Мейірімділікті табиғаттан үйренейік ашық сабағы

Тақырыптық сабақ

«Мейірімділікті табиғаттан үйренейік»

Орындаған:Кенжебаева А.

Тексерген:Танжарикова Ж.

Сабақтың тақырыбы: «Мейрімділікті табиғаттан үйренейік»

Мақсаты: «Табиғат»туралы түсінік беріп,табиғатқа қамқорлық жасау туралы түсініктерін кеңейту

Міндеттері: -«Қамқорлық» туралы түсініктерін кеңейту;

-Жағымды қарым-қатынас дағдыларын дамыту;

-Туған жердің табиғатына деген сүйіспеншілікке тәрбиелеу;

Көрнекі құралдар: Табиғат суреттері.

Шаттық шеңбері

-Балалармен бірге төмендегі өлең жолдарын қайталау:

Армысың, шапағатты күніміз!

Армысың, мейірімді жеріміз!

Армысың, табиғат анамыз!

Келді Сізге өзіңіздің балаңыз.

Әңгімелесу

Балалар мен сендерге Ә.Ысқақ ағамыздың «Табиғат деген не?»ертегісін оқып берейін.

-Табиғат деген не?-деп сұрады кішкентай шабақ.

-Табиғат дегеніміз-телегей теңіз су,-деді бақа.

-Табиғат дегеніміз не?-деп сұрады аюдың қонжығы.

-Мен,талай жерде болғанмын,менде білемін, ол-орман,-деді енесі.

- Табиғат дегеніміз не?-деп сұрады бота енесінен.

-Ол көп құм,тікенек шөп.Талай жерде болған менде білемін.

-Табиғат деген не деп сұрады тоқылдақ қарлығаштан.

-Әрине,таза ауа,ашық аспан,дәнді дақылдар.

Әрине,бәріміздің асыраушымыз,анамыз-Жер-Ана,Табиғат-Ана,десті барлығы бір дауыспен.

Сонымен, балалар Табиғатқа не жатады екен?

Неліктен табиғатты Анаға теңейміз?

Тыныштық сәті: Үнтаспадан жағымды табиғат дыбыстары естіледі.

-Балалар,ыңғайлана отырып,көздеріңді жұмыңдар.Көз алдарына туған жерлеріңді оның әсем табиғатын елестетіңдер.Ауаны терең жұтып еркін тыныс алыңдар.Өздеріңнің тыныс ауаларыңды бақылап,бақыт пен тыныштыққа толы таза шипалы ауаның тұла бойларыңа толғанын сезесіңдер.

Енді көзімізді ашайық.

Ойын. «Мен табиғаттан не үйрендім?»

Балалар,мына «табиғат бөлшектері» көрсетілген суреттерге қарап,олардан не үйренетінімізді айтайық.(Күн, құс,көбелек,су,жер суреттері)

-Мен күннен мейірімділікті үйрендім.

-Мен құстардан ән салуды үйрендім.

-Мен көбелектен әдемілікті үйрендім.

-Мен жерден төзімділікті үйрендім.

-Мен судан тазалықты үйрендім.

Сергіту сәті: Жел гуледі: у-у,

Қайын келіп биледі: зу-зу,

Қатты-қатты жел соқты: гу-гу,

Жапырақтар қол соқты: ду-ду.

Дәйексөз: Табиғат жер бетіндегі барлық тіршілік атаулыны өз қамқорына алып,бізді мейірімділікке бөлейді.Біз мейірімділікті табиғаттан үйренейік.

Қорытындылау

-Бізді қоршап тұрғанның бәрі керемет жаратылыс,табиғат екенін танып білдік.Табиғаттың бар тіршілік иелеріне берері мол екнін түсіндік.Ал,ең бастысы-Табиғат-Ана бізге күш-қуат пен деңсаулық беретінін білдік.Табиғат бізді мейірімділікке,төзімділікке,үйлесімдікке үйрететініне көзіміз жетті.

Балаларды шеңберге тұрғызып,төмендегі өлең жолдарын қайталату.

Күніміз ашық болсын!

Түніміз тыныш болсын!

Ауамыз таза болсын!

Суымыз мөлдір болсын!