Мәнерлеп оқудан сайыс Өлең сөздің патшасы 7 сынып

«Өлең сөздің патшасы...» тақырыбында мәнерлеп оқу сайысы

Мақсаты: Оқушылардың тілдік және оқу сауаттылығын дамыта отырып, поэзия туралы түсінік қалыптастыру арқылы, кітапқа, поэзия оқуға деген қызығушылығын арттыру. Өлеңді мәнерлеп оқуға, мемлекеттік тілде ән айтуға баулу.

Міндеттері:

Оқырманның мәдени тәрбиесін, көркем әдебиетке, кітапқа деген қызығушылығын дамыту;

Оқушылардың әдеби жанрлар туралы түсінігін қалыптастыру;

Оқушылардың ой - өрісін, дүниетанымын кеңейту, сөздік қорын молайту Сөйлеуі мен қиялын дамыту;

Оқудың игілікті жақтарын түсіндіру және жағымды әсер қалыптастыру;

рухани-адамгершілік қабілеттерін дамыту, әдеби шығармалар көмегімен мәдени коммуникативтік дағдыларын арттыру.

Көрнекілік құралдар: Танымал ғалымдардың тіл туралы айтқан ойлары жазылған плакаттар, тіл туралы слайд, Қазақстан туралы бейнероликтер.

Барысы:

І.Кіріспе бөлімі

I - жүргізуші: Қайырлы күн! Ана тілін ардақ тұтар тіл жанашырлары! Армысыздар, қымбатты қонақтар! Ұлағатты ұстаздар мен оқушылар!

II - жүргізуші:Армысыздар, өрлі де, асқақ рухты тәуелсіз елдің жас ұландары!

Жүрегімнің бөлшегіҚаның, жаның - тілінде,Арың, нәрің тіліңде.Ұмтыл оны білуге.Тілден алып ғибрат,Құлшынасың білімге.

1-жүргізуші:

Ана тілім,

Жүрегісің анамның.

Жүрек-ана,

Мен өзіңнен жаралдым.

Сағат сайын саулығыңды тілеймін,

Сенсіз мынау керегі не ғаламның!

Сенің әрбір тынысыңмен күн кешем,

Сен арқылы тіршілікпен тілдесем.

2-жүргізуші: Тіл – қандай ұлтта, елде болмасын әрқашан қастерлі де құдіретті. Ол әрбір адамға ана сүтімен бірге еніп, қалыптасады. Тіл - әрбір елдің жаны. Тіл – халық тарихы, тіл – ұлттық қазына, тіл – біздің намысыз, арымыз, байлығымыз, барымыз. Осыдан тура 29 жыл бұрын – 1989 жылы 22 қыркүйек күні "Тіл туралы" заң қабылданған . Бүгін Қазақстан Республикасының халықтарының тілдер мерекесі күніне орай өздеріңізбен қауышып отырмыз.

Қуан, далам! Қуанатын күн бүгін!Серпіп таста мұңды жүрек түндігін.Тіл туралы Заңым енді күшіне,Паш еткендей кескен жаңа кіндігін.Қуан, бабам! Қуанышты күн бүгін!Деген едің «Тіл бар жерде өмір бар!»«Халық жауы» атандың - ау сол үшін,Ғұмырыңды құрбан етіп жолында.

(Қазақстан Республикасының Мемлекеттік Әнұраны орындалады).

1-жүргізуші:

Сәлем саған, жас буын жалғастырам,Болашақта сендермен жалғасамын.Тек жалғасам қазақтың тілі арқылы,Ана тілін ауадай ардақтағын!Сақтар болсаң халқыңды – тілді сақта,Баға жетпес мұра жоқ тілден басқа!Тілден өзге жиһаздың бәрін түгел,Базарлайсың қалтаңда ақшаң жатса!

Олай болса, мерекелік кешімізді бастайық! Қазақстан Республикасы халықтарының тілдер күніне арналған мәнерлеп оқу сайысын ашық деп жариялаймыз!

2 – жүргізуші:

Жырлатқан қазақтардың қазақтығын,Жырлатқан ерлік, елдік азаттығын.Жұлдызды құдіреттің туы болған,Жауынгер ана тілім - қазақ тілім

Ән: «Алға Қазақстан» Ерубай Елдос

Сайысымызды бастамас бұрын алдымен әділ - қазылар алқасы мүшелерін тағайындап алайық.

Сайысымыз 2 кезеңнен тұрады:

І кезең. Қазақ тіліндегі өлеңдерді нақышына келтіріп, мәнерлеп айту. (қай оқушы нақышына жеткізіп, мәнерлеп оқыса, сол жеңімпаз)

ІІ кезең. Мақал - мәтел сайысы. Мұнда да тіл туралы, туған жер, отан, ел тақырыбында айтылған мақал - мәтелдер айтып жарысады(бұл сайыста әр қатысушы көбірек мақал - мәтел айту керек. Қай оқушы көбірек айтса, сол озат мақалшы)1– жүргізуші:Қазақпын мен, қазақтың бөлшегімін,Қажеті не басқаның өлшемінің.Қазақ деген жалғыз ұлт мен боламын,Енді міне жетеді көпке үнім - дей келе, мәнерлеп оқу сайысына қатысушыларды таныстыра кетейік. Бұл сайыс әртүрлі (5-11) сыныптар арасында өтеді. ) Сайысымызды бастамас бұрын әділ - қазылар алқасымен таныстырайын: .....................

ІІ. Негізгі бөлім

2- жүргізуші:

Ерлік, елдік, бірлік, қайрат, бақ - ардың,Жауыз тағдыр жойды бәрін не бардың.Алтын күннен бағасыз бір белгі боп,Нұрлы жұлдыз, бабам тілі, сен қалдың.

Кешіміздің кезегін көсемсөз шеберлеріне берейік!

( Әр қатысушы шығып өлеңдерін оқиды.)

1-оқушы Тихоненко Давид «Қазақ тілі», Мағжан Жұмабаев