Күшік пен мысық ертегісі бойынша балабақша конспектісі

Ересек тобындағы ұйымдастырылған оқу қызметінің конспектісі.

Тәрбиеші: А.А.Сулейменова

Вариативтік компонент: «Қазақ ертегілер театры»

Тақырыбы: «Күшік пен мысық» (ертегі)

Мақсаты:

Тәрбиелік:Балаларды үй жануарларын қорғай білуге тәрбиелеу.

Дамытушылық: Тілдерін дамытып, байланыстырып сөйлеуін, көркемділігін дамыту.

Оқыту: Ертегіні рөлдерге бөліп ойнауға, дауыс екпінін келтіре білуге үйрету.

Педагогикалық технологиялар:АКТ,денсаулық сақтау технологиясы.

Ресурстармен қамтамасыз ету: Түсіндіру, ойын, жеке жұмыс, сұрақ-жауап, көрсету.

Көптілділік компонент: күшік- щенок-dog, мысық-кот-cat,

Ұйымдастырылған оқу қызметінің барысы

1.Ұйымдастырушылық кезеңі:

Қонаққа әже келеді. Құрастырманы /пазлды/ құрап берулерін өтінеді.

2.Негізгі бөлім:

Құрастырманы құрастырып ненің бейнесі шыққанын табады.

Күшік пен мысықты құрастырады./Пазлдан/

-Ал сендердің үйлеріңде мысық пен күшік бар ма?

-Сендер мысық пен күшіктеріңе не бересіңдер, олар қандай тамақ жейді?

-Ал сендердің күшіктерің қандай дыбыс шығарады?

-Мен мысығыма сүт беремін.Ал күшігім етті жақсы көреді.

-Мен өзімнің мысығымның дауысын саламын. Ол «мияу-мияу» деп дыбыстайды.

Менің күшігім үреді.

Демонстрациялық құралмен жұмыс

Тақтаға күшік пен мысықтың суреті ілінеді.

-Балалар, сендер ненің суретін көріп тұрсыңдар?

-Күшіктің анасын қалай атаймыз? -Күшіктің анасын ит деп атаймыз.

-Ал мысықтың баласын марғау деп атаймыз.

-Енді осы күшік пен мысыққа ат қойыңдаршы.

-Ақтөс пен мамық деп ат қояды.

Сергіту сәті:

Керіледі мысық,

Көзін жаймен қысып,

Жүгіреді күшік,

Аула ішін кезіп.

-Қазір күшік пен мысық ертегісін оқып беремін, мұқият тыңдыңдар.

Күшік пен мысық

Автор: Қарны ашқан күшік тауда қаңғырып жүрсе, қасқыр жүгіріп келіп:

Қасқыр:-Ей, күшік мен сені жеймін!-депті.

Күшік:-Қой, көкешім, қой! Әуелі мені тойғыз, сонан соң жерсің,-депті күшік.

Қасқыр:-Жарайды, жарайды! Менің соңымнан қалмай ере бер,-депті.

Автор:Екеуі бірге келе жатып, бір топ сиырды көріпті. Қасқыр өзінің жолдасына қарап:

Қасқыр:-Маған қарашы: менің көздерім, құлақтарым, аузым, құйрығым қандай екен?-депті.

Күшік:-Сенің көзің шоқтай қызарып жайнаған, екі құлағың жылмиған, аузың арандай ашылған, құйрығың артқы екі аяғыңның арасына қыстырылып, жас шыбықтай болып майысқан,-депті

Қасқыр:-Мен не қылар екем, соны қара,

Автор:-депті де қасқыр шапшып барып, бір бұзаудың тамағына жабысып, тұншықтырып өлтіріпті, күшікті де тойғызады, өзі де тояды.