Латын тілінде ресми іс қағаздарын рәсімдеу, 11 сынып

Практикалық сабақ «Латын тілінде ресми іс-қағаздарын рәсімдеу: өмірбаян,түйіндеме»

Сынып: 11 «А» сынып

Өткізілетін орын: 102 кабинет

Мақсаты:

Латын әліпбиіне көшудің маңыздылығы туралы терең мағлұмат беру, қоғамдық пікір қалыптастыру.

Қоғамда өздерін көрсете және өз еліне пайдалы бола алатын, Жаңа Қазақстандық Патриотизмнің құндылықтары мен мұраттары жүйесін иеленетін патриот ұрпақ тәрбиелеу.

Дереккөздер: ҚР Президенті Н.Ә. Назарбаевтың «Болашаққа бағдар: рухани жаңғыру» атты мақаласы (2017 жылғы 12 сәуір, ғаламтор материалдары;)

Сабақтың техникалық құрал-жабдықтары: Интерактивті тақта, компьютер;

Көрнекілігі: Қазақстан Республикасының Президенті Н.Ә.Назарбаевтың суреті, «Рухани жаңғыру: болашаққа бағдар» жолдауы, слайд.

І.Кіріспе сөз: «Ой шақыру»

Қазақ елінің өткен тарихында әліпби бірнеше рет ауысты. Оның ішінде араб әліпбиі, латын әліпбиі, бүгінгі күні орыс алфавитін қолданып келеміз. Мемлекет басшысы «Болашаққа бағдар: рухани жаңғыру» атты бағдарламалық мақаласында 2025 жылға дейін латын әліпбиіне көшуге кірісуіміз керектігін және болашақта барлық саладағы іс-қағаздар мен оқулықтар да осы қаріппен жазылуы тиіс екенін қадап айтты.

Демек, көп кешікпей егемен еліміздің латын әліпбиіне көшетіні айқындалды. Ал осы межелі мақсатқа кедергісіз қол жеткізу үшін не істеу керек? Бұл мәселені жан-жақты талқылау мақсатында республика көлемінде әрбір мекеме, ұйымдарда іс-шаралар ұйымдастырылуда.

Бүгін біздің сыныпта да өзекті мәселесіне айналған «Латын әліпбиіне көшу» туралы өз ой-пікірімізді ортаға салуға жиналып отырмыз. Ғалымдар, әдебиетшілер, жалпы қауым арасында бұл мәселеге қатысты пікір екі жақты. Бірі қажет дейді, бірі қажет емес дейді. Пайдасы мен зияны жөнінде де пікірлер айтылып жатыр.

ІІ. Негізгі бөлім.

1. «Латын әліпбиіне көшу – рухани жаңғыру» атты бейнефильм.

2. Оқушылар тақырып бойынша өз білімдерімен бөліседі.

1. Қазақстан Республикасының Президенті Нұрсұлтан Әбішұлы Назарбаевтың «Болашаққа бағдар: рухани жаңғыру» мақаласы ;

2. Мемлекет басшысының 2012 жылғы "Қазақстан-2050» мақаласынан;

3. Латын әліпбиі туралы мәлімет;

4. Қазақ елінің өткен тарихында әліпбиі;

5. Латын әліпбиіне көшудің тиімді де пайдалы тұстары;

6. Қазақ тілін латын әліпбиіне көшудің нақты кестесі;

Осы сұрақтар төңірегінде ой өрбітсек:...

1.Сабина

2017 жылы 12 сәуірде Қазақстан Республикасының Президенті Нұрсұлтан Әбішұлы Назарбаевтың «Болашаққа бағдар: рухани жаңғыру» мақаласы жарияланды. Бұл мақалада негізгі мәселенің бірі – қазақ әліпбиінің латын әліпбиіне көшу еді. «Біріншіден, қазақ тілін біртіндеп латын әліпбиіне көшіру жұмыстарын бастауымыз керек. Біз бұл мәселеге неғұрлым дәйектілік қажеттігін терең түсініп, байыппен қарап келеміз және оған кірісуге Тәуелсіздік алғаннан бері мұқият дайындалдық» деп айтқан еді.

2.Альбина

Бұдан бұрын бұл идеяны мемлекет басшысы 2012 жылы "Қазақстан-2050" Стратегиясында жария еткен болатын: «Біз 2025 жылдан бастап әліпбиімізді латын қарпіне, латын әліпбиіне көшіруге кірісуіміз керек. Бұл – ұлт болып шешуге тиіс принципті мәселе. Бір кезде тарих бедерінде біз мұндай қадамды жасағанбыз. Балаларымыздың болашағы үшін осындай шешім қабылдауға тиіспіз және бұл әлеммен бірлесе түсуімізге, балаларымыздың ағылшын тілі мен интернет тілін жетік игеруіне, ең бастысы – қазақ тілін жаңғыртуға жағдай туғызады» деген болатын

3.Полина

Латын әліпбиі туралы мәлімет

Латын алфавиті – көне және халықаралық алфавит. Латындар – римдік көне тайпалар.Олардың алфавиттері біздің дәуірімізден бұрын VIII-VII ғасырларда пайда болған. Орта ғасырда Латын әліпбиі Еуропаға тарады, Африка, Америка және Азия халықтары пайдаланды. Латын сөздерін оқуға негізделген әріп таңбалары қалыптасты. Қазіргі латын әліпбиінде 26 әріп бар.