Логикалық математика курсына арналған авторлық бағдарлама 3 сынып

Юрий Гагарин атындағы орта мектебі

АВТОРЛЫҚ БАҒДАРЛАМАНЫҢ ТАҚЫРЫБЫ:

«Логикалық математика»

3 сынып

АВТОРЫ: БАСТАУЫШ СЫНЫП МҰҒАЛІМІ:

АМИРБАЕВА Г.А

Аса аулы 2016 жыл

Пікір

3 сынып оқушыларына арналған «Логикалық

математика» курсы

оқушылардың математика пәні бойынша алған білімдерін

тереңдете отырып, олардың танымдық әрекеттерін

қалыптастыруға, логикалық ойлау жүйесін, ақыл-ойын,

шығармашылық қабілетін дамытуға негізделген.

Ұсынылып отырған курс 3 сынып оқушыларының

танымдық қызығушылығын дамытуға жағдай жасай

отырып, баланы ізденуге және тез ойлауға, сенімділікке

баулиды. Сабақ нәтижесінде балалар өздерінің дамуында

көптеген жетістіктерге қол жеткізеді. Олар көп нәрсені

үйреніп, оны оқу кезінде пайдаланып отырады. Осының

барлығы балалардың оқуға қызығушылығын арттырады.

Берілген нұсқау кітапша сынып мұғалімдеріне, ұзартылған

күн тобының тәрбиешілеріне, балаларға қосымша білім

беретін ұстаздарға, сонымен қатар, мектеп жасындағы

балалардың танымын дамытуға қызығушылығы бар барлық

ата-аналарға арналады.

М.Х.Дулати атындағы

Тараз Мемлекеттік университетінің

қолданбалы математика кафедрасының доценті: ...............

Жақаш А.

Т ү с і н і к х а т

«Логикалық математика» таңдау пәнінің бағдарламасы Қазақстан Республикасы жалпы білім берудің мемлекеттік жалпыға міндетті стандарты негізінде құрылған. Бұл оқу бағдарламасы сондай-ақ қосымша материалдарды қарастыра отырып жасалған.

Бағдарлама негізгі оқу материалдарын басшылыққа ала отырып, оқушылардың математика пәні бойынша алған білімдерін тереңдете отырып, олардың танымдық әрекеттерін қалыптастыруға, логикалық ойлау жүйесін, ақыл-ойын, шығармашылық қабілетін дамытуға негізделген. Балалардың танымдық қабілеттерін дамытып, пәнге деген қызығушылығын арттырудың негізгі бір жолы – дидактикалық материалдар мен қызықты тапсырмалар. Есеп зерделілікке, тапқырлыққа, шапшаң есептеу қабілеттерін дамытуға тәрбиелейді. Математикалық викториналар, ребустар, логикалық есептер, математикалық эстафеталар, сөзжұмбақтар шешу, қызықты тапсырмалар құрастыру баланың ойын ұштаумен қатар еңбектене білуге де тәрбиелейді.Оқушының қиялын дамытып, өз бетімен жұмыс істеуге икемдейді. Бағдарлама тақырыптарға бөлініп, әр тақырып соңында өзіндік жұмыс, тест жұмыстары қарастырылған. Бұл жұмыстар әр бөлімді тиянақтап, өз бетімен жұмыс істеуге үйретеді.

Таңдау курсының мазмұны арқылы танымдық және коммуникативтік іс-әрекетке, өздігінен білім алуға және шығармашылыққа бейімдеу.

Тапсырмалар мазмұны оқушылардың жас және психологиялық ерекшелігіне сай іріктелген. Логикалық математикаға үйрету жүйесі сабақтың мақсаты мен мазмұнына қарай әр түрлі әдістерді қамтиды.

Бұл құралдарды жалпы білім беретін мектептің бастауыш сынып оқушыларының танымдық әрекетін қалыптастырып, логикалық ойлау жүйесін, ақыл-ойын дамытатын бірқатар материалдар жинақталған. Бағдарламада «Логикалық есептер мен жаттығулар», «Ұлттық есептер», «Қызықты тапсырмалар», «Күрделі

теңдеулер», «Жұмбақтар» бастауыш сынып оқушыларының жас ерекшелігімен ойлау, танымдық қабілеттеріне сай іріктелген.

Оқу пәнінің мақсаты мен

міндеттері

М а қ с а т ы :

оқушыларға негізгі қарапайым математикалық білім, білік,

дағдыларды қалыптастырып, интеллектуалдық сапаларын

дамыту;

мектептің негізгі сатысында меңгерген математикалық

білімдерін өмірде қолануға жан-жақты бейімдеу;

оқытуды қажетті деңгейде дарландыру, әр оқушының

қызығушылығын арттыру барысында өзіндік дамуына

жағдай жасау.

М і н д е т т е р і :

 Математика тілінде сөйлеуге үйрету;

 Әр түрлі деңгейдегі тапсырмаларды шапшаң

орындай білуге бейімдеу;

 Амалдарды ретімен орындай білуге машықтандыру;

 Шығармашылық, логикалық тапсырмаларды шешу

жолдарын меңгерту;

 Математиканың негізгі қарапайым элементтерін

үйрету, көп таңбалы сандарды оқу, жазу және

салыстыра білу;

 Геометриялық пішіндерді өлшеу, сызу және

олардың ауданы мен периметрін таба білу;

 Оқушылардың байқағыштық, танымдық

қабілеттерін дамыту арқылы математикалық

ұғымдарды қалыптастыру, үйрет

Пәнді меңгеру деңгейінің талаптары

Б і л у і т и і с:

1. Көп таңбалы сандарды оқи, жаза, салыстыра білуі тиіс; 2. Логикалық ойлау қабілеті бар және шығармашылықпен жұмыс жасай біліуі; 3. Есептердің шығарылуын математика тілінде рәсімдей

білуі; 4. Өз ұсыныстарын негіздей білуі, өз ойларын дәл

түсінікті және тиянақты етіп жеткізе білуі тиіс; 5. Амалдардың орындалу тәртібін білуі тиіс.

М е ң г е р у і т и і с :

1. Қарапайым және күрделі теңдеулердің шешу

жолдарын меңгеруі тиіс;