Мақтаарал ақындары мен композиторлары туралы баяндама

Баяндама

Тәуелсіз Қазақстанның жаһандану дәуіріндегі рухани кеңістігіміздің жаңа бастауы «Болашаққа бағдар: рухани жаңғыру» атты халықтан қызу қолдау тапқан кешегі тұғырнамасын ширек ғасырды артқа тастады.

Латын әліпбиіне көшу – Мәңгілік Елдің рухани жаңғыруының басы болса, «Туған жер» бағдарламасы жаңа ғасырдағы әлемдік, өңірлік, ішкі-сыртқы тәуекелдерге қарсы тұра алатын отаншылдық тәрбиенің, ұлтжандылықтың кепілі болмақ.

«Туған жер» бағдарламасының «Алтын адам» кіші жобасын іске асыру бағыты оқушылар бойында өлкетанулық білім мазмұнының сапасын көтеру, оқушыларды туған өлке тарихын зерделеуге ынталандыру, өлкетанулық білімнің рөлі мен маңызын арттыру болып табылады. Осы мақсатта өз туған жерімнің өнер майталмандарын, өнер ардагерлері жайында мақтанышпен айтуды жөн көрдім.

Мақтарал ауданынан шыққан белді ақындар Исраил Сапарбай,Бекжан Әшірбаев, Композитор, ақын Мұхтар Құралов, күйші композитор, дирижер, ақын Бөрі Иса, сазгер, ақын,музыкант,жазушы Қазақстан журналистер одағының мүшесі, «Сағыныш сазы», «Көктемім сен аңсаған», «Тағлым», «Ғибрат» кітаптарының авторы Тастан Мырзасейітұлы атамыз, 100ден аса әндердің авторы ақын Бауыржан Кеттебеков сынды ақындарды айтуға болады.

Исраил Сапарбай мырзаның 20-ға жуық жыр жинақтары бар. 70-ке тарта әндер мен 150-ге тарта ән мәтіндерінің авторы. Исраил Сапарбайдың «Ауылдан келген ару», «Әмір-Темір», «Абай-Тоғжан», «Сыған серенадасы», «Махаббат мейрамы» пьесалары театр сахнасында талай жылдан бері қойылып жүр. Сол сияқты Тоқтар Серіковтың орындауындағы танымал "Көршінің қызы" әнінің авторы. Айтыскер ақын, сазгер, журналист Бекжан Әшірбаев Қазақстан Жазушылар және Журналистер одағының, «Қазақ авторлары қоғамының» мүшесі. «Дарын» Мемлекеттік Жастар сыйлығының лауреаты атанған. «Қоңыр әуен» жыр жинағы жарық көрген..

Мақтаралдық күйші-композитор Бөрі Иса ағамызды қазақтың ұлы күйші-композиторы Нүрғиса Тілендиевпен салыстырудың астарында да белгілі деңгейде шындық жатқаны рас. Бөрі ағамыздың деңгейі өзі ғұмыр бойы құрметтеп жүрген ұстазы Нұрғиса Тілендиевтей болмаса да біздің жерлес атамыздың талантты, атақ-даңқы аудан, облыс көлемінен асып кейде республикаға да тарап жатады. Иса атамыздың балаларға арналған және өзінің шығармашылығына арналған қос кітабы жарық көрген. Осындай өз өлкемізден шыққан өмірлерін өнерге арнаған ақын жазушыларымыздың шығармашылықтарын болашақ ұрпаққа жеткізе білсек нұр үстіне нұр болады деп сенемін.