Мамандықтар әлеміне саяхат туралы мақала

Мен мамандықтар әлемінде

«Болашақта мүлдем жаңа мамандықтарға қажеттілік туады. Роботтар жұмыс жасай бастайды. Қазір ғылым генді инженерия мен биология саласын дамыту үшін жұмыс істеуде. Біздің мамандықтар жайлы түсінігіміз өзгереді. Біз қаласақта қаламасақта жұмыс орындары қысқарады».

Н. Ә. Назарбаев

Қазіргі заман ағымына ілесіп, білімді жастар санатына қосылу үшін терең білім мен біліктілік қажет. Қазіргі таңда 40 мыңнан астам мамандық түрі бар. Таңдау жасау өте қиын. Мен сол 40 мың мамандықтар арасындағы маркетинг саласын таңдадым.

Маркетинг деген не?

Маркетинг - бұл өнімді құруға, жылжытуға және тұтынушыларға жеткізуге, сондай-ақ, олармен қарым-қатынасты басқаруға бағытталған процестер жиынтығы. Ағылшын тілінен аударғанда, маркетинг - бұл нарықтық қызмет. Яғни, маркетинг - бұл компанияның нарық қажеттіліктерін қанағаттандыру қызметі. Негізгі міндет - пайда табу. Маркетинг - бұл өте икемді ғылым. Оның негізгі 8 қызметі бар. Олар:

Клиенттермен жұмыс.

Компания мен оның өнімдерін позициялау.

Өнімді дамыту.

Өнімінің сырт келбеті-қаптамасы.

Қызметкерлердің сыртқы әлеммен өзара байланысы.

Маркетинг қызметіне аналитика жасау.

Қозғалыс генерациясы.

Әлеуметтік желілерді жүргізу - болып табылады.

Тұрақты бизнес құрып, сәтті дамуға талпынатын фирмалар, маркетинг бөлімінсіз жұмыс жасамайды. Шағын фирмалар штатында, міндетті түрде тым болмаса бір маркетолог-қызметкер болады. Компанияда маркетинг бөлімі болмаса, онда бұл сұрақтар басқа қызметкерге қосымша жүк болып міндеттеледі және бұл жұмыс жоғары маманданған түрде орындалмайды. Кейде жалғыз бір маркетолог үлкен көлемде қызметтер орындап жатады. Мысалы, жарнама бойынша менеджер қоғаммен байланыс маманы, маркетингтік зерттеулер бойынша маман және зерттеуші-аналитик, бренд-менеджер, трейд-жұмыстарының бәрін бірге алып жүреді. Негізінде бұлар ортақ маркетинг желісінде болғанымен, олар әртүрлі бағыттар, соған сәйкес олардың әрқайсысында өз мамандары болуы тиіс.

Қазіргі таңда маркетинг саласын мамандық ретінде санамайды. Барлық маркетологтардың жұмысын бағаламайды. Мен маркетинг саласын жетік меңгеріп маркетологтардың дәрежесін көтергім келеді.