Мағжан Жұмабаевтың ағартушылық идеялары туралы баяндама

МАҒЖАН ЖҰМАБАЕВТЫҢ АҒАРТУШЫЛЫҚ ИДЕЯЛАРЫНЫҢ ҚАЗІРГІ

ЗАМАНҒЫ БІЛІМ БЕРУ ЖҮЙЕСІМЕН ҮНДЕСТІГІ

Нұрбаева Айгерім Шахыбайқызы

Маңғыстау облысы, Қарақия ауданы, Жетібай аулы

«№4 жалпы білім беретін орта мектеп» КММ

ағылшын тілі пәні мұғалімі

Түйін

Өткеннің тəжірибесін тал бойына дарытқан озық өнегелі дəстүрсіз, ұрпақтар

сабақтастығынсыз білім беру процесін елестету мүмкін емес. Зиялы қауым өкілдерінің ұлт

болашағы, ұрпақ тəрбиесі туралы мəселелер ауқымындағы көзқарастарын зерделеу,

сипаттау, таразылау, жинақтау, оларды қоғамдық тəжірибеде қолдану – заман талабы.

Мақаланың мəнін ашатын сөздер: ағарту ісі, білім, тəрбие, əлемдік кеңістік.

Аннотация

Невозможно представить систему современного образования без знания того, как

развивалась теория и практика воспитания и обучения подрастающих поколений в

прошлом. Изучение взглядов интеллигенции на проблему обучения и воспитания,

применение их опыта в практике – требование времени.

Ключевые слова: просветительское дело, образование, воспитание, мировое

пространство.

Annotation

It is not possible to imagine a modern education system without knowing how the theory

and practice of education and training of the younger generation are developing. The study of the

views of the intelligentsia to the problem of training and education, the application of their

experience in practice-the requirement of time.

Key words: educational activities, education, upbringing, world space.

Көздерінде от ойнар,

Сөздерінде жалын бар.

Жаннан қымбат оларға ар,

Мен жастарға сенемін!

Жас қырандар – балапан,

Жайып қанат ұмтылған.

Көздегені көк аспан,

Мен жастарға сенемін!

М.Жұмабаев

Мағжан – қазақ поэзиясының шолпан жұлдыздарының бірі әрі бірегейі. Ол артына өшпес рухани мол мұра, өзіне өлмес мәңгілік ескерткіш қалдырып кеткен. Қаламгердің еңбектеріне заманауи көзбен қарау арқылы біз рухани жетілеміз. Оның «Бастауыш мектепте ана тiлi», «Сауатты бол», «Педагогика» атты оқулықтары педагогика жəне əдiстеме ғылымдарына қосқан тың үлес болып саналады.

Мағжан Жұмабаев тәрбиенің ұлттық ерекшеліктерін ескере отырып өзінің «Педагогика» атты еңбегінде «Тәрбиеден мақсұт – адамды һәм сол адамның ұлтын, асса барлық адамзат дүниесін бақытты қылу. Ұлт мүшесі әрбір адам бақытты болса, ұлт бақытты, адамзат дүниесі бақытты. Қысқасын айтқанда, тәрбиеден мақсұт – адам деген атты құр жала қылып жапсырмай, шын мағынасымен адам қылып шығару.», - дейді.

Ақиық ақын «Шолпан» атты өлеңдер жинағында балаларға арналған «Балалық шақ», «Қарағым», «Сал-сал Білек», «Ақ қала», Ата бата», «Күз» т.б өлеңдері жарыққа шығады. Ақын «Балалық шақ» өлеңінде ойын балаларына білімнің адам болып қалыптасуымызға тигізетін пайдасын жеткізе келе, балалық шақтарынан бастап оқу-білімге көңіл бөлу керектігін уақытты тек өткізбей, бойға тек жақсылықты ғана сіңіруге шақырады. Ал «Қарағым» өлеңінде Мағжан ақын балаға «қарағым» деп, ойын жылылықпен жеткізе отырып, баланы өзіне жақын тартып, оқуға ,білімге жетелейді. Ол:

«Басқа жұрт аспан-көкке асып жатыр,

Кілтін өнер-білім ашып жатыр...», – дей келіп, қазақ арасында мұндай ұмтылыстың болмағандығына жаны күйінген.

Мұндай ұмтылыстың жарқын көрінісі – Ұлы дала Елордасында ұйымдастырылған EXPO-2017 халықаралық мамандандырылған көрмесі.