Өлкемізге күз келді мерекесіне арналған балабақша материалы

Жүргізуші: Армысыздар ата-аналар, құрметті әріптестер. Ел байлығын арттырған берекелі де мерекелі күз мерекесі құтты болсын. Сары алтындай сары күз себетке толы жемісін, қамбаға толы егінін сыйлайды. Мерекемізге қош келдіңіздер.

Музыка әуенімен балалар музыка залына кіреді.

Тақпақтар:Назерке: Күздің қазан айында

Алма, алмұрт піседі.

Жапырақтар сарғайып,

Сыбдыр-сыбдыр етеді.

Алижан: Жемісі мол беретін

Күз дос екен бізбенен.

Бәрін тауып беретін

Жомарт екен күз деген.

Заңғар: Сап-сары маңай,

Сап-сары тоғай.

Соңғы әнін айтып,

Құс кетті қайтып.

Айша: Соңғы шуақ төгіліп,

Салқынданып тұр аймақ.

Ақ сәулеге шомылып,

Жапырақтар жүр ойнап.

Мұхаммеджан: Көбейді құт береке

Астық толы қамбамыз

Құтты болсын мереке

Алтын күзді тойлаймыз

Ән "Күзгі вальс"

Жүргізуші: (Тосын сәт)

- Балалар, мен таңертең балабақшаға келе жатып, есікте ілініп тұрған қолшатырды көрдім. Алып қарасам, ол жай қолшатыр емес сиқырлы қолшатыр сияқты. Бұл қолшатыр кімнің қолшатыры болды екен? Бұл Күз Ханшайымының сиқырлы қолшатыры болуы мүмкін. Қане, балалар қолшатырдың қандай сиқыры бар екенін байқап көрейік.

(Қолшатырды айналдырған кезде Күзгі баққа апарады).

Жүргізуші: Ой, балалар қараңдаршы, бізді бұл сиқырлы қолшатыр Күзгі баққа алып келген сияқты.

Осы кезде Жаңбыр кіреді.

Жаңбыр: Сәлеметсіңдер ме, балалар! Мен күз мезгілінде болатын табиғат құбылыстың бірі - Жаңбыр боламын.

Жүргізуші: Сәлеметсің бе, Ақ жаңбыр.

Жаңбыр: Сендер мұнда қайдан жүрсіңдер?

Жүргізуші: Бізді саған сиқырлы қолшатыр жолықтырды. Сені көргенімізге дән ризамыз. Біздің балалардың өнерін тамашалап көр.

Тақпақтар:

Даниял: Сап-сары маңай,

Сап-сары тоғай.

Соңғы әнін айтып,

Құс кетті қайтып.

Алихан: Ән салыңдар күліңдер

Жайнап гүлдей жүріңдер

Күздің тойын тойлайық

Би билейік ойнайық.

Ақжүрек:Келді міне күз,

Айнала сары түс

Керемет, тамаша

Қандай әсем күз

Аят:Көк майсалы көрікті

Алқаптағы көп егін

Бұл күндері киіпті

Сары жібек көйлегін

Нұрдина:Думан толы асқарлы

Күз мезгілі басталды

Күз әуені кеп жетті,

Әнге бөлеп жастарды.

Ән: "Берекелі күз келді"

Би: "Қолшатыр биі" (Айша, Ақжүрек, Азиза /Әдемі, Нұрдина, Айару)

Ойын: "Жаңбыр жауды"

Жаңбыр: Сендер керемет би-билеп, әнді де айтады екенсіңдер. Ал, менде сендерге құр қол емес өзімнің қызықты ойынымды ала келдім.

Ойын шарты: Музыка әуенімен би билеп жүреді, музыка тоқтағанда балалар қолшатырдың астына кіру керек.

Жаңбыр: Жарайсыңдар, балалар. Рахмет сендерге. Мен сендерді көріп көңілім көтеріліп қалды. Енді менің барар жерлерім көп, мен жолымнан қалмай кете берейін. Сау болыңдар.

Балалар: Сау болыңыз.

Саңырау құлақ кіреді.

Саңырауқұлақ: Ой, мында не болып жатыр өзі? Тәтті әуен қайдан шығып жатыр десем, осында екен ғой қызықтың бәрі. Сәлеметсіңдер ме, балалар.

Жүргізуші: Сәлеметсің бе, Саңырауқұлақ. Сенің бізге жолыққаның дұрыс болды. Кел ендеше, бізбен бірге ән салып, би билеп, көңіліңді көтер.

Тақпақтар:

Арсен: Қамба толы астыққа

Алғыс саған, алтын күз

Бір уыс дән шаштық та,

Қап-қап қауын алдық біз.

Ұлмекен:Берекесін сыйлауға

Өлкемізге күз келді

Жемістерін жинауға

Шақырады біздерді.

Әдемі:Алтын, сары, қызыл, көк,

Алуан-алуан жапырақ.

Күзгі бақта күлімдеп

Көз тартады атырап

Бексултан:Тапталады табанға,

Судыр-судыр жапырақ,

Оттай сары бояуға

Малынғандай атырап.

Елдана:Күзде жауын, бұлт, тұман,

Сары жапырақ жауады.

Сары құйын ұйытқан,

Сапырады ауаны.

Би: "Саңырауқұлақтар биі" (Даниял, Бексұлтан, Аңсар, Арсен)

(Алихан, Мұхаммеджан, Айсұлтан)

(Аят, Заңғар, Дәулет)

Сауырауқұлақ: Сендерге көп рахмет. Менің көңілім көтеріліп қалды. Мен енді ормандағы достарыма сендерді жолықтырғанымды айтып, олармен бірге ән салып, би билейін. Қош сау болыңдар.

Бақша Қарақшысы кіреді

Жүргізуші: Ой балалар, бізге қонаққа кім келгенін бідесіңдер ме? Кәне амандасайық.

Бақша Қарақшысы: Сәлеметсіңдер ме, балалар, мен Бақша қарақшысы боламын. Мен бақшадағы барлық көкөністер мен жемістерді күзетемін.