Күмбірлетсе домбырасын тәрбие сағаты 5-сыныпқа

Маңғыстау аудандық балалар өнер мектебі

"Күмбірлетсе домбырасын күллі әлем ұйыған"

Домбыра сыныбы мұғалімі: Нұргүл Мұратова

Тақырыбы: «Күмбірлетсе домбырасын- күллі әлем ұйыған»

Мақсаты: Оқушыларға домбырашы, күйші, ұстаз Орын Құлсариевтың өнер жолы, шығармашылығы жөнінде мағлұмат беру. Оқушыларды адамгершілікке, өнерді сүюге, шығармашылыққа баулу,

Сәлеметсіздерме ұстаздар мен оқушылар!

1-Жүргізуші: Біз бүгін домбырашы, күйші, ұстаз Орын Құлсариевтың өнер жолы мен шығармашылығына арналған «Күмбірлетсе домбырасын - күллі әлем ұйыған» атты ашық тәрбие сағатымызды бастаймыз!

2- жүргізуші: Кетсе – бірге кетіседі,

Жетсе – бірге жетіседі.

Бірі қатты, бірі тәтті,

Домбыраның екі ішегі деп – Мырзатай ағамыз жырлағандай,

Орын Мирастың орындауында Құрманғазының күйі- «Сарыарқа».

1-жүргізуші: С.Құсайыновтың күйі «Мереке» -орындайтын домбырашылар Триосы

О.Құлсариевтың өмірі мен шығармашылығына арналған слайд көрсетіледі.

Жүргізуші: Орын ағамыз туралы айтар болсақ ол қазақтың қадірлі азаматы,бір туар тұлғасы, Қазақстан Республикасының мәдениет қайраткері, Халық ағарту ісінің үздігі, күйші, аға домбырашы, еліміздің, аулымыздың мақтанышы. Маңғыстаудың киелі топырағында дүниеге келіп, сол топырақтың даңқын өнерімен өрнектеген азамат.

Орын Құлсарыұлы бала жасынан өнерді серік еткен таланттың тұла бойы күмбірлеп тұрған күй. Оған ешкімнің таласы жоқ. Маңғыстау облысының Таушық ауылында туып өскен елгезек ұланның өсе келе қазақтың қара домбырасын құлағында ойнауына оның айналасында өнерпаз жандардың ықпалы тиген. Өзінің де көңілі өнердің нағыз иесі болуға құлаған. Домбыра – қазақ халқының ежелден бері келе жатқан серігі болса, күй – кеңпейіл дарабоз ұлттың бүкіл өмірінің күмбірлетіп сөйлетіп келе жатқан өнер құдіреті. Оның еш жерде қайталанбайтын қасиеті тілсіз сөйлеуінде.

Жүргізуші: Қасиетті Маңғыстаудың таланты Орын Құлсарыұлының домбыра тартуға деген құлшынысы 6-7 жастан басталған деседі, оның өмір мектебінің сөйлеген деректе. Екі ғасырдың куәсі болған қарт күйшінің өмірбаянындағы Онды ауылына көшіп келген домбырашы Самалай есімді жігіттен домбыра үйренген бала Орынның өнерге деген құштарлығы бұрынғыдан да артады. О бастан өнердің тылсым құпиясын үйренсем деген бала қиялы биікке құлаш ұрып, қанаттана түседі. Өнерге іңкәр бала жүрегі қасите мол әлемнің биігіне қол созып, Динаның, Құрманғазының, Есірдің күйлерін үйренеді. Таланттың бағын ашқан әуелі өзінің талабы болса, содан кейін ықпал еткен өнерді сүйген күйді қастерлеген талантты жандар деп жазылған.

1-Жүргізуші: Бүгінгі біздің мазмұнды тәрбие сағатымыздың басты кейіпкері Орын Құлсариевте балдәурен-балалықшақ болған жоқ. Елбасына туған соғыстан кейінгі ауыр жылдар болашақ күйшінің отбасына салмағын түсіріп, қиыншылығын көбейтті. Кеудедегі бұлқынып жатқан армандарды былай ысырып қойғанда,күнделікті талғажау өтетін тамақты табудың өзі тым қиынғасоғатын. Ауыр жылдарда жастай дүниеден озған әкесі әкесі Құлсарының аялы алақанын…