Менің көңіл күйім психологиялық тренингі, ашық сабақ

«Байқоныс ауылының жалпы орта білім беретін мектебі» КММ

Педагог- психолог Мальтай Айнагул

Мен, Мальтай Айнагул Байқоныс ауылының жалпы орта білім беретін мектебінде жиырма бес жыл мұғалімдік қызмет атқардым, он алты жыл педагог-психолог болып жұмыс жасадым.Білімім жоғары.Менің мақаламның тақырыбы: «Менің көңіл күйім» тренинг.

Тақырыбы: «Менің көңіл күйім» тренинг

Мақсаты: жақсы көңіл күйдің адами қарым-қатытынаста алатын орны туралы оқушылардың түсініктерін кеңейту. Эмоционалдық көңіл күйін көтеру, шаршағандықтарын басу, жағымды психологиялық ахуал қалыптастыру.

Әдіс- тәсілдер; әңгімелесу, сұрақ-жауап,жаттығулар, тілегін білдіру т.б.

Сабақтың барысы:

Көңіл –күйге байланысты сұрақтар

Көңіл-күй неге ұқсас? Сурет салу

Мен қандаймын өзін-өзі бағалау

«Сағат тіліндегі досым» амандасу жаттығуы

«Балады,болмайды» жаттығуы

Сергіту сәті

Рефлексия Тілектерін білдіру

Кіріспе сөз. Сәлеметсіздер ме, оқушылар!. « Өмірді танда!» атты айлығының аясында өтетін

« Менің көңіл күйім» тренинг сабағына қош келдіңіздер. Адамның көңіл күйі әлемі шексіз. Әр адам баласы әр түрлі нәрселерге қуанады, шаттанады, ерекше күлімсірейді, ерекше сүйсінеді, шексіз бақытты болады, керісінше, ренжиді, өкінеді, қамығады, ызаланады, назары болады.Көтеріңкі көңіл адамға қуат бітіріп, бойын сергітеді, ал уайым- қайғы жабырқатып жібереді. Сондықтан адамның қарым-қатынасы оның көңіл күйіне байланысты болады. Көңіл күй- адамның ішкі дүнесінің құбылысы, көңіл күй- адамның айнасы. Біздің көңіл күйіміз- ол күн сияқты. Күн адамның ішкі жан дүниесін жылытады. Барлық жақсылық табиғатқа – күннен,ал өмірдегі жақсылық-адамнан.Олай болса, қысқаша ғана көңіл күй туралы не білеміз, соған тоқталып кетейік. Ол үшін мына сұрақтарға жауап берулерің керек;

Көңіл күй дегенді қалай түсінесіңдер?

Қандай нәрселер адамды қуанышқа бөлейді?

Адам көңілсіз болғанда қандай көңіл- күй болады?

Көңіл- күйдің денсаулыққа әсері бала ма?

( Балалардың жауаптары тыңдалады)

2 «Көңіл күй неге ұқсас?» сурет салу.

Енді барлығымыз алдымыздағы ақ қағазға көңіл күйімізді түсіріп көрейік.Әрқайсымыздың көңіл- күйіміз табиғат тәрізді бірде бұлттанады, бірде шайдай ашылады, бірде жауындатады т.б. Табиғат құбылыстарымен байланыстырып көңіл-күйді қағаз бетіне түсіру

3. « Мен қандаймын?» Өзін- өзі бағалау ( Психодиагностика)