Деңгейлік курс туралы эссе жазу үлгісі

Батешова Гулжазира Кайыргалиевна,

[email protected]

«Педагогикалық қоғамдастықтағы мұғалім көшбасшылығы»

бағдарламасына жеке көзқарасым

«Қазір бой жарыстыратын

заман емес, ой жарыстыратын

заман»

Н.Ә.Назарбаев

Еліміз дамыған елдер қатарына кіру үшін болашақ жастардың заман талабына сай білім алуы маңызды. Сондықтан да білім саласында қазіргі таңда көптеген жаңалықтар орын алуда. Соның бірі - ұстаздардың біліктілігін арттыру мақсатында жүргізіліп жатқан «Педагогикалық қоғамдастықтағы мұғалім көшбасшылығы» бағдарламасы.

«Қай істің болсын өнуіне үш түрлі шарт бар. Ең әуелі ниет керек, одан соң күш керек, одан соң тәртіп керек» деп жазушы М.Әуезов айтқандай, осы бағдарламаны толық игеріп алу үшін өзімізге белгілі мақсат қойып, жоғары ынтамен талаптанып келдік. Бағдалама барысында біз 7 модуль ықпалдастырылған сабақтарды жоспарлаудан бастап, коучинг пен тәлімгерлік арқылы өзге мұғалімдерге көмек беру,олардың өз тәжірибесіне өзгеріс енгізуіне ықпал етуді қалай енгізуге болатынын үйрендік. Осы оқу барысында біз, оқытып жатқан оқушыларды өзіндік ойлауға, өзіндік шешім қабылдауға, ойын батыл түрде жеткізуге де үйреніп отырмыз.

Сонымен қатар біз кәсіби қоғамдастық құра отырып, мектептің дамуына кедергі келтіретін проблемаларды анықтауға және осы проблеманы шешу бағытында мектеп даму жоспарына өзгеріс енгізуге көшбасшылық жасауға үйрендік.

Заман талабына сай, мұғалімдердің кәсіби қоғамдастығы енді мектеп аясынан тысқары шығып, басқа педагогикалық ұйымдар мен әлеуметтік ұйымдарды қамтуы тиіс. Сондықтан да біз, көшбасшы мұғалімдер желілік қоғамдастық аясында бірлесіп тәжірибе алмасуға, өздерімізді толғандырып жүрген мәселелер төңірегінде пікір алмасу арқылы білім саласын дамытуға үлесімізді қосуға тиіс екенімізге көзіміз жетті.

Осы курстың менің кәсіби дамуыма, оқыту жүйесіне жаңа көзқараспен қарап, өзімнің болашақ бағытымды айқындауыма көмегі зор болды деп ойлаймын. Курстан кейінгі менің көшбасшы мұғалім ретінде алдыма қойған мақсатым- ұжымдағы басқа мұғалімдердің осы сындарлы оқыту теориясы негізінде диалогтық оқыту мен сыни ойлауды дамыту бағытында мән-жайға қанығып, өз іс-тәжірибесіне өзгеріс енгізуге, сол арқылы бүкіл мектеп шеңберінде өзгеріс жүргізілуіне ықпал ету. Бұл бағытта мен оқыту мен оқудағы жаңа тәсілдер туралы, коучинг, тәлімгерлік және сыныптағы бірлескен зерттеулер арқылы нәтижелі әрі тиімді оқытуды жүзеге асыру мақсатында әріптестеріме қолдау көрсетуді, мектепті…