Маңғыстаудағы алғашқы клуб туралы тарихи мақала

Маңғыстаудағы алғашқы клуб

Маңғыстаудағы алғашқы клуб-Тұщыбекте. Тайман Айдарбаев былай есіне алады: "Клубтың айналасы-отырғызылған ағаш. Шарбақтың ішінде құдығы бар. Мәдениет жұмыстары сол клубта көп жүргізілді. Ондай клуб ауданда болған жоқ. Ауыл адамдары, оқушылар, басшылар көп жиналады. Мерекелі күндерде үзбестен концерт береміз. Партия ұйымының басшысы Дүйсенбаев Сенбай мен Нұров Сабытай көп келеді. Олар клуб жұмысының ұйымдастырылуына ерекше мән берді. Ауыл адамдарының мәдени демалысын үнемі болмағанмен, мерекелік сәттерінде ынта-ықыласпен ұйымдастыра білді. Байдолов Ауман - білімді де ауызды, алғыр басшы. Колхозды жан-жақты дамытуға күш салды. Тұралап жатырған колхозды қиындықтарға қарамастан, 3 жылда жарқырата көтеріп, таныта білді.

1958 жылы қаңтардың он сегізі күні өткен түбектегі ең алғашқы комсомол тойы. Қызылтаңдық жастар: Қиялбайұлы Көңіл-Саламатова Ханымның үйлену тойы. Сол кезден түсірілген клуб жанындағы қоғамдық қызмет мүшелерінің және аудандық комсомол комитетінің ұйымдастыруымен шығарған шақыру билетін оқырманға реті келгенде ұсынып отырмыз. Күйші Тайман Айдарбаев, Құлсариев Орын оның жұмысының жандануына ерекше тер төгіп, айналасына өнерлі жандарды топтастыра білді.

Сарытаған қысқарғаннан кейін, сонда қызмет етіп тұрған күйші Орын ағаны Ауман Байдолұлы Тұщыбек клубына арнайы шақыртумен алдыртады. Майталман күйші кейін Мәскеуде өткен декадаға қатынасты. Ал Тайман күйші басында мұғалім болған, елді сауаттандыру ісіне араласқан. 1957 жылы алғаш қойды қыста қоздатқан ғалым-зоотехник Байдолов Ауманның шақыруы бойынша клуб меңгерушісі болып қызмет істейді. Колхоз атынан Ауман басшы оны Гурьев қаласына жіберіп, баян аспабында оқытып алады. Ол кезде арнайы құжатты маман жоқ еді. Басшы адамның міндеті, өнегесі - қызмет адамдарының іскерлік қабілетін ұштауы ғой. Халық алдындағы өзінің жауапкершілігін сезіне білген сұңғыла Байдолұлы ауыл клубының арқа сүйер мықтыларының басын осылай қосып жинады. Оларға міндетті мәдени тапсырмалар жүктеді.

Тайман 5-6 жасқа келгенде, әкесі көрші ауылдағы Қырымқұл Ағатай деген кісінің үйінен ағаштан шебер ойып істелінген кішкентай қара домбыраны алып келді. Ол өзі бұрын домбыра тартқан кісі екен. «Азып қалған екен, мен сұрап алдым»,- деп балаларына ұсынады. Күтімсіз қалған домбыраның құлағының қатты бұралмауын, ішегі қойдікі, шыдамсыз, үзіліп кететінін ескертеді. Қолдарын жаттықтыра беруін балаларынан өтінеді. Тұщыбек мектеп оқушылары: Байшабай, Тайман қатарласа домбырамен біраз жаттығады. Байшабай 7-сыныпты бітірген соң, есепші болды. Ал Тайман өнер саласында.1956-1958 жылдар аралығында өткен аудандық, облыстық фестивальдарда колхоз мәдениет қызметкерлері ұйымдастырған клуб өнерпаздары…