Күзгі суретші ашық сабақ 6 сынып

Күні: Пәні: қазақ тілі Сыныбы: 6 «а»

Сабақтың тақырыбы: Күзгі суретші

Сабақтың мақсаты: а) Күз тақырыбы бойынша әңгіме құрастыру, сұхбаттасу; ә) Мазмұндау, өз ойларын жеткізе білу, қойылған сұрақтарға толық жауап беру, сөйлемдерді дұрыс құрастыру, сөйлем мүшелерін ажырата білу. б) Қазақша сауатты жазу, сұрақтарды дұрыс қою;

Сабақтың түрі: Дәстүрлі емес Сабақтың әдісі: сұрақ-жауап, іздену, түсіндіру, іздену, сөйлесу, АКТ, СТО, венн диаграммасы, жеке, жұптық, топтық, диалогтік. Сабақтың көрнекілігі: кластер, кеспе қағаздар, слайд, суреттер, маркер, фломастер. Пәнаралық байланыс: әдебиет, сурет.

Сабақтың барысы: а) Ұйымдастыру кезеңі: Оқушылармен амандасу, түгендеу, сабаққа деген дайындықтарын, оқу құралдарын тексеру. Сыныптың тазалығына көңіл бөлу. Оқушылардың зейінін сабаққа аудару. Түрлі - түсті стикерлер арқылы сыныпты үш топқы бөлу. Оқушылар ортаға шығып бір-бірімен араласып, даму сатысы бойынша топ құрайды. Оқушылармен шаттық шеңберін құрып, психологиялық ахуал орнатып аламын. Оқушыларды түрлі - түсті стикерлер таратып беру арқылы үш топқа бөлдім. ә) Үй тапсырмасын пысықтау. Үйге берілген тапсырманы сұраймын. Әр топ ауа райына жазып келген болжамдарын оқиды. Ауа райының болжамдарын кімдер жасайтынын, қалай анықтайтынын айтып береді. Оқушыларға өткен сабақты қалай меңгергенін байқау үшін бірнеше сұрақтар қоямын. Үй тапсырмасына жауап беруде М,М,В,Р, атты оқушылар белсенділік танытты. Бүгін, ертең, бүрсігүні болатын ауа райының болжамдарын рет - ретімен жасап келгендерін оқып берді. Оқушыларға қосымша сұрақтар қойылды:

Ауа райының болжамдарын кімдер жасайды? Қандай құралдар арқылы жасалады? Ауа райының болжамдары керек пе? Не үшін керек? б) Қызығушылықты ояту сатысы. Ой шақыру.

Жылдың қандай мезгілдері бар? Жыл мезгілдері деген сөзді естігенде көз алдарыңа қандай

суреттер келеді? Қазір қай мезгіл?

Оқушылар жеке, жұп болып, топ болып жұмыс жасайды. Ортақ ойларын жинақтап, әр топтан бір оқушы сөйлейді. М,М,А,С атты оқушылар берілген сұрақтарға жарыса жауап берді. Енді орындарында «Күзгі суретші» мәтінін оқып, мәнін ашып пысықтайды.

Сөздікпен жұмыс: Жаңа сөздерді айтып, қайталау. Сөздердің дұрыс дыбысталуына көңіл бөлу. Слайд арқылы интербелсенді тақтадан көрсету. тәжікелесу-поспорить үйеңкі-клён қайың –берёза қарағай-сосна жөке-липа шырша –ель ырғай-бузина черная ине - иголка Мағынаны тану сатысы: Слайд арқылы «Күз» мезгілінде болатын өзгерістер мен құбылыстар жайлы айтып, таныстырып өту. Топтық жұмыс: 1-тапсырма. Тақтада көрсетілген слайдта сұрақтар берілген. Берілген сұрақтарға жауап беру. - Күзгі ауа рай туралы айтып бер? - Күз туралы жұмбақ айт. - Табиғат деген сөзді қалай түсінесің? - Күз айларын ата. - Күзгі суретші туралы айт. - Күз туралы мақалдар айт. Оқушылар слайдтқа қарап отырып, сұрақтарға жауап берді. Әр топтан үш оқушыдан жауап беріп отырды. 2-тапсырма. 1-топ. Берілген мақалдарды аяқта. 2-топ. Берілген сұрақтарға жауап бер. 3-топ. Көп нүктенің орнына сөздерді жазып, сөйлемдегі бастауыш пен баяндауышты тап. Әр топ өздеріне берілген тапсырмаларды орындайды. Топ ішінен бір оқушы шығып оқиды.

АКТ қолдану: - Сурет бойынша күз туралы әңгімеле? - «Күз» тақырыбына байланысты слайд көрсетіледі. Оқушылар суретке қарап күз туралы ауызша әңгімелеп береді. Оқушылар слайдта берілген суреттерге қарап күз туралы әңгімелейді.

Ой толғаныс сатысы. Топпен жұмыс: Мәтін бойынша «Даналық ағашы» ойыны. Ойынның шарты: Оқушылар топта «Күзгі суретші» мәтінін жылдам, бірақ мұқият оқып шығады. Содан кейін әрқайсысы мәтін бойынша бір сұрақ құрап, қағазға жазады. Жүргізушінің қолындағы сандықшаға оқушылар өз сұрақтарын кезекпен салады. Мәтінді тағы бір рет оқып шығады. Әр оқушы сандықшадан бір сұрақты алып оқиды да, оған жауап береді. Жауаптарының толық әрі дұрыс болуын өзім қадағалаймын. Ойынның соңында белсенді қатысқан әрі дұрыс жауап берген оқушыны атап өтемін.