Мамандық дәрігер тақырыбындағы ашық сабақ балабақшаға

ТЕХНОЛОГИЯЛЫҚ КАРТА

Білім беру саласы: Таным

Оқу қызметі: Жаратылыстану

Тақырыбы: Мамандық. Дәрігер

Мақсаты: 1. Балаларға дәрігер мамандығының не үшін қажет екендігін түсіндіру.

2. Ойын барысында қарапайым сөйлем құрап, оны түсініп, қайталай

үйрету.

3. Дәрігердің еңбегін құрметтеуге тәрбиелеу.

Көрнекіліктер: Баланы қарап жатқан дәрігердің суреті, дәрігерге қажетті құралдар, дәрігер киім киген қуыршақ, үлестірмелі материалдар.

Әрекеттердің кезеңдері

Тәрбиешінің әрекеті

Балалардың әрекеті

Ұйымдас-

тырушылық қызығушылық

Балалар шеңбер жасап тұрып, бір-біріне тілектер айтады.

Үлкенге сіз,

Кішіге де, сіз.

Бар әлемді құрметтеп,

Бас иеміз біз.

Балалар өлеңді

қимыл-қозғалыс-пен қайталайды.

Ұйымдас-тырушылық ізденістік

1.Әңгіме жүргізу.

-Ауырғанда дәрі беретін, емдейтін апайлар мен ағайларды дәрігерлер деп атайды. Дәрігер мамандыққа жатады. Мамандықтар әртүрлі болып келеді. Жүргізуші көлік жүргізеді. Мұғалім бала оқытады.

Мамандық иесі болу үшін көп оқып, білімді болу керек.

-Қуыршақ Айшаның тамағы ауырып қалыпты.Мына қорапты ашып көрейін ішінде не бар екен? Көрейік.

2.Ғажайып сәт.

-Балалар қораптың ішінде дәрігерге қажетті құралдар бар екен. Бұл құрал не үшін қажет? Ауырған Айшаның өкпесін, тыңдаймыз, ал бұл құралмен қызуын өлшейміз. Бұл дәріні кімге береміз? Ауырған қуыршаққа береміз. Енді оны жылы жауып қояйық, ұйықтасын.

Балаларға ой тастау.

Тәрбиешінің көмегімен айтып береді.

Қораптың ішіндегі құралдарды балалар қайталап айтып береді.

-Балалар, кейде дәрігерді үйге шақырамыз, сонда олар қандай машинамен келеді екен?

-Дұрыс, «Жедел жәрдем» машинасымен. Сендер оны көшеден көріп жүрсіңдер. Балалар, тыңдаңдаршы, ненің дауысы естіледі?

-Дұрыс айтасыңдар. Ал қандай машинаның дауысы екен?

-Дұрыс, «Жедел жәрдем» машинасының дауысы екен.

3.Сергіту сәті.

Кәне, «Ү-п» деп айтайық,

Демді ішке тартайық,

Енді «У-һ» деп айтайық,

Демді шығара қайтарып.

4.Суретпен жұмыс.

-Ауырып қалған жағдайда кімге бару қажет?

-Суретте баланы дәрігер апай емдеп жатыр.

-Дәрігер не істейді?

-Емдеу үшін не істейді?

-Иә, балалар, біздің де бөбекжайымызда дәрігер апайымыз бар. Есімі: Алтын апай.

5.Үлестірмелі материалмен жұмыс. Дәрігерге баратын жолды сызып көрсету.

Балалар жауап беруге тырысады.

Балалар көргендерін айтып береді.

–Балаларды ауырғанда емдейді.

-Өкпесін тыңдайды, дәрі береді.

Бірге тыныс алу жаттығуларын орындайды.