Мать: эссе по самопознанию для 7 класса

АНА

Адамзат қуат алар ақ сүтіңнен,

Мәпелеп, әлдилеген пейілің кең.

Аналық махаббатың кәусар бұлақ,

Сөнбейтін ақ жүрегің мәңгі шырақ.

АНА... Ана ол жер бетіндегі ең әдемі гүл. Ана өз баласын 9 ай, 9 күн өз құрсағында көтеріп, әрдайым жүрегінде сақтайтын жалғыз жан. Үнемі сенің қас қабағыңа қарап, саған барлығында береді.

Ана сөзі үш әріптен тұрса да түбінде терең мағыналы тылсым бір ой жатыр. Ана өз баласын шыр етіп дүние есігін ашқаннан бастап әрдайым қасында болып, оны бірер минутқа да жалғыз қалдырмай, қиын сәтте өзінің бар ақылын айтып, қолдау білдіріп отырады. Аналарға қанша «рахмет» айтсақ та өте аз.

Менің анам ол менің жер бетіндегі – Жәннатым. Мен анамсыз бір күнді де өткізе алмаймын. Анамның қасында болсам өзімді құдды бір басқа ғажайып әлемде жүргендей сезінемін. Менің қазір жүзімнен күлкі кетпей, қанаттыға қақтырмай, тұмсықтыға шоқтырмай, жоқтан бар жасап өзінің маған деген шексіз махаббатымен, тәлім-тәрбиесімен өсіріп келеді. Үйіміздің мәнін де, сәнін де келтіріп тұрған анам. Анамсыз үй қаңырап қалатын секілді. Мен анамсыз өмірден қатты қорқамын. Мен анамды жанымнан артық жақсы көремін!

Қазіргі кезді адамдардың басым көпшілігі өзінің туған анасын қарттар үйіне өткізіп жатады. Неліктен? Не үшін ол өз анасын қарттар үйіне өткізеді? Анадан қандай жамандық көрді? Ол бар болғаны сен үшін күндіз-түні ұйықтамай уайымдап күткені үшін бе? Жоқ олай болмауы тиіс. Ана біздің өміріміздің мәні ғой. Қазір осылай шалқып жүруімізге себепші біздің анамыз емеспе? Мұхаммед пайғамбарымыздың хадистерінде ең алдымен ананы құрметтеу парыз екені айтылады. «Әуелі анаңа, тағы да анаңа, содан соң әкеңе жақсылық жаса» делінген. Сондықтан да анамызды қадірлей білейік.