Математикалық сауаттылық авторлық бағдарламасы 6 сынып

ҚАЗАҚСТАН РЕСПУБЛИКАСЫНЫҢ БІЛІМ ЖӘНЕ

ҒЫЛЫМ МИНИСТРЛІГІ

Қоқымбай Шолпан Мышанқызы

«Математикалық сауаттылық» тақырыбында 6-сыныптың факультативтік курсына арнап жазылған

АВТОРЛЫҚ БАҒДАРЛАМА

УДК 511.1 ББК 22.131 Рецензент: «Өрлеу» біліктілікті арттыру Ұлттық орталығы Нұр-Сұлтан қаласы бойынша педагогикалық қызметкерлердің біліктілігін арттыру институты, Білім беру процесін педагогикалық-психологиялық қолдау кафедрасының ЖБМ тренері, аға оқытушы Ф.Б. Ғалымжанова Математикалық сауаттылық // құрастырушы автор: Ш.М.Қоқымбай – Алматы облысы, математика пәнінің мұғалімі, 2021. – 54 б. ISBN 978-601-4500-13-3

Құрастырушы автор 6-сыныпқа арналған «Математикалық сауаттылық» атты факультативтік курс бағдарламасын оқушылардың жас ерекшелігін ескере отырып жасаған. Бағдарлама 34 сағатқа негізделген және мемлекеттік білім беру стандартына сай жазылған.

УДК 511.1 ББК 22.131 «Инновация» Оқу-әдістемелік Орталығының 2021 жылғы 15 маусымдағы №1 хаттамасына сәйкес сараптау комиссиясының шешімімен баспаға ұсынылды. ISBN © «Инновация» баспа үйі, 2021 978-601-4500-13-3

ҚАЗАҚСТАН РЕСПУБЛИКАСЫ «ИННОВАЦИЯ» ОҚУ- ӘДІСТЕМЕЛІК ОРТАЛЫҒЫНЫҢ

БАСПАСЫНА ҰСЫНЫЛДЫ

Рецензент: «Өрлеу» біліктілікті арттыру Ұлттық орталығы Нұр-Сұлтан қаласы бойынша педагогикалық қызметкерлердің біліктілігін арттыру институты, Білім беру процесін педагогикалық-психологиялық қолдау кафедрасының ЖБМ тренері, аға оқытушы Ф.Б. Ғалымжанова Құрастырушы автор: Қоқымбай Шолпан Мышанқызы Алматы облысы Райымбек ауданы Албан Асан Барманбекұлы атындағы орта мектеп гимназиясы МДШО коммуналдық мемлекеттік мекемесінің математика пәнінің мұғалімі

© «Инновация» баспа үйі, 2021 жыл

Түсінік хат

«Математикалық сауаттылық» курсы 6-сынып оқушыларының математикалық сауаттылығын қалыптастыру үшін және болашақтағы бейіндік оқуға алдын ала дайындау үшін математикалық есептерді мейлінше логикалық тұрғыдан қарастыру арқылы оқушылардың ойлау қабілеттерін дамытуға арналады. Курсты құрастыруда оқушылардың жас ерекшеліктері мен қызығушылықтары ескерілді.

Курс математиканың базалық курсын кеңейтеді және оқушыларға математиканың практикалық құндылығын сезінуге, өздерінің математикалық қабілеттерін тексеруге, оқушылардың танымдық белсенділігін қанағаттандыруға мүмкіндік береді.

Курста қарастырылатын сұрақтар негізгі математикалық курспен тығыз байланысады және бұл таңдау курсы мектеп бағдарламасында көрсетілген маңызды математикалық білім мен дағдыларын жетілдіруге және дамытуға әсер етеді.

Ұсынылып отырған курс бұрынғы алынған бағдарламалық білімдер жүйесін дамытуға бағытталған. Математиканың әлемдегі рөлін анықтау және түсіну, әр түрлі формада берілген сандық ақпараттарды оқу, талдау, түсіндіріп беру дұрыс негізделген.

Курс оқушыларға қарапайым және белгілі математикалық есептеулердің өмірдегі кең қолданысын көрсетеді. Есептер шығару кезінде химиямен, физикамен, экономикамен пәнаралық байланыс айқын көрінеді, бұл оқушылардың оқу мотивациясын көтеруге, математикалық сауаттылықтарын нығайтуға мүмкіндік береді. Сонымен қатар курс мазмұны әрбір оқушыға оқу- танымдық үдеріске белсенді түрде енуге және функционалдық сауаттылықтарын нығайтып, өзін-өзі жоғары деңгейде көрсетуге мүмкіндік береді.

Курстың мақсаты:  оқушылардың математикалық және логикалық есептеулер

туралы біліктерін өмірлік тәжірибені әр түрлі мәселелер спектрімен байыту есебінен кеңейту;  болашақ оқу бейінін дұрыс сезініп таңдауға әсер ету;  математикалық сауаттылығын нығайту арқылы құзіреттілік

деңгейлерін көтеру.

Курстың міндеттері:  алған білімдерін іс жүзінде пайдалана білуге үйрету;  ізденімпаздық, шығармашылық қабілеттерін дамыту;  математикалық білім, білік дағдыларының белгілі жүйелерін меңгерту;  ізденушілік, зерттеушілік жұмыстарын ұйымдастыру;  әртүрлі әдістермен логикалық есептерді шешуге үйрету;  есептердегі олардың практикалық маңыздылығын көрсету.

Курстың өзектілігі: Оқушылардың функционалдық математикалық сауаттылығын қалыптастыра отырып, математикалық және логикалық есептерді өз бетімен шығара алатын қабілеттерін қалыптастыру.

Курстан күтілетін нәтиже:  өз бетінше есеп шығарудың сан қилы жолын іздестіреді;  өз бетінше білім алу дағдыларына негіз салады;  математикалық білім деңгейлерін тереңдетеді;  өмір мен қоғамға аса қажетті мәселелерді математика ғылымына тән жан-жақты талдайды;  қоғамдық прогрестің дамуы үшін жалпы адамзат мәдениетінің бір бөлігі болатын математиканың маңызын түсінеді.