Математика және біз авторлық бағдарламасы 2 сынып

ҚАЗАҚСТАН РЕСПУБЛИКАСЫНЫҢ БІЛІМ ЖӘНЕ

ҒЫЛЫМ МИНИСТРЛІГІ

Г.О. Абдиманова, Н.М. Джумабекова, Г.Б. Мыкышова

«Математика және Біз» вариативті курсы бойынша бастауыш

сынып математикасына арнап жазылған

АВТОРЛЫҚ БАҒДАРЛАМА

Нұр-Сұлтан – 2021

УДК 510.6 ББК 22.12

Рецензент: Педагог мастер, Қазақстан Республикасы «Өркениет» ғылыми-әдістемелік орталығының аға ғылыми қызметкері О.О. Мұқатаев;

Математика және Біз // құрастырушы авторлар: Г.О. Абдиманова, Н.М.Джумабекова, Г.Б. Мыкышова. – Жамбыл облысы, бастауыш сынып мұғалімдері, 2021. – 54 б.

ISBN 978-601-5480-12-3

Құрастырушы автор 34 сағаттық күнтізбелік-тақырыптық жоспарлауды оқушылардың жас ерекшелігін ескере отырып жасаған. Авторлық бағдарламаның мақсаты математика пәнінен бастауыш сынып оқушыларына логикалық есептерді шығару жолдарын үйретуге және баланың логикалық қабілетін дамытуға бағытталған. Есеп шығарудың түрлі жолдарын құрастыра отырып жасалған авторлық жұмыс баланы жалықтырмай, шаршатпай жұмыс жасатуға мүмкіндік береді.

УДК 510.6

ББК 22.12

«Өркениет» ғылыми-әдістемелік орталығының 2021 жылғы «26» ақпандағы №11 хаттамасына сәйкес сараптау комиссиясының шешімімен баспаға ұсынылды

ISBN

© ҚР «Өркениет» ҒӘО, 2021 978-601-5480-12-3

ҚАЗАҚСТАН РЕСПУБЛИКАСЫ «ÓRKENIET» ҒЫЛЫМИ-

ӘДІСТЕМЕЛІК ОРТАЛЫҒЫНЫҢ БАСПАСЫНА

ҰСЫНЫЛДЫ

Рецензент: «Órkenіet» ғылыми-әдістемелік орталығының аға ғылыми қызметкері О.О. Мұқатаев

Құрастырушы авторлар: Абдиманова Гульнара Орынбасаровна Джумабекова Назгуль Мухаметжановна Мыкышова Гулхан Берикказиевна Жамбыл облысы Т.Рысқұлов ауданы Т.Рысқұлов атындағы мектеп-лицейінің бастауыш сынып мұғалімдері

©Қазақстан Республикасы «ÓRKENIET» ғылыми-әдістемелік

орталығы, 2021 жыл

ПІКІР

«Математика және Біз» авторлық бағдарламасы балаларды тек математика пәні ғана бойынша дамытуды көздемей, пәнаралық интеграцияны орната отырып, оқушыларды жан-жақты дамытуды, алған білімдерін өмірде қолдануға үйретуді мақсат етеді. 34 сағатқа негізделіп жасалған бағдарлама 2-сыныптың вариативті курс сабақтарына арнап жазылған. Құрастырушы авторлар еңбектерінде оқушылардың ойлау, қабылдау, жас ерекшеліктерін ескеріп, оқу бағдарламаларына сай есеп шығарудың үлгілерін енгізген.

Авторлық бағдарлама мектептегі әдістемелік пән бірлестігінің отырысында қаралды, пайдалануға жарамды деп бағаланып, бекітуге ұсынылды.

Байғоныс Нұржайна Бастауыш сынып мұғалімі, шебер педагог.

Түсінік хат Бастауыш білім – жалпы орта білім алудың негізгі базасы. Сондықтан бастауыш сыныпта білім берудегі басты мақсаттардың бірі – оқыта және дамыта отырып, балаларды өз бетінше оқытып, білім алуға үйрету. Тек өздігінен оқи алғанда ғана оқушы білімді мақсатты және нәтижелі түрде игеретіні анық. Ол үшін оқушы оқу еңбегінің дағдысы мен икемділікті қалыптастыру керек. Кейбір оқушылар күрделі мәселелер шешімін оңай тауып жатады, ал кейбіреулері күнделікті жәй тапсырмалардың шешуін таппай тығырыққа тіреліп жатады. Бірыңғай дұрыс шешім қабылдау үшін жағдайды дұрыс бағалауды қалай үйренуге болады? Өмірлік жетістіктерге жету үшін адам қандай қасиеттерге ие болуы қажет? Оқушылар ақпаратты қабылдап қана қоймай, оларға берілген ақпаратты меңгерту қажет. Бұл үшін «Математика және Біз» атты дамыту курсының тигізер көмегі зор. Талпынысы мен таланты жоқ бала болмайды. Ал ең бастысы жеке дара ойлануды әдетке айналдыру қажет, дұрыс шешім қабылдауды іздеу керек. Бұл қасиеттер баланың өмірде жетістіктерге жетуіне көмектеседі.

«Шығармашылық шеберлік» деген ұғымды бірден дамыту мүмкін емес. Сол себепті тапсырмалар арқылы баланың шығармашылық мүмкіндіктерін қалыптастырып, бір жүйеге келтіру қажет. Тәжірибелік жұмыстар ойлау қабілетіне, өзіндік бақылауға, сонымен қатар баланың танымдық белсенділігін жетілдіруге бағытталған. Тапсырмалар мазмұны жағынан бір-біріне ұқсамайды. Әр сабақ сайын қиындайды, көлемі үлкейіп, күрделенеді, сөйтіп балалар жалықпай, тапсырманы орындау жылдамдығы артады. Тапсырма баға қоюға бағытталмаған, керісінше оқыту мен дамытуды көздейді. Сол себепті логикалық тапсырмалар жеке тұлғаның өзіндік ойлау қабілетін дамыту мен қалыптастыру болып табылады. Бұл – көңіл бөлу, елестету, есте сақтау мен ойлау. Логикалық есептер арқылы балаларды дамытуға бағытталған «Математика және біз» курсы ойлау, талдау, жинақтау, салыстыру, жүйелеу, шектеу, жіктеу, мойындамау (терістеу), сұрыптау, ой тұжырымы, есте сақтау, зейінді дамыту секілді тапсырмалармен қамтылған.

Қазақстан Республикасының әр жылға дайындалған білім беруді дамыту тұжырымдамасына сәйкес жас ұрпаққа білім беру ісінде оның жеке ерекшеліктеріне мән бере отырып, вариативтік оқыту жүйесі іске асырылуда. Вариативтік оқытудың негізгі мақсаты – оқушылардың жалпы білім беру бағдарламасындағы жекелеген пәндерді тереңдетіп оқу мүмкіндігін туғызу.