Lesson Study өткізудің тиімділігі туралы мақала, биология

LESSON STUDY өткізудің тиімділігі.

« Сарқан ауданының білім бөлімі» мемлекеттік мекемесінің «Мектепке дейінгі шағын орталығы бар Мұхамеджан Тынышбаев атындағы орта мектеп» коммуналдық мемлекеттік мекемесі Дукейхан Еркежан биология пән мұғалімі. Бүгінгі мұғалімнің жетістігін оқушыларға өзінің берген білімі мен біліктерін үйретумен бағалап қоймайды,сонымен бірге ол өсіп келе жатқан ұрпақты жаңа белгісіз жағдайда әрекет етуіне,олардың өз бетінше әрекеті мен шығармашылығын дамытуға, қоғам өміріне белсене қатысу үшін ақпаратты өз бетінше табу, талдау,құрылымдау мен тиімді пайдалану икемділіктерін қалыптастыруға қаншалықты тиімді жағдай жасағандығымен бағалайды.Осы ретте ең бір тиімді тәсіл- Lesson study . Lesson study - мұғалімдер тәжірибесі саласындағы білім жетілдіруге бағытталған ынтымақтастық педагогикалық тәсіл. Lesson study - ге жоспарлау, оқыту , қадағалау,оқыту мен оқуды талдау, өз қорытындыларын тұжырымдап, құжаттарды бірлесіп жүзеге асыратын мұғалімдер тобы қатысады. Мектептегі білім сапасы төмен 9- сыныпта себебін анықтап, білім сапасын көтеру мақсатында мектеп директоры Б.Хасеннің қолдауымен «Диалогтік оқыту арқылы оқушылардың сын тұрғысынан ойлауын дамыту» тақырыбы бойынша Lesson study өткізуді жоспарладық.

Диалогтік оқыту арқылы сыни тұрғыдан ойлауды жүзеге асыру бағытында қолданылатын әдіс- тәсілдерді тиімді пайдалану жолдарын нақты талдай отырып , әр циклде өткізілетін сабақтардың жоспары жасалынып, кестесі құрылды. Бақылау парақтары бойынша әр топқа, топтағы нысанаға алынған оқушыға көңіл бөлініп,осы сынып үшін қай тәсілді қолдану тиімді екені топ мүшелерінің сабақты талдау барысында анықталды.