Мәдени-гигиеналық дағдылар ата-аналармен жұмыс

Денсаулық әліппесі

«Баланың мәдени-гигиеналық дағдыларын қалыптастыру»

Баланың кіші жастан өз денсаулығын күте білуге үйрете отырып, дені сау, қайратты азамат етіп шығару еліміздің мектепке дейінгі мекемелерінің оқу-тәрбие ісінде басты мақсатқа айналып отыр. Ендеше оқу-тәрбие жұмысының ұйымдастырылуы алдымен баланың денсаулығын сақтай жүргізуге бағытталуы тиіс. .

Денсаулығы түзу болмаған баланың толыққанды білімі мен тәрбиеге ынтасы бола қоймайтынына күнделікті өмірде көз жеткізіп жүреміз. Барлық топтарда баланың денсаулығын сақтау мен нығайтуға көп көңіл бөлінеді. Өйткені дені сау бала оқу процесіне белсене араласады. Әрдайым жайдары көңіл-күйі жоғары болады. Денсаулық бұл баланың физикалық психикалық мүмкіндігін толықтай анықтайтын негізгі жағдайлардың бірі.

Балалардың денсаулығын жоғалтпай білім беру үшін ата-ана, мұғалім, дәрігер үш жақты байланыс орнатып, жұмыла қызмет атқару керек. Салауатты өмір салтын қалыптастыру отбасынан басталып, балабақшада, мектепте жалғасын табады. Тәрбиелік мәні зор іс-шаралар өткізіліп, бір-біріне жалғасып, бірін-бірі толықтырып отырса, баланы жаман әдеттен жирендіріп, күнделікті жақсыны айтып отырсақ, келешек ұрпақтарымыздың дені сау болады.

Деннің саулығы үш нәрсеге байланысты:

— тиімді тамақтануға;

— үнемі қозғалыста болып, дене еңбегімен айналысуға;

— психикалық комфортка;

Осы үш түсінікті білу және оны сақтау әркімнің міндеті. Ұзақ өмір сүрген адамдардың өмір тіршілігін таңдағанда, салауатты өмір сүру салты деп мына төмендегі факторларды айтуға болады:

— тиімді тамақтану;

— жеке тазалықты сақтау;

— еңбек пен демалысты реттеу;

— дене қозғалысымен айналысу;

— шынығу;

— зиянды әдет — ғұрыптан сақ болу;

— өмір бойы қалыптасқан өмір сүру қалпын сақтау;

— таза ауада болу;

— ұйқы режимін сақтау;

Денсаулық дегеніміз, тек дененің сыртқы бүтіндігі деп қарау ағаттық. Жалпы алғанда оны организмнің жан-жақты дамуымен бүкіл дене қызметтерінің жүзеге дұрыс асырылуы деп ұққан жөн.

Бала денсаулығына байланысты салауатты өмір салтын қалыптастыру мақсатында балабақшада уақытылы және толыққанды физиологиялық дамыту үшін келесі факторларды ескеру қажет:

1) қолайлы эмоциялық ахуал және тиімді гигиеналық;

2) нақты қалыптасқан күн тәртібімен қамтамасыз ету;

3) дұрыс тамақтануды ұйымдастыру;

4) бала ағзасын жүйелі түрде шынықтырып отыру;

5) балалар өмірінде физикалық жаттығуларды кеңінен пайдаланып, күнделікті дағдыға айналдыру;

6) әртүрлі аурулардың алдын алу;

Мәдени-гигиеналық дағдылар.

Балалардың алғашында үйренген мәдени-гигиеналық дағдыларын өздігінен істеуін үйрету. Балалардың бойындағы дербестік дағдыларын және көңіл -күйдің жақсаруына себеп болатын жағымды әдет-қылықтарды дамытуды қолдау. Әрдайым балаларға кеудесін тік ұстап жүруді ескертіп, естеріне салып отыру. Дастархан басында отыру мәдениеті мен этика ережелерін қалыптастыруды жалғастыру.