Математика пәнінен автореферат үлгісі

Автореферат

Диссертациялық жұмыс кіріспеден, екі тараудан, қорытындыдан және пайдаланған әдебиеттер тізімінен тұрады. Жұмыстың жалпы көлемі 71 беттен тұрады. Пайдаланылған әдебиеттер тізімі 35 еңбекті қамтиды.

Диссертациялық жұмыста параметрлеу әдісінің көмегі арқылы зерттелініп отырған есептің шешімдерін анықтау алгоритмдері құрылған және бірмәнді шешілімділігінің шарттары алынған.

Зерттеудің мақсаты. Параметрлеу әдісін интегралдық– дифференциалдық теңдеулер жүйелері үшін импульсты шеттік есептерін шешуге дамыту, шешілімділігінің коэффициенттік шарттарын тағайындау және импульсты шеттік есептерінің шешімдерін құру.

Зерттеудің нысаны. Интегралдық–дифференциалдық теңдеулер жүйесі үшін импульсты шеттік есептері.

Зерттеудің әдістемесі. Зерттеудің негізгі әдістемесі зерттеу нысанына параметрлеу әдісін қолдану.

Зерттеудің теориялық құндылығы. Импульсты шеттік шартты нтегралдық –дифференциалдық теңдеулер жүйесіне параметрлеу әдісі қолданылды.

Параметрлеу әдісі арқылы интегралдық–дифференциалдық теңдеулер жүйесі үшін импульсты шеттік есебінің шешімін табудың алгоритмдері құрылып және оның жинақтылығы көрсетілді.

Интегралдық–дифференциалдық теңдеулер жүйесі үшін импульсты шеттік есебінің бірмәнді шешілімділігінің шарттары фундаменталды матрицасы негізінде алынды.

Интегралдық–дифференциалдық теңдеулер жүйесі үшін импульсты шеттік есептерінің корректілі шешілімділігінің шарттары алынды.

Зерттеудің ғылыми жаңалықтары. Интегралдық –дифференциалдық теңдеулер жүйесі үшін импульсты шеттік есебіне параметрлеу әдісі қолданылды.

Фундаменталды матрицасының көмегі арқылы жүктелген интегралдық–дифференциалдық теңдеулер жүйесі үшін импульсты шеттік дербес бір жағдайының бірмәнді шешімділігінің қажетті және жеткілікті шарттары алынды.

Жуықтаушы жүктелген дифференциалдық теңдеулерінің көмегі арқылы параметрлі интегралдық–дифференциалдық теңдеулер жүйесі үшін импульсты шеттік есебінің корректілі шешілімділігі орнатылды.

Зерттеудің практикалық мәні. Импульсты шеттік шартты интегралдық-дифференциалдық теңдеулердің бірмәнді шешудің конструктивті тәсілдерін қолдану.

Қараша айында Ақтөбеде өткен «Дифференциалдық теңдеулер, анализ және алгебра мәселелері» VIII халықаралық ғылыми конференцияға тезис ұсынылып, баспадан шықты.

Өзіміздің Қ.А.Ясауи атындағы ХҚТУ баспасынан мамыр айында жарық көрген «Қ.А.Ясауи атындағы Халықаралық қазақ-түрік университетінің хабарлары» журналында «Импульсты шеттік шартты интегралдық-диференциалдық теңдеулер жүйесін шешудің параметрлеу әдісі» атты мақала баспаға шықты.

Ғылыми еңбектерінің тізімі Бектемір Береке Орынбасарқызы

Атауы

Жұмыс сипаты

Баспа, журнал, атауы, нөмірі, жылы, беті

Көлем (б.т.)

Бірлескен автордық аты-жөні

Импульсты шеттік шартты интегралдық-дифференциалдық теңдеулерге параметрлеу әдісін қолдану

Тезис

VIII Халықаралық ғылыми конф. «Дифференциалдық теңдеулер, анализ және алгебра мәселелері»: Тез. Докл. -Ақтөбе, 2018. 131-133

Қ.Ы.Усманов