Мейірімділік асыл қасиет тәрбие сағаты 4-сынып

«№ 2Қашар орта мектебі» КММ

Тәрбие сағаты:

«Мейірімділік-асыл қасиет»

4 «Ә»сынып жетекшісі: Сәбденбекова Ұ.Ж.

2017-2018 оқу жылы

Күні:08.02.18ж

Мұғалім: Сәбденбекова Ұ.Ж

Тәрбие сағаты 4 «Ә» сынып

Сабақтың тақырыбы: «Мейірімділік-асыл қасиет»

Мақсаты:

Білімділік:Оқушылардың мейірімділік, қайырымдылық туралы түсініктерін кеңейту. Балаларды мейірімді болуға, қайырымдық көрсетуге дағдыландыру.

Дамытушылық: Мейірімділікті білу іскерлігін дамыту.

Тәрбиелік: Қамқорлық жасауға жетелеу, мейірімділікке тәрбиелеу.

Міндеттері:

-мейірімділіктің адам өміріндегі маңыздылығын түсіндіру;

-өзара сыйластық қарым-қатынастарын дамыту;

-мейірбандылыққа тәрбиелеу.

Әдісі: Түсіндіру, сұрақ –жауап,әңгімелеу.

Көрнекі құралдар: слайд,нақыл сөздер,плакаттар.

Сабақтың барысы: Ұйымдастыру кезеңі:

Оқушылардың назарын сабаққа аудару; психологиялық дайындық; шаттық шеңбері, сәлемдесу.

Топқа бөліну :

1-топ. Қайырымдылар.

2-топ. Мейірімділер.

Мұғалім: -Саламатсыздар ма құрметті оқушылар !Бүгінгі біздің тәрбие сағатының тақырыбы «Мейірімділік-асыл қасиет». Адамның жақсы қасиеттерінің бірі мейірімділік туралы әңгімелесеміз. Адамдардың бір-біріне деген мейір шапағаты -әдептілік белгісі , сол туралы білеміз.

Тыныштық сәті (Үнтаспадан арнайы әуен естіледі) Балаларға мейірімділік сезімін сезіну мақсатында тыныштық сәті ұйымдастырылады.Мұғалім: Балалар, көзімізді жұмып, біраз демалып жақсы істерді көз алдымызға елестетейік. Біз қазір керемет, әрі сиқырлы, мейірімділік пен сүйіспеншілікке, ізгілікке толы әлемге саяхат жасаймыз.Бұл әлемнің ауасы тым таза, жұпар иісті. Бәріміз сол әлемге қарай қадам басайық. сүйспеншілік, мейірімділік, ізгілік нұры бізге қонып, жан – дүниемізді осы жақсы сезімге толтырады. Адамдар бір – біріне тек жақсылық, қуаныш, ізгілік сыйлап жатса, қандай жақсы болар еді!Қайтатын уақыт жетті, сиқырлы әлеммен қоштаса отырып, мейірімділік нұрын өзімізбен бірге ала кетейік. Енді балалар көздеріңді ашыңдарМұғалім: Адамдар бір-біріне жылы сезімін білдіріп, тек жақсылық ойлау, игілік жасау арқылы мейірімділік таныта алады.

«Өзін-өзі тану» курсы адамға өзін-өзі анықтауға, жақсы қасиеттерін ашуға, өзіне адалдыққа, өзінің абыройын сақтай отырып үнемі Адам, осы сөздің толық мағынасында, болып қалуға көмектеседі.

Сара Алпысқызы Назарбаева

Абайдың 14 сөзімен таныстыру

«Мейірімді адам» бойындағы қасиеттерді атап өтсек: жақсы адам, ақкөңіл, жаны таза, шыдамды, рақымшыл, жылы жүректі. Енді осындай адам деп кімді айтар едіңдер?

— Әрине мейірімді жандардың қатарында ең бірінші біздің аналарымыз тұрады екен.

— Адамзат ненің,кімнің мейіріміне бөленген?

— Күн, табиғат, ана, ұстаз, дәрігер және тағы басқалардың мейіріміне бөленеді. Ендеше мына сұрақтарға жауап беріп көрейікші:

«Мейірімді адам» дегенді қалай түсінесіңдер? Қандай адамды мейірімді адам деп айтасыңдар? Балалардың жауаптары тыңдалады.

«Мейірімділік шуағы» сөзін топтастыру(Тақтаға оқушылар осы сөздің мағынасын ашатын сөздерді қойып шығады)

Мейірімділік,қайырымдылдық сөздерін топтастыру : жарастық,махаббат,шыдамды,

рақымшыл,ынтымақ,бауырмалдық,жылы жүректі,сүйіспеншілік ,қамқорлық ,достық, жақсы адам, ақкөңіл, жаны таза ,бірлік.

Оқушылардың мейірімділік туралы өлеңдері.

«Мейірімділік» өлеңін оқу: