Л дыбысын дұрыс айтуға машықтандыруға арналған ашық сабақ

Мұғалжар ауданындағы психологиялық-

Педагогикалық түзеу кабинеті

ММ кабинеттің мұғалім –логопед Алмагамбетова Арайлым Максатовна

Ашық сабақ: Сабақтың тақырыбы: «Л» дыбысын дұрыс айтуға машықтандыру. Сабақтың мақсаты: Буында жиі қайталау арқылы дыбысты анық айтуын жаттықтыру. «Л»дыбысын сөздер арасында ,басында, аяғында дұрыс айтуға машықтандыру.Сөз бен сөзді байланыстырып сөйлеуге дағдылындыру. Сөздік қорларын молайту. Сабақтың көрнекілігі: жеке айналар,артикуляциялық жаттығулар видео слайды, кеспе әріптер, суреттер, түрлі тапсырмалар. Сабақтың барысы: І. Ұйымдастыру кезеңі Кел, балалар ,тұрайық, Сәлемдесіп алайық. Көтеріңкі көңілмен Сабақты біз бастайық. - Балалар, бүгін бізге сабаққа көптеген қонақтар келіпті. Олар сендердің дыбыстарды қалай айтатындарыңды, тілдік жаттығуларды қаншалықты меңгергендеріңді білгісі келіп отыр. 2. Артикуляциялық жаттығулар :

- Ерте,ерте,ертеде, ешкі жүні бөртеде,кішкентай үйшіктің ішінде тіл өмір сүріпті. Ол қандай үй ? - Дұрыс, ол – ауыз. - Ол үйдің есігі ашылып – жабылып тұрады. (ауызды ашып - жабу) - Тіл үйінде отыра алмайды . Далаға шығады (тілін шығару ) - Далаға шығып, көзін уқалап,оңға-солға қарайды. (Сағат) - Далаға шығып,таза ауада таңғы жаттығуын жасайды. (Алтыбақан) - Жаттығудан кейін тіл таңғы асын ішеді. (Тәтті шырын) - Астан кейін тіл атпен шауып ойнайды,тілдің көңіл-күйі өте көңілді. (Атпен шабу) Ерін жаттығуы: - Содан кейін тіл өлең айтуға кіріседі (-а, -о, -и, -у)

- Көңілді тіл шаршап, үйшігіне келіп ұйықтады. 3. «Л » дыбысының дұрыс айтылу артикуляциясы. «Л» дыбысын дұрыс шығу үшін тістердің арасы ашық болады. - Тілдің ұшы жоғары күрек тістерге қарай немесе қызыл иегіне барып тіреледі.

-Тілдің екі шақ шеті мен азу тістердің арасында ауа жолы шығатындай сыңылау болады. 4. Тыныс алу жаттығулары: «Көпіршіктер», 5. «Л» дыбысын анық айтып, буындарды қайтала. Ла- ла- ла Ал – ал- ал Ло- ло- ло Ол- ол- ол Лу- лу- лу Ұл- ұл- ұл Лы- лы- лы Ыл- ыл- ыл 6. «Ла» буынын қосып , сөзді аяқта. Қа –ла Ой - ла Да – ла Ай - ла Ба- ла Аққа - ла Са -ла Айна - ла «Лу» буынын қосып , сөзді аяқта. Сұ – лу То- лу Бо- лу Қа –лу «Ал» буынын қосып , сөзді аяқта. Сам – ал Қам – ал Мар-ал Ар-ал 7. Ұйқасын тап. Ла –ла- ла Балалар соқты аққала Ұл- ұл- ұл Сайрады орманда бұлбұл. Ал- ал –ал Таудан соқты самал. Ыл –ыл- ыл Көркем біздің ауыл. 8.Суреттерді дұрыс айт. «Л» дыбысы сөздің қай жерінде естіледі ? Бұл қо ғап Бұл ба апан Бұл а ма

Бұл ақ 9.Сурет бойынша сөйлем құрастыр. Балалар «Л» дыбысы бар есімдерді ойлаңдар, сөйлем құра. Лаурада әдемі көйлек бар. Лиза гүлді апайға сыйлады. Лұқпан Лиманға сыйлық берді. Алматтың екі лағы бар. 10.Сергіту сәті.