Мамандығым үмітім тақырыбындағы баяндама

Мамандығым - үмітім!

Әсемпаз болма әрнеге,

Өнерпаз болсаң, арқалан.

Сен де бір кірпіш дүниеге,

Тетігін тапта, бар қалан.

(Абай Құнанбаев)

Әр адам ерте ма, кеш па өз өмірінде «Қандай мамандық иесі боламын?» деген сұраққа жауап іздейді. Мамандық таңдау - өте жауапты іс. Өйткені, сенің таңдаған мамандығың, ертеңгі сенің өмірің, болашағың, қоғамның болашағы, еліміздің ертеңі.

Қазақстан Республикасының Президенті айтқандай «Отанның болашағы, мемлекеттің келешегі жастардың қолында, олардың өрісті ойы, өркенді ісі, табанды тіршілігі тек біліммен ұштасқан біліктің арқасында биік белестерге жетеді».

Мамандық таңдау-жасөспірім жастағы ең маңызды шешімдердің бірі. Үлкен өмірге енді ғана аяқ басқан жас ұланның алдында мыңдаған мамандықтан біреуін таңдау міндеті тұрады . Мамандық таңдауда Жүсіпбек Аймауытовтың «Мамандықтың жаманы жоқ, бірақ оның кез келгеніне икемділік қажет, бұл жай күнелту, тамақ асыраудың ғана жолы емес, үлкен өнерді, зор шеберлікті қажет ететін нәрсе»-деген сөзін басшылыққа алу керек. Әрбір тұлға - жұмбақ. Сол жұмбақтың кілтін тауып, жүрек кілтін аша білу, әрбіржүректтің құпия сырын оқи білу мен қалаған мамандықтың ғажайып тылсым сыры.

Жүсіпбек Аймауытов атамыз айтқандай:

Көк жүзіне алаулы

Міндетті емес ай болу

Ең бастысы – қалаулы,

Кәсібіңе сай болу – дегендей, менің таңдаған мамандығым – автоэлектрик және автомеханик.

Мен таңдаған мамандықтың қазіргі нарықтық экономика саласында алатын орны ерекше. Алдымен сіздерді, автокөліктің шығу тарихы туралы маңызды деректермен таныстырайын: Автокөлік (гректің «auto» сөзінен аударғанда - «өздігінен», латынның «mobilis» сөзінен аударғанда «қозғалатын» деген мағынаны білдіреді) - өздігінен рельссіз қозғалысқа келетін транспорт, оның өз алдына қозғалысқа келтіретін қозғалтқышы бар, негізінен жер бетімен қозғалысқа келіп, адамдар мен жүктерді тасымалдау үшін арналған. 1769 - 1770 жж. француз өнертапқышы Жак Кюнью үш дөңгелекті арбаның жабдығын құрастырды. «Кюнью арбасы» тек автокөліктің пайда болуына ғана емес, паровоздың пайда болуына да түрткі болды, себебі қозғалысқа үлкен будың күшімен ғана келді. XIX гасырдың аяғында өздігінен жүретін автокөлік пайда болды. Бұл кезеңде автокөлік - ең мықты жəне ешқандай транспорт орнын өзгерте алмайтын. Бұл пайда болған транспорт ең маңызды транспорт болып табылды. 1901 жылы Карл Бенц бірінші болып төрт дөңгелекті автокөлік жасап шығарды. Бұл автокөліктер техникалық қызмет көрсетуі, жөндеуі жəне жүрісі жайлы, ұзақ жолға төзімді болуымен ерекшеленді.

Автомеханик – көлік жөндеу жұмысы мен техникалық қызметін жүзеге асыратын қызметкер. Мұнымен қатар, құрал-сайман мен аспаптарға диагностика жүргізіп, оның техникалық күйін бақылайды. Автомобильдерді сканерлейді.

Автомобильдің толық әрі уақытылы қызмет көрсетуі, агрегат пен түйіндердің қайта қалпына келтірілуі, механизм мен детальдың реттелуі.