Күлкіңді әлемге сыйла психологиялық ашық сабақ

«Ғ.Абдуллин атындағы орта жалпы білім беретін мектебі» коммуналдық мемлекеттік мекемесі

Тақырыбы: «Күлкіңді әлемге сыйла»

(Тренинг - сабақ)

Мектеп псиихологы: Н.Т.Кадырова

Контингент: 5 сынып

2018-2019 оқу жылы

Мақсаты:

Қатысушылардың психоэмоционалдық жағдайларын жақсарту, бір-бірімен жақсы қарым -қатынас орнату.

Шығармашылық қабілетті әрі қарай дамыту. Релаксация арқылы жағымсыз ойлардан арылу

Түрі: Тренинг – сабақ

Құралдары: Плакат- Ағаш суреті бар, ақ қағаз, қалам, түрлі түсті бояулар , әуен, доп, суреттер және смайликтер.

Тренингтің ережесі: тыңдау, ойын ашық айту, уақыт үнемдеу, ойды бөлмеу.

Тренингтің барысы:

Құрметті оқушылар бүгінгі тренинг сабағымызға хош келдіңдер!Дүниедегі ең үлкен нәрсе - кеңістікБәрінен жүйрік - ойБәрінен дана - уақытБәрінен жеңілі - басқаға ақыл айтуБәрінен қиыны - өзіңді өзің тану.-деген екен данышпан философ ФалесЯғни , бүгінгі «Күлкіңді әлемге сыйла» тақырыбындағы тренинг сабағымызда біз өз бойымыздағы жақсы қасиеттерді бағалай отырып, өзіміздің мейірімге толы жүректеріміздің күлкісін әлемге сыйлаймыз.

Тренингтің кезеңдері.

Психологиялық дайындық, ұйымдастыру

«Амандасу»

Мақсаты: амандасау арқылы оқушыларды тренингке бейімдеу.

Нұсқау: бір-бірімізге комплимент айтудан бастаймыз. Мысалы: Ақнұр, сен бүгін ерекше көріктісің, Аружан, сенің көркіңе ақылың сай (т. б сол сияқты бір-біріне жылы сөздер айту соңғы оқушыға дейін жалғасады).

- Рахмет, балалар ! Әрбір жүректен шыққан жақсы сөз біз үшін жайлы атмосфера қалыптастырды.

«Мен және менің есімім» жаттығу

Мақсаты: оқушының өзіне деген сенімділікті қалыптастыру, өз есіміне жақсы көруге үйрету.

Нұсқау:Барлығымыз бір-біріміздің есімдерімізді білеміз . Бірақ сол есімдердің мән-мағынасына терең үңіліп көрдік пе? Әрине жоқ Алдарыңыздағы параққа есімдеріңізді бейнелейтін сурет салып, қандай мағына беретіні туралы айтасыздар.

«Сен маған ұнайсың» жаттығу

Мақсаты: сыныптастардың топтық сенімін бекіту, ішкі қысымынан арылту, ашық болуға бағыттау.

Нұсқау: Қағазға есіміңізді жазып қоясыз келесі парталас көршің сені не үшін ұнайтыны туралы жазады.

«Орманға серуен» жаттығу

Мақсаты: релаксация, босаңсу мүмкіндігі және эмоционалдық ширығудан арылу

Нұсқау: Бойыңызды бос ұстап ,түзу отырыңыз.

Көзіңізді жұмыңыз,терең тыныс алыңыз, әрбір тыныс алған сайын босаңсуға тырысыңыз. Қазір біз орманға серуенге барамыз.Есікке қарай жүріп келе жатқаңызды елестетіңіз.Таза ауамен тыныс алыңыз, самал жел жаныңызды желпиді.Күн сәулесі бетіңізді жылытады.