Математиканы түсінуге арналған ғылыми жұмыс

«Математика — қиын!» деп бірінші рет айтылып тұрған жоқ. Бұған дейін талай талқыланған. Әркімдер математика пәнін игерудің әр қалай жолдары мен әдістерін ұсынған. Қазіргі өмір ағыны, ғы-лым мен техниканың әр салаға бойлап енуі математиканы білуді бұрынғыдан да қажет етіп отыр. Ал ғалымдар математиканың араласуынсыз өндіріс пен ғылым, техника және тұрмыс келешегін елестету қиын деседі.

Кез-келген пәнді қызығып оқу керек. Мен есепті жақсы көремін. Математи-ка — өмірімізге қажетті, пайдалы да қызық пән. Өйткені болашақта жоғары оқу орнына түскенде, жұмысқа кіргенде керек болары сөзсіз. Барша мамандық иесіне математиканың орны зор. Меніңше, формулалардың бәрін оқып, есте сақтасаң, математика ең оңай пән болып шығады. Оны кішкентай кезінен бастап мұқият оқу керек. Көбісі білмей жас кезінде дұрыс оқымай, кейін өкінеді. Сондықтан қазірден бастап жақсы оқығанымыз дұрыс деп ойлаймын. Бүгінгі күн талабында математиканы білмей өмір сүру мүмкін емес.

Ойлап отырсам, маған бірінші сыныптан бастап жақсы оқу керек еді. Қазір сыныпта өткен сабақты түсінуге тырысамын. Ал үйде неше қайталап оқығаныммен математиканы түсінуім қиындау. Өйткені оқулықтың тілі ауыр, ұғу өте қиын. Сосын «математика тілін неге қазақтың қара сөзімен — жатық тілмен жазбасқа не аудармасқа» деген ой мазалайды. Осы жағына қатты назар аударылса. Мен болашақта сәулетші болғым келеді. Үйдің жобасын сызғанда геомет-рияны білу керек. Сол себепті математиканы жақсы оқуға тырысамын.

Ма-тематиканың қиындығы, меніңше, кітапта. Өйткені олардағы ереже, анықтама мен теоремалар өте күрделі жазылған. Кейде бірі тақырыптың мысалдары бір бөлек те, есептері басқаша болып келеді. Бір мысалды, не болмаса түгел кітапты аударғанда қисапсыз қателер кетіп жатса, онда біз математиканы қалай меңгерміз? Теоремалар түсініксіз болып келеді. Біз оны мұғалімнің қысқаша айтуымен ғана түсінеміз. Ал жақсы түсінсең, математика қиын емес.