ктж, ктп 2 сынып бейнелеу өнері 2025-2026 жыл

БЕКІТЕМІН: КЕЛІСЕМІН:

жшс «Мұрагер» бастауыш Мектеп ДОІЖО Қ.Чапигуловна

мектебінің

директоры З.И.Дузенова _______________

_____________ «____» ________ 2025ж.

« ____ » __________ 2025ж.

жшс «Мұрагер» бастауыш мектебі

2025-2026 оқу жылындағы «Бейнелеу өнері»

пәнінен 2 сыныпқа арналған

күнтізбелік-тақырыптық жоспары

Пән мұғалімі: Конисбекова Л.О.

QR кодты қолдану бойынша нұсқаулық Құрметті ұстаз!

«Бейнелеу өнері» пәнінің мазмұнында қолданылатын бейнелі-анимациялық түсіндірме оқу материалдарын QR код арқылы компьютеріңізге жүктеп алуыңызға болады.

Ол үшін:

Смартфон немесе планшет камерасын QR кодқа бағыттаңыз.

Сілтеме пайда болғанша күтіңіз.

Көрнекі ресрусқа өту үшін «ОК»-ді басыңыз.

Түсінік хат

Әдістемелік нұсқау Қазақстан Республикасы Оқу-ағарту министрінің 2022 жылғы 3 тамыздағы № 348 бұйрығымен бекітілген Мектепке дейінгі тәрбие мен оқытудың, бастауыш, негізгі орта, жалпы орта, техникалық және кәсіптік, орта білімнен кейінгі білім берудің мемлекеттік жалпыға міндетті стандарттарына сәйкес әзірленген және 2-сыныпқа арналған «Бейнелеу өнері» пәні бойынша сабақ беретін мұғалімдерге арналған.

Оқушылардың эстетикалық дүниетанымы мен сезімдік әлемін дамытуда, құбылыстарды көркем бейнелеу құралдарын пайдалана отырып, бейнелеу дағдыларын меңгертуде бейнелеу өнерінің маңызы зор. Айналадағы әлемнің барлық байлығы мен алуантүрлілігін байқататын көркем бейнелерді (көріністерді, бейнелерді) көрнекі түрде көрсетуге, оларға шындықты тереңірек түсінуге мүмкіндік береді. Бейнелеу әрекеті оқушылардың интеллектуалдық және эстетикалық дамуына ықпал етеді, заттардың табиғаты мен пішінін, түсі мен материалын, табиғаттың біртұтастығы мен сұлулығын сезінуге мүмкіндік береді, сонымен қатар осы сезімдерді бейнелер арқылы көрсетуге мүмкіндік береді.

Бейнелеу өнері сабақтары есте сақтауды, қоршаған орта мен кеңістікті сезінуді, сонымен қатар оқушылардың елестете алу қабілетін дамытады. Бұл сабақтар оқушыларды кеңістікті, пішін мен өлшемді сенсорлық қабылдауға, бейнелі және логикалық ойлауға, осы ойларды көрнекі бейнелерде бейнелеуге ынталандырады. «Бейнелеу өнері» пәні оқушыларды қазақстандық және әлемдік классикалық өнердің өкілдерімен таныстырады, қоршаған орта туралы ой-өрісін кеңейтеді, рухани дүниесін байытады.

Пәннің мақсаты – эстетикалық көзқарасы, рухани дүниесі, көркемдік талғамы мен шығармашылық қиялы бай, ұлттық және жалпыадамзаттық құндылықтарды құрметтейтін, өнер туындыларын түсініп, бағалай алатын жеке тұлғаны қалыптастыру.

2-cыныптағы оқу жүктемесінің көлемі аптасына 1 cағатты, оқу жылында 36 сағатты құрайды. Ұсынылған әдістемелік нұсқау мұғалімге жеке, жұптық, топтық жұмысты ұйымдастыруға барынша әдістемелік қолдау көрсетеді, шығармашылық идеяны көрсету мүмкіндігін есепке ала отырып құрастырылды.

Әдістемелік нұсқауда қарастырылған оқыту әдістері процесті тиімді ұйымдастырудың маңызды факторларының бірі болып табылады. Көрсетілген дағдыларды дамытудың ең шынайы жолы – интерактивті оқыту әдістерін ұйымдастыру, интерактивті оқытуға негізделген оқушылардың психикалық әрекеті және олардың басқа қатысушылармен өзара әрекеттесуін қамтитын оқу процесі. Әдістемелік нұсқау мазмұны оқушылардың логикалық, сыни, шығармашылық қабілеттерін дамытады, іскерлік ортаға жағдай жасайды және ынтымақтастық үшін оқытудың интерактивті әдістерін қолдануға ықпал етеді.

Әдістемелік нұсқау сабақтарды жоспарлау және өткізу бойынша ұсыныстарды қамтиды, онда әр сабақтың мақсаты мен міндеттері тұжырымдалады, жұмыс әдістері мен күтілетін нәтижелер сипатталады, қажетті қосымша материалдар тізімі берілген.

Бұл әдістемелік нұсқау жалпы білім беретін оқу орындарының үлгілік оқу бағдарламалары бойынша оқыту үдерісінде ұлттық мәдени, өнер дәстүрлерін тасымалдаушы ретінде толерантты тұлғаны жан-жақты тәрбиелеуде «Бейнелеу өнері» пәнінің мүмкіндіктерін кеңейту мақсатында әзірленген болатын.

«Бейнелеу өнері» пәні көбінесе өскелең ұрпақты оқыту және тәрбиелеу үдерісінде ерекше пән болып табылады. Дегенмен бұл пәннің оқушыларды тәрбиелеудегі мүмкіндіктері тұрақты түрде кеңейіп келеді.

Бейнелеу өнері визуалды қабылдануымен байланысты жазықтықта немесе кеңістікте орындалады. Жалпы білім беретін мектептердің дамуының қазіргі кезеңінде оқушыларға көркемдік тәрбие мен эстетикалық тәрбие беру ісін айтарлықтай жетілдіру маңызды бағыт болып табылады. Өнер туындыларын, тарих және сәулет ескерткіштерін, туған табиғаттың әсемдігі мен байлығын түсініп, бағалай білуге, туған өлкенің мәдени құндылығын

қастерлей білуге тәрбиелеу қажет. Бұл мақсаттарға әрбір пәннің, әсіресе танымдық, тәрбиелік күші зор әдебиет, музыка, бейнелеу өнерінің мүмкіндіктерін пайдаланған абзал.

Бейнелеу өнері сабақтарының балалардың психикалық дамуы үшін маңызы зор. Оқушының психикалық дамуы бейнелеу әрекетінде өзінің тәжірибелерін, сезімдерін, затпен әрекеттесуден алған әсерлерін жеткізуімен анықталады. Балаларда белгілі бір қаһарман бейнесін жасау барысында бұрын алған білімдері нақтыланып, бекітіледі. Жұмыс үшін олар қиялды, есте сақтауды, ойлауды, тәжірибені байланыстырады.

Мектеп оқушыларына көркемдік және эстетикалық тәрбие беру ісінде бейнелеу өнеріндегі ең қарапайым дағдыларды меңгерту көзделеді. Шығармаларды өз бетінше құрастыру, өткен және қазіргі атақты суретшілердің шығармашылық мұраларымен таныстыру, шығармашылық қабілеттерін дамыту және қалыптастыру міндеттері қойылады. Бұл үшін көркемдік-эстетикалық цикл пәндерін тереңдетіп оқытатын мектептер мен сыныптар да бар.

Кіші жастағы оқушыларға арналған сабақтарды тақырыптық бағытты ескере отырып, тақырып бойынша жоспарлау жаңа түсінікке және пәндік байланысқа ықпал етеді. Оның мәні бейнелеу өнеріндегі оқу-тәрбие процесінің мақсаттары мен міндеттерінің бірлігін көре білуінде жатыр.

Негізгі оқу және тәрбиелік міндеттер: оқушыларға идеялық-саяси, адамгершілік, еңбек және эстетикалық тәрбие беруді жүзеге асыру; оқушыларды шынайы сурет салудың қарапайым негіздері туралы біліммен қаруландыру; олардың сурет салу дағдыларын, есте сақтауын, елестете алу дағдыларын дамыту, халықтық және сәндік-қолданбалы өнер саласындағы туындылардың ерекшеліктерімен таныстыру; балалардың қабілетін, көркемдік талғамын, шығармашылық қиялын, эстетикалық сезімін және сұлулықты түсінуін дамыту; өнерге деген қызығушылықтары мен сүйіспеншіліктерін арттыру;

әртүрлі дәуірлер мен халықтардың бейнелеу өнері мен сәулет өнерінің көрнекті туындыларымен таныстыру.

Әдістемелік нұсқау Қазақстан Республикасының жалпы білім беру тұжырымдамасы негізінде дайындалып, оқушылардың жас ерекшеліктеріне сәйкес құрастырылған. Мазмұны қарапайымнан күрделіге өту принципі бойынша құрылған, білім деңгейіне сәйкес келетін тақырыптарға негізделген оқушылардың ғажайып және қызықты өнер әлемін қабылдауы жан-жақты қамтылған. Оқушылар пән мұғалімдерінің көмегімен белгілі сатыларға көтеріле отырып, бейнелеу өнерінің рөлін, оның бейнелеу іс-әрекеттерін, көркемдік образдық шешімдердің шынайы көрінісін түсіне бастайды. Бастауыш сыныптарда «Бейнелеу өнері» пәнінің мәні баланың жалпы көркем шығармашылық ойлауын дамыту болып табылады.

Мұғалімге арналған нұсқаулық «Бейнелеу өнері» сабағын жүргізуге арналған қөмекші құрал болып табылады. Нұсқаулық еңбек жолын жаңа бастаған жас маманға да, тәжірибелі ұстазға да аталған пәнді жүргізуге әдістемелік тұрғыдан жан-жақты көмек көрсете алатынымен ерекшеленеді. Нұсқаулықтың тағы да бір ерекшелігі – мұғалімге белігілі бір сабаққа немесе нақты бір жағдайларға байланысты қандай да бір технологияларды, әдіс- тәсілдерді, материалдарды таңдауға мүмкіндік береді. Нұсқаулықтағы сабақтар пәндік, метапәндік байланыстарды етене ұстанып, кіріктірілген білім беру бағдарламасына негізделіп, нақты сабаққа бейімделген оқу мақсатынан басталады. Ал сабақ мақсатында оқушылар сабақ барысында білуге, түсінуге және орындай білуге тиісті мақсаттар сипатталады.

Бұл әдістемелік нұсқаулық бастауыш мектептегі «Бейнелеу өнері» пәні бойынша оқу бағдарламасының негізінде әзірленген. Бастауыш мектепте оқытылатын пәндер арасында «Бейнелеу өнері» пәнінің орны ерекше. Өйткені ол жеке адамның ойы мен сезімін білдіретін, шығармашылық қабілетін дамытатын, көркемдік талғамы мен дүниетанымдық көзқарасын қалыптастыратын негізгі құрал болып табылады. Аталған пән сондай-ақ адамның табиғатпен қарым-қатынасын білдіріп, қоршаған ортаны әртүрлі көзқарас тұрғысынан қабылдауға үйретеді. Жеке тұлғаның танымдық, шығармашылық және тәжірибелік дағдыларын дамытады. Аталған пән оқушыларға бейнелеу өнерінің түрлері мен жанрларын ажыратуға, тануға, талдауға және зерттеуге дағдыландырады. Көркемдік-шығармашылық іс-әрекет және өнер туындыларын көрнекі қабылдау, қоршаған әлемді эстетикалық тұрғыдан бақылау ретінде қарастырылады.

Оқушылардың шығармашылық жұмысы оқушылардың бейнелік-кеңістіктік ойлауын эмоционалды-құндылық, дүниені эстетикалық тану түрі, мәдениеттің көркемдік-адамгершілік кеңістігінде өзін-өзі көрсету және бағдарлау формасы ретінде дамытады.

«Бейнелеу өнері» пәнінің оқу бағдарламасына сай оқушылардың өз бетінше жұмыс істеуге қабілетті, ынталы, қызығушылығы жоғары, өздеріне сенімді, жауапкершілігі мол және жан-жақты дамыған тұлға болып қалыптасуын қамтамасыз ету қағидаттары басшылыққа алынған. Пән мұғалімдеріне әртүрлі стратегияларды қолдана отырып, оқушылардың бойында төмендегідей қасиеттерді қалыптастыру міндеті жүктелген:

мұқият таңдалып алынған тапсырмалар мен іс-әрекеттер арқылы ынталандыра және дамыта оқыту;

оқушыларға түсінікті материалдар негізінде мәселелерді шешу стартегиясын жүзеге асыру;

объективті бағалау арқылы оқушылардың білім алуын ынталандыру;

оқытудың зерттеу әдісіне негізделген белсенді түрін жандандыру;

оқушылардың сыни тұрғыда ойлау дағдысын дамыту;

оқушылардың пікіріне құлақ аса білу және олардың дамуы үшін бұрынғы білетіндерін пайдалана білудің маңыздылығын түсіндіру. Әдістемелік нұсқаулық сабақтың барлық кезеңін есепке ала отырып, қамтамасыз етеді және төмендегі критерийлерді қамтиды:

Өткізілетін сабақтың мақсаттарын талқылау үшін немесе мәселені жою және алдын ала талқылау үшін тапсырмалар мен сұрақтар;

Оқушылар жеке, жұптық, топтық тәжірибе жүргізу жұмыстарын орындау ұсыныстары бойынша;

Нақты бекітілген тақырыптар бойынша тапсырмалар;

Алған білімдерін талдау мақсатына арналған тапсырмалар;

Өзін-өзі тексеруге немесе өзара тексеруге арналған сұрақтар мен тапсырмалар.

Әдістемелік нұсқау мазмұны оқушылардың жас ерекшелігін ескеріп, материалдар ұсынылды, эстетикалық және көркемдік білім беру дәйекті және жүйелі түрде білімді ұсыну мен көркемдік іс-әрекет дағдыларын үйретуге негізделген.

«Бейнелеу өнері» пәнінің нысаны ол көркемдік білім беру аумағындағы білім алушы және мектеп болып табылады. Білім алушыларды Қазақстан мен бүкіл әлемнің рухани және материалдық мәдениетінің ажырамас бөлігі ретінде бейнелеу өнері әлеміне тарту, олардың тұлғасын қалыптастыру мен дамытудың тиімді құралы болып табылады.

«Бейнелеу өнері» пәнін оқытудың міндеттері:

практикалық тәжірибені байыту, адамгершілік сезімдерін тәрбиелеу, Қазақстан халқының мәдениеті мен басқа елдердің мәдениетін құрметтеу;

бейнелеу өнеріне деген қызығушылық пен әсемдік сезімін тәрбиелеу;

шығармашылық жұмыстарда қоршаған әлемге өзінің көзқарасын білдіру, қабілетін дамыту;

сурет, кескіндеме, композиция, мүсін арқылы бейнелеу сауаты негіздерімен танысу.

Оқушыларды жастайынан классикалық бейнелеуге баулу мұғалімдер мен ата-аналар үшін өте маңызды қадам деп санауға болады. Өйткені бұл – оқушылардың жеке тұлғасын қалыптастырудың маңызды факторларының бірі. Өнердің классикалық бейнелері дүниетанымның тұтастығын қамтамасыз етеді. Оқушылардың бұл суреттерді ұмытпауын қамтамасыз ету өте маңызды. Олар қазақ халқының ұлттық өнеріне деген терең мақтаныш сезімімен балалар үшін қайта ашылуы керек. Мұғалім бұл тамаша суреттердің балалардың жадында жоғалып кетпей, өз заманының адамдары үшін болғандай жаңалық ретінде тәжірибеден өтуіне және балаға олардың мақтанышпен айтылған сөздері ретінде түсініп, туған мәдениетінің сұлулығын сезінуіне тырысуы керек.

Бұл сезімдер оқушы бойында табиғи түрде бірте-бірте қалыптасады. Бірақ бірден көптеген жұмысты қарастыру ұсынылмайды. Ең бастысы, балаларды олардағы көңіл күйді сезінуге үйрету. Суретті қарастырған кезде автордың аты-жөнін, шығарманың атауын қайталаған жөн. Егер мұражайлар мен көрмелерде оқушылар жай ғана бақылаушы болса, сыныпта олар суретшілердің шығармашылығы жөнінде жан-жақты білім алады. Сабақ басталар алдында немесе соңында сыныпта оқушылар жұмыстарының көрмесін ұйымдастырған жөн. Балалар өз жұмыстарынан рухани ләззат алады, ата-

аналарымен, сыныптастарымен қуаныштарын және жетістіктерін бөліседі. Мұғалімнің жасаған ортасы оқушылардың өздерін нағыз суретші ретінде сезінуге әрі рухани азық пен шексіз ләззат алуға мүмкіндік береді.

Қысқамерзімді жоспарлауда топтардың жұмысын бағалау үшін әртүрлі формалар ұсынылған:

Мұғалімнің әр топты бағалауы;

Мұғалімнің кейбір оқушылардың іс-әрекетін бағалауы;

Өзін-өзі бағалау, өзара бағалау.

Қысқамерзімді жоспарлауда ұсынылған тақырыптар тек бейнелеу дағдыларын дамыту ғана емес, сонымен қатар құрастыру, модельдеу, материалдардың қасиеттерін зерттеу, ақпарат көздерімен жұмыс істеу, ойлау, қол еңбегін дамыту мақсатына бағытталған. Ұсынылған тапсырмалар ұлттық өнеріміз…