Мамандықтар әлеміне жол ашамыз авторлық бағдарламасы

Мақсаты: Оқушыларға мамандықтар туралы түсініктер бере отырып, кәсіптік бағыт бағдар беру. Мамандық таңдауда қызығушылықтарын арттырып, дұрыс әрекет ету қабілеттерін дамыту.

Ресурстар: (құралдар, мәлiметтер)

Барысы:

Ұйымдастыру кезеңi.

Ескерту

Дәйексөз.

Әсемпаз болма әрнеге,

Өнерпаз болсаң арқалан.

Сен де бір кірпіш дүниеге,

Кетігін тапта бар қалан.

Абай Құнанбаев

Оқулық

Жаңа ақпарат беру.

Мамандық таңдау – әр адамның мақсаты. Мамандық пен өнерді ол өз қалауымен таңдап алады. Мамандық түрі көп. Әлемде 50 мыңға жуық мамандық бар екен және жыл сайын 500 – ге тарта жаңа түрі қосылып отырады.

Адам өзінің болашақ кәсібіне әртүрлі жолдармен келеді. Біреулер үшін – ол ойға алған арманның орындалуы, отбасы дәстүрін жалғастыру, келесі біреулер үшін – жаңалыққа, дербестікке талпыныс, үшінші біреулерге – әйтеуір бір мамандық алу керек болған соң т.б. Мамандықты таңдау үшін адам ең алдымен өзін, өз бейімділігін тануы қажет. Мынау көп салалы өмірде мамандықтың түрі көп. Әрине таңдау жасау оңай емес. Ең бастысы – адам еңбекке қабілетті, зейінді болуы қажет және оның мамандығы өзі өскен ортаға маңызды, бағалы үлес қосатындай болуы шарт. Өз ісіне сенімді, дұрыс таңдаған адам ғана жетістікке жетеді.

Мамандық дегеніміз – бұл адамның еңбек қызметінің түрі, кәсіп, сүйікті іс, шығармашылық, қызығушылық, табыс, адамды болашаққа апаратын жол.

«Есіңде жүрген жөн болар...»

Қазіргі заманғы жоғары білім бар маманға қандай талаптар қойылады?

-қалаған мамандықтың мазмұнына көңіл аудару

-компьютерді білу

-бірнеше тілді, әсіресе ағылшын тілін білу

-адамдармен жақсы қарым – қатынас жасай білу

-тез шешім қабылдай білу, бастамашыл болу

«Қазіргі заманның әрі тапшы, әрі табысты мамандары»

ХХI - ғасыр адам өмірінің әртүрлі саласына жаңалықтар енгізіп қанай қоймай, жаңа мамандықтарды да ала келді. Адам баласы ХХ-ғасырда қажетсінбеген, тіпті естіп-білмеген түрлі мамандықтар пайда болуда.Ол негізінен, ақпараттық технологиялардың ұшқыр дамуына, қызмет көрсету және саладағы еңбекті жіктеу ережесінің түрленуіне байланысты. Төменде келтірілген мамандық атаулары бірнеше жыл бұрын қолданыста болмаған. Жаңа ғасырдың жаңа мамандықтарына тоқталайық:

бренд-менеджер - тауарды сатуды ғана емес, оның қалай өндірілетінін жақсы білетін маман;

промоутер - компанияның өнімді сату, жарнамалау және өткізу жұмыстарымен шұғылданатын өкілі;

супервайзер - сауда өкілдіктерінің жұмысын қадағалайтын, жаңа бағыттарды айқындайтын маман;

веб-мастер - сайт жасаумен шұғылданатын маман;

интервьюер - әлеуметтік зерттеулер үшін сауалнама, сұхбат жүргізетін маман;

Аниматор -суретке жан бітіруші.

Витражист – көрмедегі және дүкендердегі заттарды тартымды етіп орналастыра білетін мамандар.

Декоратор – түрлі мекемелерді, ғимараттардың ішін әсемдеуші.

Интерьер дизайнері – үйіміздегі немесе кеңсеміздегі жиһаздарымызды талғаммен орналастыра білетін мамандар.

Продюсер – түрлі мерекелік іс-шараларды ұйымдастырушы.

Көркемдік әрлеуші – көшелерде ілінген жарнамаларды, сауда орындарын, қоғамдық тамақтану залдарын әсемдеушілер.

Аналитиктердің болашақта ең қажет етіледі деп тапқан 10 мамандығымен таныстырып өтейін.

1) Инженерлер. Қазірдің өзінде көп елдерде мықты инженерлердің жетіспеушілігі байқалады. Елдің өндіріс пен техника саласында дамуында бұл мамандардың орны ерекше.

2) IT саласының мамандары. (Web-жасаушы, есептеу техникасы саласының сарапшысы, бағдарламалық қамтамасыз етуші, бағдарламашылар, мәліметтерді сараптау және өңдеу бойынша маман, жүйелік әкімші)

Әрине, бұл саланың адамдары біздің өмірімізге өте көлемді тамырын жайып үлгерді. Бірақ, бұл болашақта IT саласының мамандары көбейеді деген сөз емес. Өйткені, күнделікті өміріміз ақпараттық технологияларға барынша бейімделіп жатқан соң бұл мамандар қанша көп болса сонша жақсы болып тұр.

3) Нанотехнология саласының мамандары. Әлемдік эксперттердің болжауынша, нанотехнология саласы болашақта ғарыш, машина жасау, тамақ өндірісі, медицина сияқты ірі салаларда үлкен рөл ойнайтын болады. Сондықтан бұл саланы таңдасаңыз өкінбейсіз деп айта аламыз.

4) Электроника және биотехнология мамандары. Бұл салалардың әлемдік сахнада өзіндік үлкен орны бар. Болашақта жаңа қуат көздері, электроникалық жаңалықтар мен жүйелер, малекулярлық медицинада өз еңбегіңізді сіңіргіңіз келсе аталған мамандық сіз үшін.

5) Маркетологтар. Маркетологтар жұмыс басқару, бизнес, шаруашылық, тіпті мемлекеттік жүйеге өте қажетті болған, болып жатыр және бола бермек. Болашақта өндіруші мен тұтынушының ортасындағы ортақ көзқарастармен тығыз жұмыс жасап жетістікке жетуде бұл мамандардың ерекше орны болатыны сөзсіз.