгілде көжек дүниеге келіп, анасымен бірге орманда өмір сүріпті.

- Денсаулығың мықты болып өс, кішкентайым – деді анасы.

Көжек өскен кезде , далаға шығып ойнап, асыр салып секіріп жүреді екен. Бір күні саяхатқа шықпақшы болады.

- Көшеде сақ бол , үлкен жолға шықпа - деп анасы ақылын айтады.

Міне, көжек жол бойымен көңілді секіріп кете берді... Үлкен қалаға жеткенше, ол орман соқпақтарымен, гүл алаңқайларымен ұзақ жүрді. Қалада көліктер шуылы, жол қозғалысы көп екен, оның қасынан жеңіл машиналар, мотоцикл, автобустар және троллейбустар зуылдап өтіп жатты, бірақ біздің көжекке ешнәрсе қорқынышты болмады.

Бір мезетте ол қызық затты көрді.

- Эй, үш көзді ғажап, мен саяхаттап жүрмін, ал сен болсаң үлкен көздеріңді жыпылықтатып, маған қасыңнан өтуге кедергі келтіріп тұрсың. Сенің бұл жерде қандай қажетің бар?

- Қандай, тәртіпсіз көжек! Менің үш көзімнің не үшін керек екенін түсінбедің ба?

- Қарап тұру үшін керек!

- Жоқ, тек қана қарап тұру үшін емес, жол көрсету үшін керекпін.

- Маған ба?

- Саған да, басқа көжекке де! Қысқасы, барлық балаларға және үлкендерге жол көрсетемін. Менің рұқсатымсыз саған жолға шығуға болмайды.

- Маған ешкімнің ақылы керек емес... - деп біздің көжегіміз жол ортасына шығып кетті. Кенет, бұрылыстан үлкен жүк көлігі бұрылды. Машина тежегішінің дыбысы... көлік тоқтады...

Біздің саяхатшыға не болды? Ол қайда? Көжегіміз жүк көлігінің дөңгелегінің дәл алдында жатыр. Көлік кабинасынан ит Ақтөс жүгіріп шықты:

- Қандай бассыздық! Жаяу жүргіншілерге қызыл түс жанып тұрғанын көрмейсің бе? - деп Ақтөс «үш көзді ғажапты» көрсетті. - Сен сары түс жанғанша тротуарда тұруың керек.Ал сосын жасыл түс жанғанда ғана…