Математикадан есептер шығаруға арналған сабақ жоспары, 3 сынып

Математика 3-класс

Сабақтың тақырыбы:Есептерді шығару

Сабақтың мақсаты:Оқушылардың қозғалыс есептерін дұрыс түсініп, екі таңбалы санға бөлу, көбейту амалдарын, есепті дұрыс шығаруға, теңдеуді дұрыс шешуге үйрету, есепке қызығушылығын арттыру, дамыта оқыту.

Білімділігі:Сұрақты дәл қойып,оның шартын түсініп, орындау амалдарын білуге, көп таңбалы сандарды бөлу, көбейту ерекшеліктерін ажырату.

Тәрбиелілігі:Оқушыларды берілген ситуациялар арқылы жеке тұлғасын қалыптастыру, оқушының қиялын дамыту, ойлау қабілетін арттыру.

Сабақтың түрі:пресс-конференция сабағы.

Әдісі:сұрақ-жауап, баяндау, талдау, дәлелдеу, зерттеу, пән байланысы.

Көрнекілігі:есептің шартына берілген суреттер, плакаттар, түрлі мақал-мәтелдер, техникалық құралдар.

Сабақтың барысы:

І.Ұйымдастыру.

ІІ.Сабақты хабарлау.

а\Кіріспе сөз \мүғалім\.

Мұғалім:

Сабақты, конференцияны жүргізуші Айгүл Жұмагелдіқызы \кластың үздік оқушыларының бірі\.

Айгүл:

Ханымдар мен мырзалар! Сіздермен, тілшілермен, мұғалімдермен, оқушылармен, халықпен кездесуге, сұхбаттасуға болашақ мырзалар келіп отыр.Жақында жаңа мыңжылдыққа есігімізді ашып, жаңа жылда жаңа мыңжылдыққа ел болып, халық болып аттандық.Осы мерекемен сіздерді құттықтаймын.Еңбектеріңізге табыс тілеймін.

Бейнеті мен зейнеті,

Ырыс болып құйылған,

Маржаны мен меруеті,

Туған елге бұйырған.

Сіздердің алдарыңызда Хромтау ауданының болашақ әкімдігінен үміткер Медет мырза. Қол соғу.

Болашақ сенде комбинат,

Боласың елге қадірлі.

Сол үшін еңбек етіп сен,

Аяма жалғыз жаныңды.

Дөң кен байыту акционерлік қоғамының директорлығынан үміткер Назымгүл Арыстанғалиқызы келіп отыр.Қол соғу.

Игілік іске нұсқадың,

Үнгіңді берік ұстадым.

Ақкөңіл ізгі қамқоршы,

Ақылшым менің ұстазым!

Аудандық білім бөлімінің бастығынан үміткер Нұржан мырза келіп отыр.Және де оқушылар, тілшілер, қонақтар отыр.

Осы жиналған үміткерлер, осы келген жаңа жылға өз ойларыңыз, халықты қандай жаңалықтар күтіп отыр, өздеріңіздің биылғы жылға жоспарларыңыз туралы айтып өтсеңіздер.

Сөз кезегін Медет мырза, сіз бастаңыз!

Рахмет, Айгүл дұрыс айтасыз, осы жаңа жылда алдымызда сіз болып, біз болып көп жұмыстар күтіп тұр.Бүгін мені орталарыңызға шақырып, ортақ еліміздің мүддесіне ортақтасып ой толғағандарыңызға рахмет.

Енді,негізінен күрделі мәселе ауыл шаруашылығы ғой.Міне, сол жұмыс қазірден басталуда.Біздің жеріміз егін егуге өте қолайлы.Халық жақсы жұмыс істеуі үшін әуелі нан керек.Сондықтан біз көктем шыға егін егу қамына кірісеміз.Ол үшін есепті жақсы білуіміз керек.

Қабырғасы 500 м шаршы егістіктің ауданын табайық.

Әр гектарға шашуға 1 ц. Астық кетсе, 25 гектарға неше ц.астық керек?

5кг бидайдан 4кг ұн шығады.100 кг бидайдан неше кг ұн шығады?