Курстың берері мол тақырыбындағы эссе үлгісі

Курстың берері мол

«Алға ұмтылу – өмірдің мақсаты осы ғой.

Өмірдің мәні мақсатқа жету жолындағы

іс-әрекеттің парасаттылығы мен пәрменділігінде,

ендеше тұрмыс-тіршіліктің әрбір сәтінде

алда үлкен мақсат тұруға тиіс»

М.Горький

Ата - бабаларымыз сан ғасырлардан бері аңсаған тәуелсіздігіміздің ақ таңы атып, Қазақстан әлемде өзіндік сара жолы бар мемлекетке айналды. Елбасымыз Нұрсұлтан Әбішұлы Назарбаев білімді ұрпақ тәрбиелеу, мемлекетімізді биік шыңдардан көрсету, дамыған 50 елдің қатарына қосылу мақсатында ұлы қадам бастады. Мемлекетіміздің білім беру үдерісіне енген жаңартылған білім беру бағдарламасы - заман талабына сай келешек ұрпақтың сұранысын қанағаттандыратын тың бағдарлама. Қай елдің болсын өсіп-өркендеуі, ғаламдық дүниеде өзіндік орын алуы оның ұлттық білім жүйесінің деңгейіне, даму бағытына байланысты. «Ұрпағы білімді халықтың болашағы бұлыңғыр болмайды» дегендей, жас ұрпаққа сапалы, мән-мағыналы, өнегелі тәрбие мен білім беру-бүгінгі күннің басты талабы.

Болашақ ұрпақ білімді болсын десек, сол ұрпаққа өмірде адаспай өз орындарын табуға бағыттайтын ұлағатты ұстаздардың біліктілігін арттырудан бастағаны өте орынды деп білемін. Осы бағытта жүзеге асырылған игі шаралардың бірі – еліміздің білім сапасын әлемдік деңгейге жеткізетін мұғалімдер қауымын қайта даярлау курстарынан өткізіп, жаңартылған оқу бағдарламасының өзгешеліктерімен таныстырып, қарқынды жұмыс жасап жатқаны.

Осыған орай менде Өскемен қаласындағы «Педагогикалық шеберлік орталығы» ұйымдастырған мұғалімдердің біліктілігін арттыру курсына келдім. Курсты шығыстың әр өңірінен жиналған өзім сияқты әріптестеріммен бірге бастап кеттік. Бірінші күні тренеріміз Динара Нұрахметовнаның басшылығымен қызықты ұйымдастырған таныстырумен бір-бірімізбен танысып, жаңартылған бағдарламаның қыр сырын меңгеруге құлшына кірістік. Курс барысында мұғалімнің алдында әрбір оқушыны оқытып тәрбиелеуге байланысты мәселелерді өздігімен және шығармашылық ынтамен шешуге қабілетті жаңашыл мұғалім болуы керектігін түсіндім. Жаңа, тез өзгермелі, білімді де білікті, тың серпіліске, өзгеруге дайын және жаңа талап межесінен көріне алатын шығармашыл да кәсіби шебер мұғалімдерді қажет етіп отырғанына көзіміз жетті. Оқушылардың мектепте табысты оқуы ғана емес, өмірде де табысты болуы мұғалімнің қабілетіне, оның құзыреттілігіне байланысты екенін терең түсіндім. Мұғалім оқушылар үшін қандай да бір пән бойынша білім беретін адам ғана емес, сондай-ақ олардың оқудағы еңбегін қызықты,…