Мағжан Жұмабаев туралы айтыс сценарийі 9-сыныпқа

Мағжан Жұмабаевтың 125 жылдығына арналған «Мен жастарға сенемін» оқушы-айтыскерлер арасындағы айтыс сценарийі

І – кезең

1-Қойылым: «Бала Мағжан»

Сыныптың іші. Бір топ балалар сыныпқа кіреді. Шеңбер құрып тұра қалады. Орталарында-бала Мағжан.

Бірінші бала (Н. Ербол 5 «А»):Мағжан, кеше жазған өлеңіңді оқып берші!

Екінші бала (Б. Алддияр 5 «А»):Иә, иә, оқып берші.

Мағжан (К. Шамиль 5 «А») :

Жарайды, оқысам оқып берейін.Мағжан өлеңін оқиды.

Бұл жарыққа аяқ басып туған жер,

Кіндік кесіп, кірім сенде жуған жер.

Жастық - алтын, қайтып келмес күнімде

Ойын ойнап, шыбын-шіркей қуған жер.

Балақ түріп, қозы қуып, жарысып,

Батпағында тең құрбымен алысып.

Түнде - ақсүйек, алтыбақан, ал күндіз

Үйретем деп асау тайға жабысып. Тәтті суың дәмі аузымнан еш кетпес,

Қалың нуың, қыр, суыңа жер жетпес.

Кең далаңда ойын ойнап қалсамшы,

Жазу болып адамзатқа ержетпес!..

(Ербол Н.):Мағжан, бұл өлеңді өзің жаздың ба?

Мағжан (Шамиль К.):Иә, түнде жаздым. Ауылды сағынып жүрмін.

Үшінші бала (Ербол Н.):Мен де ата-анамды сағынып жүрмін. Ауылдағы күндер қандай қызық еді, иә?

Мағжан (Шамиль К.):Иә, ауылымның көлін сағындым, шөбін сағындым.

(Алдияр Б.):Туған жерден артық жер жоқ екен...

Балалар:Иә, дұрыс айтасың, дұрыс, дұрыс!

2-Қойылым: «Мағжанның көктемі»Злиха сахнаға ақырын қадамдап шығады. (музыка) Злиха- Алтынгүл Б. 11 «А». Мағжан- Диас М. 8 «А» В.Брюсов - Әлішер 9 «А» С.Есенин – Аят А. 9 «А» М.Горький – Жандос 9 «А» Д.Бедный – Нұрдаулет Т. 9 «А» Қыздар: Белова М. –Аружан 10 «А», Ильинская А. – Ақнұр 10 «А»,Тохтарова Д. – Алина 9 «А», Алшипанова С.- Камила 9 «А»

Злиха: - Мағжан Мәскеудегі жаңа ашылған Валерий Брюсовтың жоғарғы әдебиет институтына оқуға түсті. Біз, Қазақстан өкілдігі берген отбасылық жатақханада тұрып жаттық. Бұл кезең Мағжанның .... бір жарқын сәті еді. Ол өзі рухани дос тапты, өзгелерге өз талантын мойындата білді. Есте қалатын сондай бір сәттер, институт бітірушілерге диплом тапсырылатын күн еді. Кештің құрметті қонағы боп Максим Горький, Демьян Бедный, Сергей Есенин де шықырылды.

Мағжанның дауысы: -Злиха! Злиха! (музыка, 4 жұп биге шығады)

Валерий Брюсов: - Жолдастар, жолдастар! Барлықтарыңыз институт бітірушілеріне диплом тапсыру рәсіміне қош келдіңіздер! (жұптар жапалақтайды). Бірінші құттықтау сөз , жас ақын Сергей Есенинге беріледі.

Сергей Есенин: -Қадірлі жолдастар, өмірде досың жоқ болғанша, өмір сүрмеген жақсы, дүние артта қалар, ал досың бар болса, сен мәңгі өмір сүресің. Мен өзімнің досым Мағжанның қуанышын бөлісуге келдім. Айта берсем тілек мол. Сіздерге, достарым тек ақ жол. Мен Сіздерді шын жүректен құттықтаймын.Тілегім шексіз дос десе ... .

Максим Горький : Осы жігіт өткенде бір жиында, поэзия жайлы сөйлегенде «Русская поэзия имеет привкус сладкого сока горькой травы» дегенде , жұрттың бәрі маған қарап күле берді. Ал мен не істеймін!? Орнымнан тұрып, басымды идім. Ал жұрт ду қол жапалақ соқты

.Демьян Бедный: - Өйткені Сіз - Максим Горькийсіз! Ал Сізге бәрі жарасымды

.Максим Горький : - Ал сіз Демьян Бедныйсыз! Екеуміздің де фамилиямыз оңып тұрғанжоқ!

Валерий Брюсов: Жарайды жолдастар! Сәл сабыр етулеріңізді сұраймын. Келесі өлең оқу кезегі, менің сүйікті шәкіртім, Гейне, Гете, Лермонтов, Александр Блоктың және де арамызда отырған Алексей Максимович Горькийдің бірнеше шығармаларын қазақ тіліне аударған, таланты мен алғырлығына қарап, өзін, қазақтан шыққан Пушкин деп атап кеткен Мағжан Жұмабаевқа беріледі.

Мағжан Жұмабаев : - Мен сіздерге Генрих Гейнеден аударған өлеңімді оқып берейін.

ЕКІ БЕТІҢ, СҰЛУ ҚЫЗ... (Гейнеден) Екі бетің, сұлу қыз,

Розадай ойнап, жанып тұр.

Жас жүрегің бірақ мұз,

Жүрегімді қарып тұр.

Мұның бәрі өзгерер,

Көрерсің әлі-ақ, сұлу қыз,

Жүрегіңе жаз келер,

Екі бетте орнар қыс.