Күз келді тақырыбына арналған балабақша материалы

Пән: Қазақ тілі Т2

Ұзақ мерзімді жоспар бөлімі: Жанды табиғат

Күні:02.09.19

Сынып: 3

Мектеп: Новоромановка негізгі мектебі

Мұғалімнің аты-жөні: Шакуалиева Замзагуль Булатхановна

Қатысқандар саны:

Қатыспағандар саны:

Сабақ тақырыбы

Күз келді №1 сабақ

Осы сабақта қол жеткізілетін оқу мақсаттары

1.3 Тыңдаған аудио/бейнематериалдың мазмұнын түсіну

3.​1.​3.​1 тыңдаған материалдың (ұзақтығы 1,5-2 мин) мазмұны бойынша сұрақтарға жауап беру және сюжеттің даму желісі бойынша иллюстрациялар орналастыру/кесте толтыру/ мазмұндау

2.2 Берілген тақырып бойынша сөйлеу

3.​2.​2.​1 берілген тірек сөздер негізінде сөйлеу (3-4 сөйлем)

5.1 Грамматикалық нормаларды сақтау (лингвистикалық терминдерді қолданбау)

3.​5.​1.​2 өз бетінше шағын мәтіннен көптік/ тәуелдік/септік/жіктік жалғаулы сөздерді ауызша/жазбаша тілде қолдану

Сабақ мақсаттары

Тыңдаған мәтін бойынша сұрақтарға жауап беру

Берілген тақырып бойынша сөйлемдер құру

Көптік, тәуелдік жалғауларды дұрыс қолдану

Оқушылардың барлығы: тыңдаған мәтіннің мазмұнын түсінеді, тірек сөздермен сөйлемдер құрайды, мұғалімнің көмегімен жалғауларды қолданады

Оқушылардың көпшілігі: тыңдаған мәтін мазмұны бойынша сұрақтарға жауап береді, тірек сөздер негізінде сөйлейді, жалғауларды дұрыс қолданады

Оқушылардың кейбірі: тақырып бойынша білетін қосымша ақпаратымен бөліседі

Бағалау критерийлері

Тыңдаған мәтіннің мазмұнын түсінеді.

Берілген тірек сөздер негізінде сөйлейді.

Сөйлемде сөздерді дұрыс байланыстырады.

Лексикалық минимум

өзгеру, сыныптастар

Грамматикалық минимум

Тәуелдік жалғау, көптік жалғау

Сыныптасым, сыныптастарым

Құндылықтарды дарыту

Сыныптастарына құрметпен қарауға, сыныптастарымен дұрыс қарым-қатынас жасауға үйренеді.

Қоршаған ортаны қорғаудың маңыздылығын түсінеді.

Пәнаралық байланыстар

дүниетану

АКТ қолдану дағдылары

таныстырылым

Бастапқы білім

Сабақтың барысы

Сабақтың жоспарланған кезеңдері

Сабақтағы жоспарланған іс-әрекет

Ресурстар

Сабақтың басы

5 минут

Ертеңгілік шеңбер «Менің есімім».

Әркім кезекпен өз атын атап, есімінің бас әрпінен басталатын сөз айтады. Мысалы: Сандуғаш -сникерс, Әсел-әлем, Марат-мықты, Қанат-қайсар, Женя- жеңімпаз

Ой қозғау. Оқушылар суреттер арқылы жаңа тараудың мазмұнын болжайды.

Жыл мезгілдерінің суреттерін көрсету және сұрақ қою:

Бүгінгі сабағымыз қай мезгілге қатысты деп ойлайсыңдар? Неліктен?(оқушылар өздері сабақтың тақырыбын анықтайды)

Сабақтың мақсатымен таныстыру

Тыңдаған мәтіннің мазмұнын түсінемін.

Берілген тірек сөздер негізінде сөйлеймін.

Сөйлемдегі сөздерді дұрыс байланыстырамын.

Сабақтың ортасы

30 минут

(МК, Ұ) Жаңа сөздерді сурет арқылы, анықтама беру арқылы меңгерту

Өзгеру- адам өзгереді, табиғат өзгереді, күн райы өзгереді

Сөздің айтылуы мен жазылуындағы айырмашылықты көрсету

Өзгеру-өзгөру

Өзгереді-өзгөрөт

Сыныптас-бір сыныпта оқитын оқушылар

Тыңдалым.

Бүгін – бірінші қыргүйек. Қыргүйек- күздің бірінші айы. Күзде күн райы өзгереді. Күн салқындайды, жапырақтар сарғаяды. Күзде сабақ басталады. Биыл Әлібек үшінші сыныпқа барады. Қанат пен Әлібек бір сыныпта оқиды. Олар – сыныптастар.

Тыңдалымалды сұрақтар:

Сабақ қай кезде басталады?

Күзде не өзгереді?

(Ө) Тыңдалым тапсырмасы

«Қадамдық тыңдалым»

Оқушыларға мәтінді тыңдаудан бұрыналдын-ала сұрақтар беріледі. Содан кейін оқушылар сұрақтарға жауап беру мақсатында мұқият тыңдайды. Мәтінді екі рет тыңдайды.

Бүгін қай күн?

Күзде не басталады?

Күзде не өзгереді?

Әлібек нешінші сыныпқа барады?

Олар кімдер?

“Блиц-бақылау” әдісі: мәтін бойынша сұрақтарға 1-2 сөзбен жауап жазады.

Әр оқушы өз бетінше жауап жазып болған соң, мұғалім оқыған дұрыс нұсқамен тексереді. Өз-өздерін бағалайды.

Мен өте жақсы түсіндім.(5 балл)

Мен жақсы түсіндім.(4 балл)

Мен орташа түсіндім.(3 балл)

Мен дұрыс түсінген жоқпын.(2 балл)

Мен мүлдем түсінген жоқпын.(0-1 балл)

Тыңдалымнан кейінгі тапсырма

(Ж) Суреттерді мәтін мазмұны бойынша орналастырады және жұптар бір-біріне суреттердің көмегімен ауызша әңгімелейді.

Қалаулары бойынша бір-екі жұп сыныпқа әңгімелейді. Қалған жұптар «Өте жақсы», «Жақсы», «Талпын» сияқты комментарий айту арқылы арқылы бағалайды.