Математикада білім сапасын ойынмен дамыту тәрбие сағаты

Математика

сабағында оқушылардың білім сапасын ойын түрлері

арқылы дамыту

(Әдістемелік құрал)

Ы.Алтынсарин бастауыш мектебінің бастауыш сынып мұғалімі – Байұзақова

Сандуғаш Айтбекқызы

Түсінік хат

Бүгінгі таңда білім беру саласында білім алушыларға көп мөлшерде білім беру,сол білімді қолдана алуына назар аударып отыр. Сондықтан бастауыш сыныптардың математикасы мектептің негізгі сатысындағы математика курсының ажырамас бөлігі болып табылады. Өздігінен білім алуға және еңбекке бейімдеу,сондай-ақ ата дәстүр,әдет-ғұрып,салт-сана халықтық және ұлттық болмысты жалпы адамзаттың мәдени мұраларымен үндестіру арқылы баланы тұлға ретінде қалыптастыру;

-Оқушының ақыл-ойының математикалық стилін,интеллектуалдық және ерік пен сезімге қатысты сапаларын дамыту;

-Мектептің негізгі сатысында оқуға,меңгерген математикалық білімдерін өмірде қолдануға жан-жақты дайындауды жүзеге асыру.Осы мақсаттарда сәйкес математиканы оқытудың мынадай жалпы міндеттері айқындалады.

-Баланың тұлға ретінде қалыптасуына,оқушының ақыл-ойын дамытуға,интектуалдық және ерік пен сезімге қатысты белсенділігін қалыптастыруға мүмкіндік туғызу;

-Математиканың өмірде болып жатқан нақты құбылыстарды жалпылауға және қоршаған болмысты танып-білуге көмектесетін ғылым болып табылатыны туралы түсініктердің қалыптасуына ықпал ету.

-Оқушының өмір сүруіне және мектептің келесі сатысында оқуын жалғастыруы үшін қажетті білім,білік және дағдыларды қалыптастыру;

Бұл әдістемелік құралда оқушылардың ой-өрісін кеңейту,шығармашылығын,қиялдау қабілетін дамыту,оқытудың өмірмен байланысын нығайту мақсатындағы қосалқы әдістемелік құрал ретінде ойын арқылы есептер құрастырып шығаруды ұсынамын.

«Дұрыс оқы!» ойыны

Ойынның мақсаты: Оқушылардың ойын элементтерін пайдалана отырып,білімдерін тиянақтау.

Санның құрамы,амалдардың қасиеті туралы ой-өрісін дамыту.

Байқампаздыққа тәрбиелеу.

1.Тірек білімді пайдалану. Ауызша жаттығулар. «Мысалдар тізбегі» ойыны. Мұғалім мысалдар айтады.(5+4). Балалар оны ауызша орындайды, ал тақтаға шығарылған бала жауапты емес,осы саннан басталатын мысалды айтады.Мысалы 5+3, 8-5, 9+10 және т.б. II. Математикалық диктант. Мұғалім тапсырмаларды оқиды,оқушылар жауабын ғана жазады. -Ағашта 5 қарға отыр,тағы 2 қарға ұшып келді.Ағашта барлығы қанша қарға болды? -Шыршаның қылқандары 12 жыл, қарағайдың қылқандары одан 10 жыл кем тіршілік етеді. Қарағайдың қылқандары неше жыл тіршілік етеді? -Сәуледе 2 алма болды,оған тағы бірнеше алма берді. Осыдан кейін Сәуледе барлығы 8 алма болды. Сәулеге неше алма берді? III. «Дұрыс оқы!» ойыны. Балаларға қосу және азайтуға берілген өрнектер жазылған тірек қағаздар беріледі.Мұғалім олардан өрнектерді дұрыс оқып,сонан соң нәтижесін атауды сұрайды. Келесі сабақтарда бұл жұмысты түрлендіріп,балаларға бір-біріне сұрақ қойғызуға болады (мәселен,.....сандарының қосындысын тап,........сандарының айырмасын тап т.б.) IV. Тапқырлыққа тапсырма.

Ребустар

«Қазақстан қалаларына саяхат» ойыны

Ойынның мақсаты: Оқушылардың сандар қатарын , санның құрамын , қосу және азайту амалдарының мағынасы туралы білім , білік дағдыларын тиянақтау . Ойлау , есте сақтау қабілеттеріне және сөйлеуге дағдыландыру . Оқушы бойына адамгершілік қасиеттерін енгізу Көрнекіліктер : мысалдар жазылған карточкалар