Мамандығым мақтанышым туралы шығарма

Мамандығым – мақтанышым!

«Әсемпаз болма, әрнеге,

Өнерпаз болсаң арқалан.

Сен де бір кірпіш дүниеге,

Кетігін тап та бар қалан» - деп Абай атамыз жырлағандай, өмірге келген соң, адам өз алдына мақсат қойып, сол мақсатқа қол жеткізгісі келеді, армандайды, қиялдайды. Әр адамның бұл өмірде тағдырын анықтайтын екі нәрсенің бірі - мамандық болып табылады. Дұрыс мамандық таңдау, бұл да адамның алға қойған негізгі мақсатының бірі.

Кішкентай кезімде ұстаздарға қарап, қатты қызығатынмын. Міне, Адам! Нағыз құрметке лайық жан деп білетінмін. Мектептен үйге оралған кезде, өз –өзімен мектеп ойнап, мұғалім болатынмын. Сол кездегі балалық шағымнан бастау алған –ұстаздық жолын таңдадым. Бала кезімнен осы күнге дейін, ұстаз Отан үшін еңбек етіп, шыдамдылықпен батылдықтың үлгісі деп ойлаймын. Ұстаз оқытып қана қоймайды, ол ана сияқты өз ақылын айтып, барлық адамның бойынан тек жақсылықты ғана көреді. Осы сөздерім бәрі шын екеніне көзім толықтай жетті. Әр бала үшін жанын салып, ол қуанса бірге қуанып, мұңайса көңілін көтеруге тырысады.Оқушы қандай да бір жетістікке қол жеткізсе, ұстаздың төбесі көкке жеткендей болады. Себебі өз еңбегінің жемісін көреді. Керемет сезімдерді басынан өткереді.

Ұстаз үнемі ізденісте жүреді. Көптеген қызықты тұлғалармен кездесіп, тәжірибе алмасады. Небір қызықты жерлерге барып, бірдеңені зерттейді да жүреді. Өзі тапқан білімімен оқушылармен, ұстаздармен бөліседі.

Өз басым жаңашылдықты жақсы көремін.өзіме айтылған пайдалы кеңестерді қуанышпен қабыл аламын. Адамдармен араласуды жақсы көремін. Сондықтан болар, ағылшын тілі пәнінің мұғалімі мамандығын таңдадым.Шет елдің мәдениетін, тілін, тарихын білу мен үшін өте қызық. Сол қызықты мәліметтерді балаларға жеткізу, үйрету одан да қызық деп ойлаймын.

Колледж, университетте оқып жүргенде,көптеген адамдармен таныстық, көп нәрсе үйрендік. Оқуды аяқтағаннан кейін, дипломмен ауылға бағдарламасы бойынша Павлодар қаласы, Екібастұз ауданы Өлеңті мектебіне келдім. Сол жылдары әлі есімде, басымнан өте көп қиыншылықтарды өткіздім. Материалдық база мүлдем болған жоқ, оқушылар шет тілін оқымаған. Бірақ уақыт өте келе бәрін үйрендім. Барлық қиыншылықтарды жеңдім. Отбасымды құрдым. Қазір еңбек өтілім 14 жыл, тәжірибелі ұстазбын. Бірақ сонда да ізденуді тоқтатқан…