Эссе о маме для урока самопознания в 7 классе

АНАШЫМ

Ана – үш әріп, таусылмас мағына. Ол әлемдегі ең ардақты, аяулы жан. Менің анашымның аты-жөні: Айтманова Анар. Ол кісі маған жарық дүниені сыйлаған қадірлі адам. Біз анамызға не сыйласақта, ол кісінің бізге жасаған жақсылықтарын өтей алмаспыз. Меккеге жеті рет арқалап апарсақта аздық етеді. Біздің амандығымыз үшін от басып, су кешуге де даяр жан ол әрине – АНА. Қадір тұтар Пайғамбарымызда «Кімді сыйлау керек?» - деген сұраққа үш мәрте «Ананы» деп тіл қатқан болатын.

Мен анашымның сыңғыр күлкісіне, қоңыр көздеріне ғашықпын. Кейде анамның төзімділігіне, кешірімшіл екеніне қайран қаламын. Ақ сүт беріп, қанаттыға қақтырмай, тұмсықтыға шоқтырмай, әлпештеп өсірген, ұлы есімді адамсыз. Сіз мен үшін әлемдегі ең жақын да сүйікті жансыз. Менің сізге деген махаббатым шексіз. Мен өмірдегі Жәннәтімді өте биік санаймын. Себебі: анасы бар адамдар – ең бақытты адам. Ол бізді өзінің қанат астындағы балапандарын, үнемі ана жылуымен, мейірімімен сезінтіп жүреді. Анашым сіз менің қамқоршымсыз, тәрбиешімсіз, ақылшымсыз. Әрдайым жақсылыққа жол бастап, жамандыққа жолықтырмайсыз. Жетістіктерге жетсем, менімен бірге қуанып, сүрінсем жұбатасыз. Ана мен баланың арасында тылсым сырлы жіп жалғап тұрған тәрізді.

Аяулы Анашым! Сізге деген жүрегімдегі ризашылық сезімімді қаншама сөз маржанын терсемде, жеткізе алмаспын. Сіздің жүрегіңіз маған деген мейірімге, сүйіспеншілікке толы. Бұл дүниені сенсіз елестету өте қорқынышты. Өмірде сізбен бақытты екенімді сезінемін. Сіз жанымда болсаңыз өмірімнің мәні де, сәні де тек өзіңізбен арайлы. Менің тағдырым сізбен байлаулы. Ана – бұлақ. Анашым сізге осы өлең жолымен көп нәрсені айтқым келеді. Қабыл алыңыз:

Анашым байлығымсың, бар асылым,

Жүрегіме нұр себетін, жанашырым.

Жұмақтың кілті сізде мен білемін,

Күнәлі болса кешіріңіз шын жүректен.

Әр күлкіңіз жарасады өзіңізге,

Білесіз бе, махаббатым шексіз сізге.

Мейлі мен шыдаймын асуларға,

Тек қана анашымның көз жасы емес.

Өмірден ұтып алған шынарымсыз,

Жүрегімнің екінші сыңарысыз.

Жанарыңнан көремін махаббатты,

Әр сөзіңіз әсер етті, маған қатты.

Бала үшін шырылдады пәк жүрегің,

Күлкімнің себепшісі сізде менің.

Біздер үшін алаңдап елжірейсіз,

Айналайын анашым, көңіліңнен.