Мамандығым – мақтаншым тақырыбындағы шығарма

Мамандығым-мақтанышым

Адам баласы шыр етіп дүние есігін ашқан соң, қиындығы мен қызығы мол түрлі уақыттармен танысып бірге өмір сүреді. Ал сол өмірде қателесуге болмайтын екі нәрсенің бірі - мамандық таңдау. Жақсы мамандық жақсы әрі жарқын болашақтың бастауы. Әр адам мамандық таңдауда өзінің қызығушылығына, қабілетіне, бейімділігіне сүйеніп және ең бастысы сол мамандыққа деген махаббаты болуы керек. Өйткені бұл өмір махаббат пен сыйластықтан тұрады. Егер мамандық таңдауда жолыңыз болса, онда сіз бақытты адамсыз.

Жер бетінде үш мыңнан аса мамандық түрлері бар. Әр мамандықтың жауапкершілік жүгі де жеңіл емес. Ал осы барлық маманды даярлап шығаратын, барлық мамандықтың анасы, дүниедегі ең сыйлы адам ол - ұстаз. Ұстаз болу – жүректің батырлығы. Өйткені жер бетінде адам тәрбиелеуден асқан абыройлы іс жоқ. Ұстазға құрмет көрсету баршамызға міндет. Ал енді қазіргі таңда ұстаздарымыздың беделі қандай? Қоғамдағы орны қандай? Уақыт өте келе ұстаз мәртебесі төмендеп бара жатыр. Оған себеп қоғам. Қоғамдағы адам. Мамандықты дұрыс таңдай білмеген мұғалім мен білім алушы. Ұстаз баланың тағдыры маңызды екенін ескеріп, алдында отырған шәкіртінің оқу деңгейімен санасуы керек. Ең басты назарда ұстайтын дүниесі ол өзінің білімі. Оқушы біздің айнамыз. Олар 11жыл бойы біз үйреткен біліммен өмір сүреді. Тәрбиені ең алдымен адалдықтан бастаған жөн деп ойлаймын. Өйткені келешекте біз білім беріп, тәрбиелеген оқушы біздің ұрпақтарымызды тәрбиелейді. Осылайша ол өз жалғасын табады. Айналып келгенде бұл бір күндік уақыт емес, еліміздің болашағы, ұрпағымыздың келешегі. Біз ұстазды да, дәрігерді де, заңгерді де, ел басқаратын тұлғаларды да дайындап, бағыт-бағдар береміз. Қисық ағаштың көлеңкесі де қисық. Ал ертеңгі өмі

Мен таңдаған мамандық - мұғалім мамандығы. Мұғалім – зор тұлға, ол күннің құдіретті сәулесі іспетті. Мен бұл мамандыққа анамның жүріп келе жатқан іздерінен, шәкірттері үшін аянбай, қаншама оқушының қамын ойлап, әр үйдің бір-бір еркесінің тілін тауып, үлкен жауапкершілікті сүйіспеншілікпен орындағанын көру арқылы келдім. Шәкірттерінің анама деген махаббаттары шексіз. Осындай ұстаз болу менің бала күнімнен арманым болды, міне қазір мен де жас маманмын. Ұлы деген атқа лайық ұстаздардың жолымен жүріп келемін. Сондай-ақ мен үшін орны ерекше алтын ұя мектебімнің мұғалімі, нағыз ұстаз деген атқа лайық Гүлдана апайымды айтар едім. Оқушыларын бөліп-жармай, ешқайсысымызды ренжітпей, бірде-бір дауыс көтермей, жақсылғымызды асырып, жамандығымызды жасырып, қателігіміз болса түзетіп, кешіріммен қарайтын. Шын жаны ашып, өз баласындай көріп, өзінің жұмсақ дауысымен бізді сабағына иіріп әкетеді. Бір қолында оралған дүниежүзілік картасы, бір қолында…