Математикадан 7 сыныпқа арналған ашық сабақ

Математика апталығының қорытынды кеші.

7- сыныптар

Математикалық кештің өткізілу жоспары:

Залды безендіру

Қабырға газеттері

Математикалық плакаттар

Музыка (математикалық билерге лайық)

Оқушылардың костюмдері

1-жүргізуші

-Уа,халайық,халайық,

Бәріңе жар салайық.

Бүгінгі кеш төрінде

Дарындылар елінде

Тапқыштардың тілінде,

Есеп шешіп жарысып

Жұмбақ шешіп аңдысып.

Шабыт тасып шалқысып,

Есеппенен ән салысып.

Көңілді кеш жасайық

Жұмбақ шерді шашайық

Ат салысып аянбай

Бар өнерге басайық.

1-жүргізуші

Асып әсте саспайық

Батыл қадам бастайық

Еркіңді билеп барынша

Жарыста сірә,қалыспа

Кеш қызығын ей, достар.

Осылайша шабытпен

Кәне енді бастайық.

2-жүргізуші

Мұнда қызық табылар

Жаңылтпаш,жұмбақ бәрі бар.

Айтыс,тартыс тағы бар

Сөз жұмбақ та,сан жұмбақ.

О-о-ой,бір қызық кеш болар,

Өздеріңмен бес болар.

2-жүргізуші

Құрметті ұстаздар,оқушылар!

Сонау-сонау алысқа,жүзсін десең кемелер,

Тылсым сырлар ғарышқа,ұшсын десең денелер,

Жасау үшін бәрін де

Математика- ғылым бұл,

Сондықтан да,сондықтан сол ғылымның тілін біл!-дей келе, математика пән апталығының « Математика ғылымдардың патшасы» деп аталатын қорытынды кешіне қош келдіңіздер

Жасымда ғылым бар деп ескермедім,

Пайдасын көре тұра тексермедім.

Ер жеткен соң түспеді уысыма,

Қолымды мезгілінен кеш сермедім,- деп Абай атамыз айтқандай, бугінгі кешімізді бастаймыз

Ал, қанеки, балалар!

Анықтап қарап алыңдар.

Ерекшелігін хан елінің

Қорықпай кәне атаңдар!

Оқушылар жауабы:

Бұл үшбұрыштың барлық қабырғалары тең.

Барлық бұрыштары тең.

Сондықтан бұл үшбұрыш теңқабырғалы үшбұрыш деп аталады.

Үшбұрыш төбелеріне қойылған үш әріппен белгіленіп, оқылады. Мысалы: АВС

Ертегіші атай:

-Ой, бәрекелді, өте дұрыс айттыңдар. (Бір үшбұрыш келе жатады).

Ертегіші атай:

Ал мынау- ханның үлкен ұлы

Әрқашанда болған жолы.

Қасиетімен бұл жігіттің

Танысамыз осы жолы.

Тең бүйірлі үшбұрыш:

-Менің атым- тең бүйірлі үшбұрыш, себебі екі бүйір қабырғам тең, үшінші қабырғам- табаным. Менің қасиетім табанымдағы бұрыштар тең болады. Сенбесеңдер, дәлелдейін. (сахнаға әкелініп қойылған тақтаға жазып, дәлелдеп береді). (сахнаға ақсай басып бір үшбұрыш шығады).

Ертегіші атай:

Қиқайған мынау кім өзі?

Қайдан ғана жүр еді?

Әр қабырғалы үшбұрыш:

-Мен ханның екінші ұлымын. Менің атым- әр қабырғалы үшбұрыш. Себебі қабырғаларымның ұзындықтары әр түрлі. Жүру қиын болғандықтан, көзге көп түсе бермеймін.