Математика және спорт сайыс сабағы 5-сынып

Жамбыл орта мектебі.

Пән мұғалімдері:.Олжабаева Г.У

Сынып: 5«А» және 5 «Б»

Тақырыбы: «Математика және спорт» сайысы.

Мақсаты:

Білімділік: Математика мен спортты байланыстыра отырып,

оқушылардың пәнге деген қызығушылығын арттыру және

спорттық ойынға деген көзқарасын, сүйіспеншілігін

қалыптастыру.

Дамытушылық:Оқушылардың зеректік қабілетін дамытып ой өрісін

кеңейту, логикалық ойлау қабілетін дамыту

Тәрбиелік: Өз мүмкіндігін дұрыс пайдалана алатын зейінді тұлғаны

тәрбиелеу.

Түрі: Спорттық ойын

Типі: топтық сайыс

Қажетті құралдар: тақырыптық сөздер, шарлар, ұлағатты сөздер,

Спорттық ойын құралдары, слайдтар.

Сабақтың барысы:

Топтың таныстыруы. (аты, ұраны, әні, төсбелгісі)

«Кім жылдам?» (эстафеталық жарыс стақанға су жинау арқылы, І топ «жай» және ІІ топ «құрама» сандарды жинау)

«Білгенге маржан» (скакалка тебу арқылы, логикалық есептер)

Есеп шешу. (футбол жарысы)

«Білекті бірді жығады,

Білімді мыңды жығады» (топ басылар сайысы)

«Бірлік болмай, тірлік болмас» (шығармашылық тапсырма, фигурадан түрлі бейнелер құрастыру)

«Ойымды жалғастыр» ( қапшықпен барып мақал-мәтелдерді жалғастыру)

«Сен білесің бе?» ( кеглидің арасынан өтіп барып тапсырманы орындау)

Бекіту, бағалау, марапаттау.

«Ақыл-ойды тәртіпке келтіретін математика, сондықтан да оны оқу керек».

С.М.Ломоносов

2. «Математиктердің өзіне тән тілі бар, ол формула» С.В.Ковалевская

3. «Арифметика – математиканың, ал математика – барлық ғылымдардың

патшасы» К.Гаусс

«Лобачевскийді үш нәрсе данышпандылыққа жетқізді, олар: дарын, жігер

және еңбек». М.Искаков

Мұғалім сөзі: Мінекей, залда тыныштық,

Естілмейді дыбыс түк.

Кешіккендерді тоспаймыз,

Ғылымдардың патшасы –

Математика жайында

Кешімізді бастаймыз.

1-жүргізуші: Сәлеметсіздер ме, оқушылар!

Нақты ғылымдарға қызығушылар.

Естігенін есте тұтып,

Оқығанын миға тоқушылар.

2-жүргізуші:Сәлеметсіздер ме, ұстаздар!

Айтар ойын тұспалдар.

Сіз оқытқан шәкірттердің,

Сәті келді сыналар.

1-жүргізуші: Есепті түрлі-түрлі шығарамыз,

Арасында ойын ойнап жарысамыз.

Ойға оралымды, қиын сұрақ бәрі де бар.

Әзіл есепті де жүзеге асырамыз.

2-жүргізуші:Олай болса, тұрмайық,

Кешімізді бастайық,

Әділқазы алқасымен,

Танысудан қашпайық.

Әділ-қазылар сайланады:

-Жамбыл орта мектебінің физика пәні мұғалімі: Қалиева Ажар Қуандыққызы

-Жамбыл орта мектебінің математика пәні мұғалімі: Қалиева Айжан Бүркітқызы

1-жүргізуші: Шын жүйрік шабасынан табылады.

Нақты білім, терең ой сыналады.

Баға берер әділқазы ортамызда

Сіздерге құрметпенен қол соғылады.

2-жүргізуші: Әділ-қазы, ақ қазыға бір сәлем,

Әділдікке бас иеді күллі әлем.

Жүйрік озар сайыстарда неше бір,

Сарапқа сап әділдікпен шеше біл.

«Жас қырандар» тобы.

І топ: Біз ешқашан қиындықтан қашпаймыз,

Сұрақтарды бірден шешіп тастаймыз.

Сендерді де айта алмаймыз нашар деп

Ал, ендеше, сайысуды бастаймыз.

Біздің ұранымыз: Қандай сынақ болса дағы беріспе,

Әрқашан да үміткерміз жеңіске!

Таныстыруы: - Біз тобымызды «Жас Ұландар » деп атаған себебіміз:

Біздің ұранымыз: Жарыс десе жанамыз,

Бүгінгі күн жарыста, алғырлықпен аламыз!

1-жүргізуші: Бүгінгі кешіміздің тақырыбын «Математика және спорт» деп алып отырмыз.

2-жүргізуші: Кешіміздің барысында математика мен спорт тығыз байланыста болып, екі жақты ұпай беріліп отырады.

1-жүргізуші: Олай болса:

2-жүргізуші: Кешімізге қатысыңыздар! Қолдаңыздар!

1-жүргізуші: Есептен шет қалмаңыздар!

2-жүргізуші: Ойынды да ойнаңыздар,

1-жүргізуші: Жайбарақат қалмаңыздар!

2-жүргізуші: Мықты болсаң – алдағыны басып оз,

Мықты болсаң – арттағыны жеткізбе.

Мықты болсаң – тайғанама көк мұзда,

Мықты болсаң – бөгеттерді бұзып өт.

Мықты болсаң – заманыңды көктеп өт - дей отырып, алғашқы сайысымыз «Кім жылдам?» эстафеталық жарысын бастауға рұқсат етіңіздер

Ойын шарты: Мензуркаға су жинау арқылы І топ «жай» сандарды ІІ топ «құрама» сандарды теріп жинайды. Ойын осылай жалғаса береді. Мензуркадағы судың көлеміне ұпай беріледі. (1 ұпай)

Жай сандар: 2, 7,11, 17, 19, 23, 29, 37, 43, 41, 47, 59, 61, 97

Құрама сандар: 4, 9, 12, 15, 25, 28, 26, 32, 36, 38, 44, 46, 49, 50, 72, 90

1-жүргізуші: Олай болса, тұрмайық,

Ойынымызды бастайық-дей отырып екінші сайысымыз

«Білгенге маржан» деп аталады.

Ойынның шарты әр топ оқушылары кезектесіп скакалка теуіп барып логикалық тапсырмаға жауап береді. (1 ұпай)

І - топқа

7 майшам жанып тұр, 4-уін сөндірсек неше майшам қалады?(4)

Алманың жартысы неге ұқсайды? (өзінің жартысына)

Үш сызықтан пайда болған фигура?(үшбұрыш)

1/10 санының кері саны? (10)

Бес жарым таяқтың неше ұшы бар?(12)

Жарты түзу. (сәуле)

Қай ыдыстан тамақ ішуге болмайды. (бос ыдыстан)

Тікбұрыштан кіші бұрыш (сүйір)

Біршоколадты 100 теңгегесатыпаламыз.1,5 шоколадты неше теңгеге сатып алуға болады. (200)

Бөлменің 4 бұрышында 4 мысықотыр. Олардың әрқайсысына қарсы 3 мысықтан отыр. Бөлмеде неше мысық отыр?

ІІ топқа:

Шеңбер сызуға арналған құрал (циркуль)

Үстелде 3 стақан сүт бар.Алмаз бір стақан сүтті ішіп қойды. Үстелде неше стақан бар? (3)

Нанды үш бөлікке бөлу үшін, нанды неше реет кесу керек?

Қабырғалары толықтауыш сәулелер болатын бұрыш (жазыңқы)

86 санын еш амал қолданбай 12-ге арттыр. (98)

Қатар тұрған үш санның қосындысы да көбейтіндісі де 6-ға тең. Ол қандай сан? (1,2,3)

70 мин көп пе, әлде 1 сағ 10 мин көп пе? (тең)

Екі нүктенің арасындағы түзу (кесінді)

Миллиард санын жазғанда неше нол керек(9)

Кері сандардың көбейтіндісі (1)

2-жүргізуші:

«Есептер шешу» сайысы.

Ойын шарты: Бұл сайыста әр топтың оқушылары футбол добын аяғымен теуіп барып, есеп шығарады. (есептің дұрыстығына 1 ұпай, жылдамдыққа 1 ұпай)

Жүргізуші: Келесі сайысымыз «Білекті бірді жығады, білімді мыңды жығады» демекші топ басшылар сайысы. (2 ұпай)

Топ басына тиісті.

Оның әрбір істері,

Өз ісінің жемісі.

Онда неге тұрамыз.

Қолға алайын сол істі.

Топ басының өз ісі

Білімділігіне тиісті

Жүргізуші : Байқаймыз, басымызды шайқаймыз, демекші мұнда екі топ «Сен маған, мен саған» сайысында фигуралардан әр түрлі бейнелер құрастырады. (шығармашылық тапсырма, әр фигураға 1-ұпайдан)

1-жүргізуші: «Ойымды жалғастыр» .

Ал, балалар, балалар.

Мақал – мәтел айтайық.

Асулардан асайық,

Білім шыңына біз жетейік.

Кедергіні жеңейік.

Ойын шарты: қапшықпен секіріп барып мақал-мәтелді жалғастыру.

М А Қ А Л – М Ә Т Е Л Д Е Р

2 жақсы қас болмас,...... 2 жаман дос болмас.