Күй басы Кеңес тақырыбы бойынша ашық сабақ

Қожахметова Гүлжанар Наурызовна

Ақтөбе облысы

Темір ауданы

Кеңқияқ музыка мектебінің домбыра-баян класының мұғалімі

Сабақтың тақырыбы: «Күй басы – Кеңес»

Сабақтың мақсаты: Күй ойнау шеберліктерін арттыру, күйді ойнау ілімдерін үйрету, есте сақтау, ойлау қабілетін дамыту, музыканы түсінуге, құрметтеуге тәрбиелеу.

Сабақтың түрі: Жаңа сабақ

Сабақтың әдіс-тәсілдері: Сұрақ-жауап

Көрнекілігі: Үнтаспа, аспап домбыра, ноталар, шарлар, күй туралы нақыл сөздер.

Сабақтың өту барысы:

I.Ұйымдастыру бөлімі: Сәлемдесу, оқушының жағдайын сұрау

II.Үй тапсырмасын тексеру.

Оқушыға жаттығу орындату.

М.Әубәкіровтың «Өрнек» күйін жеке ойнату, қағыс, өлшем, екпінін сұрап сабақты бекіту.

IV.Жаңа сабақ

Күйдің құдіреттілігі жөнінде ақын Ілияс Жансүгіров былай деп жырлаған:

Тайпалап жорға болып салдырған күй,

Мейірін тыңдағанның қандырған күй.

Тартқанда зарылдатып,сұңқылдатып

Аққуды аспандағы қондырған күй.- деп күйдің мазмұны мен сырын терең бағалай біліп, поэзия тілімен шебер суреттеген

Күй» дегеніміз не? Күйшілерді белесің бе? (Күйшілердің суретін көрсетемін)

Қазақ халқының біздің дәуірімізге дейін сақталып қалған асыл мұрасы – күй өнері.Өткен ғасырларда нота сауаты жоқ кезде дүниеге келген ән- күйлер өмірмен бірге қайнап, ауыздан-ауызға, қолдан- қолға көшіп біздің заманымызға жетті.Қазақ халқы өзінің көңіл- күйі мен арманын, қоғамға деген көзқарасын домбыраның қос ішегі арқылы жеткізе білді.Суырып салма ақындар мен бармағынан бал тамған күйшілер арқылы бізге жеткен назды әндер, ғажайып күйлер халқымыздың музыка мұрасы ғана емес,мәдени байлығы, рухани азығы болып отыр.

Күй - домбыра және басқа аспаптарда халық аспаптарында орындалатын музыкалық шығарма.

Күйлер тақырыбымен мазмұнына қарай: аңыз күйлер, тартыс күйлер, тарихи күйлер, арнау, лирикалық, психологиялық күйлер болып жіктеледі.

Бүгінгі жаңа сабағымыз халық күйі «Кеңес». Халық күйлері ұрпақтан - ұрпаққа жеткенімен, шығарған күйшілердің аты - жөні ұмыт болуынан халық күйі деп аталған. Күйшілер домбыраға құдірет бітіріп, неше түрлі дыбыс шығара білген. Халық күйлері халықтың тұрмыс - салт көріністерін адамның тағдырын, жалпы өмірдегі болмысты суреттеп баяндайтын күй. Халық күйлері ғасырдан - ғасырға ұласа беретін тұтас музыкалық тұлға. Музыка өнерінің ең бай саласы – күй өнері. Ел арасына көп тараған халық күйлерінің бірі «Кеңес» күйіне тоқталайық. Ерте заманда ел ішіндегі елең етер оқиғаларды данагөй қарттарымыз ақылымен,…