Күз кереметі тақырыбына арналған семинар материалы

“Күз кереметі”

Мақсаты: Тұлғаны табиғаттың әсем көрінісін бақылата отырып , әсемдікке,сұлулыққа баулып , эстетикалық талғамын арттыру , әрі оқи білуге , жүйелеп сөйлеуге жаттықтыру. Білім алушының сөздік қорын, ой - қиялын дамыту . Жинақы дұрыс сөйлеуге, сұраққа нақты, толық жауап беруге дағдыландыру.Күз байлығымен, көкөніс түрлерімен таныстыра

отырып , табиғатты сүюге, қорғауға және еңбек етуге тәрбиелеу.

Міндеті:

-табиғаттың әсем көрінісін бақылауға үйренеді;

-сұлулыққа сүйсініп табиғатты бағалай білуге үйренеді;

-топ болып жұмыс істеп,ұжымда бір –бірімен тіл табысуға дағдыланады;

-сөздік қоры артып,жүйелі сөйлеуге жаттығады;

-ой-қиялы дамып, жинақы сөйлеуге қалыптасады;

-топта бір-біріне құрметпен қарап,бағалай білуге үйренеді

Топқа бөлу

І топ

ІІ топ

ІІІ топ

Сәлемдесу

Сергіту сәті: “Алма –алмұрт,апельсин”

Зейінді дамытуға ,топтың көңілін көтеруге арналған ойын.ойын ережесі: топ шеңбер жасап тұрады, ара қашықтығы алыс болуы керек.”алма” дегенде бір қадам алға, “алмұрт” дегенде бір қадам артқа , “апельсин” дегенде кері бағытқа айналады. Жүргізуші ойынды қиындату мақсатында үш сөзді бірнеше қайтара өзгертіп айтады. Топ қайталайды. Мысалы: “алма”, “алма”, алмұрт” , “апельсин” немесе “алмұрт”, алма, алмұрт, алма, апельсин” , алма.

Логопедия — бұл сөйлеудің бұзылуы және оны арнаулы оқыту мен тәрбиелеу нәтижесінде анықтау , түзету және алдын алу әдістері туралы ғылым .

Логопедиялық жұмыстың мақсаты мен мазмұны баланың сөйлеу тілінің бұзылуының себептерін анықтап , сонымен қатар сақталған функцияларын орнына келтіру , дамыту мүмкіншіліктеріне негізделеді

Баланың сөйлеу тілін жетілдіруде саусақтарды жаттықтыра отырып бас миының жұмыс істеу қабілетіне күшті ықпал етеміз . Сондай-ақ қолдың жазуға икемділігін арттырамыз . Балалардың дыбысты дұрыс айтуын түзету жұмыстарына кіріспес бұрын, оның жеке тұлғалық белгілерін міндетті түрде білу қажет. Кейбір балалардың сөйлеу тілінің бұзылуымен қатар, нервті-психология саласында да психологиялық ауытқушылықтар болатына да назар аудару қажет . Сол себепті де балалармен күнделікті жұмыста әр баланың жеке қабілетін ескере отырып , жалпы және арнайы моторикасын дамыту үшін ойындар мен тапсырмалар беріп отыру қажет .

Логопедиялық сабатардағы дидактикалық ойын барысында балаларды асықпай сөйлеуге тәрбиелейді; дыбыс айтуы шыңдалады, сөздік қоры молаяды . Есту зейіні мен фонематикалық естуін дамыту үшін музыкалық дидактикалық ойындардың да маңызы зор .

Дидактикалық ойындар . Бұл ойынды белгілі ережесі мен мазмұны бойынша үлкендер ұйымдастырады . Дидактикалық ойындардың міндеті — балалардың бағытталған және ортақ іс - әрекетін ұйымдастыру. Бұл ойын барысында бала еш мәжбүрсіз , байқамай қажетті білімдерді алады . Балалар ойын тапсырмаларына қызыға көңіл бөледі. Табу, айту , атау , ойын тапсырмасын сапалы шешуге көңіл бөледі: сұлбаны әдемі құрастыру, суретті дұрыс таңдау.

Қимылды ойындар . Сөйлеу тілінде кемшілігі бар балаларда қимыл бұзылысы жиі кездеседі : қимылдың епсіздігі жинақылық емес ебедейсіз , әр түрлі қимыл икемсіздігі . Сол үшін қимылды ойындардың алатын орны ерекше . Балалар қажет қимылды шыңдайды, ұжымдық ойындар ойнауды үйренді. Олар үшін дыбысталған қимылды ойындардың маңызы зор , логопедияда бұл ойындар логопедиялық ритмика деген атаумен таныс . Бұл ойындар алада дұрыс тыныс өлең мен дыбыстауды , қимылды сөзбен ұштастыруды тәрбиелеуге әсер етеді .

Шығармашылық ойындар . Бұл ойында балалар өз ойын қиялын, қоршаған әлемнен алған әсерін өз білімі мен тәжірибесін көрсете алады . Шығармашылық ойынның бір түрі құрылыс заттарымен ойнау . Бұл ойынға баланың кеңістікте бағдарлануына көлем мен сан, сапа туралы түсінігін дамытуға әсер етеді .