Магнит және оның қасиеттері ашық сабағы

Сабақтың тақырыбы: Магнит және оның қасиеттері.

Сабақтың мақсаты: Балаларға айналада қоршаған орталарын өз беттерінше іздену қасиеттерін үйрету.Балаларға магнит және оның кейбір қасиеттері жөнінде білімдерін кеңейту.Бір затттың сапасы мен қасиетін тексеріп және оған тәжірибе жасауды үйрету.

Тәжірибе барысында белсенділік,білімділік құштарлығын,дамыту,сондай-ақ нәтиже жасауды үйрету.

Сабақтың көрнекілігі: Қолғап,магнит суреттері.

Сабақтың барысы: Мен,өзімді таныстырып,сөз сөйлеймін. «Естігенімді мен ұмытамын,көргенімді есте сақтаймын,не жасағанымды мен білемін»

Бүгін біз сіздерге тәжірибе көрсетеміз,ал бұл істе маған Қуаныш мектеп-бақшасының тәрбиеленушілері көмектеседі.

(музыка ырғағымен балалар топқа кіреді)

-Балалар шеңберге тұрып,амандасады.

Сәлем сөздің анасы,

Алдымыздан кезіккен.

Көп танысты көреміз,

Біздер сәлем береміз.

-Рахмет балалар!Біздің басты мақсатымыз ұялмау.Барлығымыз үстел басына жайғасып отырайық.

Бүгін мен сендерге сабаққа қонақпен келдім.(қолда қолғап,ал оған темір заттар жабыстырулы).

Бұл ерекше,сиқырлы қолғап.Ал бұның сиқырлығы неде жатқанын мен білмеймін.

Балалар,заттар неге құламайды екен?

Бұл сұрақтарға жауап беру үшін мен сендерге кішкентай зерттеуші болуды ұсынамын.

Бекет,қолғаптың ішінде не бар екен қарашы.

Бұл магнит.

Тәжірибе:алдарыңдағы табақшаларыңа қараңдаршы,заттар қандай материалдардан жасалған.

Темірден жасалған заттарды магнит арқылы алып,алдарыңа қойыңдар.

Бұдан қандай нәтиже жасауға болады?

Нәтиже: Магнит темір заттарды өзіне тартады.

Енді,балалар заттарды табақшаларға салып қойыңдар.Зерттеушілердің үстелдері әр қашан жинақы және тиянақты болуы керек.

Тәжірибе: Тәрбиеші темір жоңқалары бар қағаздың астына магнитті қойып,гүлдің суретін салады.Балалар қараңдаршы гүлді сала алдық па?

Бұдан қандай нәтиже жасауға болады?

Нәтиже: Темірдің жоңқасы магниттің пішінін қайталайды.

Тәжірибе: Балалар қазір мен сендерге мынау стақандарды алдарыңа қоямын,оның ішінде су және темір шеге жатыр.Қолды суға салмай,бұл затты қалай алып шығуға болады?Не істейміз?

Алдымыздағы магнитті стақанға жақындатып,жоғарыға көтереміз.

Нәтиже: Магниттік күш стақанның сыртынанда әсер етіп,темірді шығара алады.

Тәрбиеші: Лас өзен ішінде жүзіп жүрген балыққа назар аударады.

Магниттің көмегімен мынау қоқыстарды шығарайық.Балалар әр үстелден бір баладан шығып,қолымызға қармақтарды алып,өзенді тазартайық.

Міне осылайша магниттің көмегі арқылы жақсы іс жасауға болады.

Ал осымен балалар біздің зерттеу тәжіриебеміз аяқталды.Ендеше тақтаға назар аударайық,көріп тұрғандай неше түрлі суреттер,оларды әр біреуің өсімдікті өсімдікке,құстарды құстарға етіп жинаңдар.