Мақал мен 101 жұмбақ бойынша сайыс, 4-сынып

Сабақтың мақсаты: Қазақ халқы сөз қадірін біліп, қасиетті сөздерді аузынан тастамай, қастерлеп келе жатқан халық екенін түсіндіре отырып, оқушылардың тіл байлығын, сөздік қорын дамыту және ойлау, есте сақтау қабілетін дамыту.

Сабақтың түрі: Топтық сайыс

Пәнаралық байланыс: Әдебиет, қазақ тілі.

Көрнекілік: Слайд, тақта, интерактивті тақта, кітаптар

Жарыстың барысы:

Құрметті көпшілік қауым! Бүгін «Рухани байлық» күніне орай 4 сыныптар арасында «1001 мақал,101 жұмбақ» жарысы өткелі отыр. Мұндағы мақсатымыз – халық ауыз әдебиетін дамыту, халық мұрасын сақтау және жалғастыру, тапқырлық пен ой ұшқырлығына тәрбиелеу.

Мақал-мәтелдер – ғасырлар шежіресі, онда халық тарихы, оның тіршілігі, ақыл өнегесі мол көрініс тапқан. Мақал-мәтелдер ой дәлдігімен, тереңдігімен, ықшамдығымен ерекшеленеді.

Жұмбақтар да – ауыз әдебиетінің ертеден келе жатқан түрі. Жалпы алғанда, жұмбақ адамның дүниетану жолындағы ойының, қиялының шамасын білдіреді.

Олай болса «Мақал сөздің мәйегі» демекші құрғақ сөздің ғұмыры қысқа ғой, сол себепті өмірімізде мақал –мәтелді жиірек қолданған жөн. Ендеше ортамызда отырған сайыскерлерімізбен таныстырып өтейін

1-топ «Тапқырлар»

2-топ «Жүйріктер»

Құрметті ойынға қатысушылар! «Қадамдарыңа нұр жаусын» дей келе, бүгінгі «1001 мақал,101 жұмбақ» жарысын бастаймыз.

«1001 мақал,101 жұмбақ» жарысымыз 6 кезеңнен тұрады.

Қазылар орнықтырар әділдікті,

Қай топтың жауаптары кәдік шықты.

«1001 мақал,101 жұмбақ» жарысында жеңіске жетер дейміз нағыз мықты- деп әділ-қазы алқасымен таныс болайық:

Сайыс кезеңдерімен таныстырып өтейік:

6 кезеңнен тұрады.

1. «Ойлы болсаң, тауып көр»

2.»Ойлан,тап!»

3.»Ойна да, ойла» (жұмбақтар жасыру)

4.»Білгенге маржан» Суретке байланысты мақал айту (Пазл құрастыру)

5. Әзіл аралас сұрақтар.(Сұрақтарға мақалмен жауап беру)

6. Суреттер сөйлейді

1 – кезең «Ойлы болсаң тауып көр».

Мақсаты: көп нүктенің орнына мақалдағы сөзді тауып, тапқан сөзді ағылшын, орыс тілдеріне аудару

..... басқа қарайды, дұшпан аяққа қарайды.

(Дос – друг – friend)

Отан ...... басталады

(отбасы – семья – family)

Қалауын тапсаң ..... жанар

(қар – снег – snow)

..... көңілі – балада,

Баланың көңілі – далада

(ана – мать – mother)

...... үйрен, жаманнан жирен.(жақсы – хорошо – good)