Мейірімділік пен әдеп тәрбиесі сағаты, 7–11-сынып

Өткізген Жамантаева Ж.Ү. Күні : 22.05.

Өтілетін орны : мектептің мәжіліс залы .

Тақырыбы : Мейірімділікті анадан, әдептілікті данадан үйрен

Мақсаты : оқушылардың бойында адамгершілік құндылықтарды, адамға , бір- біріне деген құрмет сезімін қалыптастыру,танымдық , шығармашылық қабілеттерін дамыту, ойы- орамды, тілі бай, мәдени өрісі кең, адамгершілігі жоғары, ұлтын, Отанын сүйетін қазақы азамат етіп тәрбиелеу.

Қатысушылар : ата-аналар(20 адам ), мұғалімдер , 7- 11 сынып оқушылары (30 оқушы), қонақтар

Түрі : тәлім сағаты

Әдісі : топтық жұмыс, талдау , пікірлесу, сахналау ,сын тұрғысынан талдау, ойтолғау

Көрнекілігі : сурет және қолөнер көрмесі , «Әке өсиеті» аудиожазба, бейнехабарлар, ұлттық үй жиҺаздары, қанатты сөздер :

«Мейірімділік махаббат ,қайырымдылық, адалдық секілді ақ жүректен шығады »

Шәкәрім

«Кір тигізбей ұста ойыңның өресін, мейірім етсең – мейірімділік көресің»

Ж. Баласағұн ,

Баннер, түрлі – түсті шарлар, шаңырақ , түрлі түсті мата ,оқушылар қолымен жасалған гүлдер, адам сұлбасы .

Барысы : Ұйымдастырылуы. Сахнаны безендіру. Қонақтарды қарсы алып, орналастыру.

1 апта бұрын 7-11 сынып оқушыларына топтық тапсырма беріледі (тақырыпқа сай шағын 3-4 минуттық хабар түсіру).

Ата-аналарға шақыру билеті беріледі.

4 сынып оқушыларының әдеби монтажы.

Мейірімділік – адамның өзге біреуге жылылығын, ізгі ниеті мен лебізін білдіру көрінісі . Мейірімділік адамдар арасындағы сыйластық, кең пейілділік, жанашырлық, ізгі ниет секілді қасиеттерге негізделеді. Мейірімділік адамның жоғары адамгершілік белгісі ретінде оның бүкіл тыныс- тіршілігін, жан дүниесін жадырататын , шат -шадымен тіршілігі үшін қажетті аса маңызды қасиеттің бірі болып саналады. «Мейірімділік махаббат , қайырымдылық, адалдық секілді ақ жүректен шығады » деген екен ойшыл ақын Шәкәрім. Қазақтың дәстүрлі әдеп жүйесінде мейірімділік адамдар арасындағы адамгершілік, ізгілік пен ізеттілік, имандылық пен инабаттылық секілді асыл қасиеттермен үндестік тапқан. Жүсіп Баласағұн «Кір тигізбей ұста ойыңның өресін, мейірім етсең – мейірімділік көресің» деп, мейірімділікке зор мән берген. Әдеп әлемі, әсемдік , мейірімділік дейміз бе- қай-қайсысы да мәдениет деп аталатын үлкен өзен , көлге , теңізге барып құяды.

Қайырлы күн , құрметті қонақтар, ұстаздар , оқушылар! Ендеше «Мейірімділікті анадан, әдептілікті данадан үйрен» тақырыбындағы тәлім сағатымызды бастауға рұқсат етіңіздер! Ең алдымен…