Мәңгілік Ел Қазақстан тақырыбындағы ашық оқу қызметі

№262 мектеп-гимназия жанындағы «Айгөлек» шағын орталығы, «Айым» ортаңғы тобы

Тәрбиеші: Қаныбетова Б.

Білім беру саласы: Таным, Шығармашылық

Тақырыбы: «Мәңгілік ел – Қазақстан».Мақсаты: Білімділік: Балаларды Отан сүйгіштікке баулу, өз еліне, жеріне деген патриоттық сезімін ояту арқылы егеменді еліміздің ертеңгі иелерін Тәуілсіздік туралы мәлімет бере отырып тәрбиелеу. Дамытушылық: Балалардың сөздік қорын молайту, байланыстыра сөйлеуді қалыптастыра отырып Тәуелсіздігімізге арналған тақпақ, мақалдарды жатқа айтқызуға үйрету.Тәрбиелік: Есте сақтау қабілетін дамытып, көңіл - күйлерін көтеру.Методикалық әдіс - тәсілдер: Әңгімелеу, көрсету, түсіндіру, сурет бойынша, әңгіме құрастыру, сұрақ - жауап.Сөздік жұмыс: Республика, рәміз, Ту, Елтаңба, бәйтерек сөздері алынады.Көрнекілік: Қазақстан Респуликасының мемелекеттік рәміздері.Сабақтың барысы:

Шаттық шеңберін жасау

- Арайлап таң атты,Алтын сәуле таратты Жарқырайды күніміз,Жарқырайды даламыз Біз бақытты баламыз

- Оқу қызметін Қазақстан Республикасының мемлекеттік әнұранымен басатайық.

Әнұран

Тәрбиеші: Балалар, қазір мен сендерге бір болған оқиға айтып берейін.

«Бір кісі бармақтай құсты ұстап алып, торға қамап қояды. Әлгі құс күні-түні дамыл көрмей «Отан, Отан, Отан» деп шырылдай береді екен. Құстың иесі «Мұның Отаны болғаны ма, ал Отаны болса қайда екен? Құсты босатып жіберейін де, ұшқан жағына қарап, ғажайып елге апаратын жолды біліп алайын» деп ойлайды. Сөйтіп құсты босатып жібереді. Құс ұшып шығып, бар болғаны он қадам жердегі тақырдың арасында өскен жалғыз түп тікенге барып қонады. Сөйтсе, әлгі бұтада ұясы бар екен. «Демек, құстың Отаны ұя салған жері болды ғой»-деп ойлайды әлгі адам. Шынында адам түгілі құстар да ұя салып мекен еткен жеріне бауыр басып кетеді екен.

Балалар, Отан дегенді қалай түсенесіңдер?

Отан – адамның туып, өскен жері.

Отан - әр адамның жүрегіне жақын, жылы, қасиетті сөз. Отан дегеніміз - адамның туып-өскен жері, туған-туысқандарымен бірге тұратын атамекені. Сондықтан әрбір адам үшін дүниедегі қасиетті, киелі ұғым –Отан. Балалар, ал біздің Отанымыз қалай аталады?

Қазақстан

Отанмыз жайлы тақпақтар айтып берейік.

Нарқыз

Отан деген – Атамекен,

Отан деген – туған жер.

Отан – ана, Отан – үлкен,

Қазақстан – туған ел.

Диляра

Отан дейміз от жаққан жерімізді

Отан дейміз өсірген елімізді

Отан дейміз туған жер атамекен

Биік тау, орман, тоғай көлімізді

Нұрасыл

Азаматқа лайық

Отанымның ұлымын.

Отанымды қорғайтын

Азаматтың бірімін.

Ен даласын егін жапқан

Бар баласы бақыт тапқан

Менің елім, туған жерім

Күн сәулелі, Қазақстан.

Әділхан

Абай туған, Сәкен туған

Құрметте, досым, Қазақтың жерін

Қамбаға жылда мол астық құйған

Қазақстан – Республикам менің

Аружан

Менің елім Қазақстан

Бар ғой онда бәрі де:

Өзен де бар, көл де бар

Орман да бар, тау да бар,

Жайнаған сансыз қаласы бар

Жайқалған жомарт даласы бар

Арсен

Алтын дәнді даласы бар,

Ақ күмістей қаласы бар

Неткен сұлу, неткен көркем

Осы менің туған өлкем

Нұрдана

Тәуелсіз елім ұлы есім,

Сен десе соғар жүрегім

Өзіңдей елім барына

Шаттанып мәңгі жүремін

Қазақстан қандай мемелекет

Тәуелсіз, егеменді

Біздің тәуелсіздік алғанымызға қанша жыл болды?

25 жыл

Дұрыс айтасыңдар. Қазір бәріміз экранға назар салайық.

Слайд көрсету.

Балалар, елімізідің президенті кім?

Нұрсұлтан Әбішұлы Назарбаев

Ал енді Елбасымыз жайлы кім тақпақ айтып береді?

Айханым

Елімде бейбіт тыныш заман болсын,

Тілеймін әр адамға бақыт қонсын,

Елімнің ел ағасы, елбасшысы

Нұрсұлтан Назарбаев аман болсын

Еркесезім

Шықты тарап ой данадан,

Бері қарады жұлдыз беті

Өзі қалап сайлап алған

Елімнің бар президенті

Еліміздің елордасы қай қала?

Астана қаласы

Тәрбиеші : Астана қандай қала?

Балалар: Астана - бас қала, әдемі, үлкен қала.

Жүргізуші: Дұрыс айтасыңдар, балалар. Астана туралы тақпақ айтайық.

Мерей

Тарихы бар ашпаған

Ордасы бол ойшылдың

Ей, бас қалам, Астанам,

Шырқап көкке аспан ән

Айару

Астана – арман қала

Астана – сұлу қала

Біз оны анамыздай

Сүйеміз шынында да.