Мектеп пен оқушы арасындағы қарым-қатынас мәселелері

Қазіргі заманда кей балалар сабақ оқуға , тіпті мектепке баруға құлқы болмайды, бұл неліктен?

Психологтың көмегі қандай?

- Бұл өте күрделі ішкі жанжал, оның себебін тек баладан ғана емес, оның айналасындағы ата-анасынан , мұғалімнен, достарынан іздеген жөн. Көбіне үлкендер жағы баланы барынша көп уақыт шұқшиып оқуға міндеттейді, «тек жоғарғы білімді адам ғана өмірде табысты болады» дегенді миына мықтап құйғысы келеді, бірақ, қарапайым мамандық алу, қолмен жұмыс істеу де қажет ететіндігін ескере бермейді. Табысты болу үшін сабақты тәуір оқу міндет емес, тарихтан алып қарасақ өте талантты адамдардың өзі мектепте айтарлықтай жақсы оқымаған. Мәселен, Нобель сыйлығының иегері А.Энштейн , жазушы Н.Гоголь, әнші А.Пугачева т.б.с.с мектепте ылғи үш деген бағаға оқыған деседі. Сондықтан балаларды оқуға күштеп міндеттегеннен гөрі, өз еркімен ынтасын оятатын іс-әрекеттерді ойластыру қажет. Бір кітапты оқып шығуға міндеттеу мүмкін шығар , бірақ оның мән-мағынасын білуге міндеттеу мүлде мүмкін емес. Кейде мұғалімдер бір шығарманы толықтай баяндап беруді талап етеді. Одан гөрі өз сөзімен түсінгенін айтып берген абзал емес пе? Көбіне балалар білгенін айтудан қаймығады. Сыныптарының келемежінен қорқады. Сондықтан қосымша сұрақтар бере отырып, үлгерімі нашар оқушылардың басқаларға ілесуіне назар аударған жөн. Оқушылар

10-14 жас – бұл жасөспірімдердің өтпелі кезеңі, осы кезде, олардың мінез-құлқы тез өзгереді. Егер мұғаліммен немесе бірге оқитын балалармен қарым-қатынасы бұзылса мектепке келмей қоюы да мұмкін. Ал 10-11 сыныптарда келешек мамандығын таңдаған жасөспірімдер тек ҰБТ-ға байланысты сабақтарды ғана оқығанды қалайды.

Отбасындағы кейбір жайсыздықтар да сабақ үлгерімінің нашарлауына немесе мектепке баруға ықылассыз болуына себеп болады. Оқушының сыртқы келбеті де маңызды факторлардың бірі. Көп балалы, аз қамтылған отбасы оқушылары өздерінің қымбат, әрі сәнді киінген құрбыларының алдында көрінгісі келмеуі де, мектеп өмірінен қашуына әкеліп соғуы мүмкін, сондықтан бұдан шығар жол біріңғай мектеп формасын енгізу деуге болады.

Балалардың бір-біріне тиісуі немесе келемеждеуі де мектепке барудан қашқақтаудың бір жолы...

- Иә, бұл көбіне жасөспірімдер арасында болатын және бақылауы да қиын күрделі жағдайлардың бірі дер едім. Сыныптағы топ көшбасшысы әдетте мұндайға өзі жуастау, ақкөңіл, сезімтал және адал бір сыныптасын таңдайды, оның жанды жеріне тиетін келемеждерді айтып, мазақ етуге барады, мәселен, әлгі баланың салмағы артықтау, денесі толықтау болса, оны неше түрлі намысына…