Мектеп пен отбасы ынтымақтастығы туралы баяндама

«Мектеп пен отбасының нәтижелі ынтымақтастығы – бала болашағының кепілі»

Мектеп пен отбасы қоғамның әлеуметтік институты ретінде баланың дамуы мен қалыптасуының маңызды бір бағыты болып табылады. Сондықтан да ата-анамен жұмысты ұйымдастырудың белсенді әдістерін іздестіру және оны тиімді қолдану мектептің міндеті. Ол тәрбие процесінде жүзеге асады. Тәрбие процесіне қатысушылардың іс-әрекеті мен қарым-қатынасы педагогикалық ықпал ету арқылы жүзеге асады. Тәрбие мазмұны отбасынан бастау алады. Бүгінгі тәрбие үрдісінде дәстүрлі әдістердің орнын креативті ойлауға түрткі болатын жаңа педагогикалық әдістер мен озық ақпараттық технологиялар алмастырды. Бұл бір жағынан мұғалім мен ата-ананың ынтымақтастығын арттырса, екінші жағынан тәжірибені өмірде қолдана білу мүмкіндігін қалыптастырады.

Мектептің педагогикалық үрдісі күрделі жүйеден тұрады. Мұғалім, оқушы және ата-ана сол процестің субъектілері болып табылады. Тәлім-тәрбиедегі жарасымдылық- бірлесіп, ынтымақтасып жұмыс істеген жағдайда ғана үйлесімділік табады.

Ата-аналарды педагогикалық үрдістің белсенді мүшесі ету оңай шаруа емес. Ол асқан шеберлік пен зор жауапкершілікті қажет етеді. Осы орайда, «Мұғалім- оқушы-ата-ана» жобасын ұсынар едім. Бұл жоба бүгінгі қоғам алдындағы өмірдің барлық саласында белсенді, шығармашылық іс-әрекетке қабілетті, еркін тұлға тәрбиелеу ісінде бала тәрбиесімен айналысатын отбасы, мектеп, қоғамның тәрбие ісі кіріктіріліп, жүзеге асуын қамтамасыз етеді.

Сонымен қатар, мектепте «Бір бала-бір ағаш», «Мектепке домбыра сыйла», «Сүйікті мектебіме тарту», «100 түрлі гүл» акциялары өткізу арқылы мектептің материалдық-техникалық базаны нығайтуға көмек көрсетуге тартуға болады. Нәтижесінде: мектеп түрлі гүлге, мектеп айналасы жайқалған жеміс ағаштарына толы, оқушылар домбыра үйреніп, оркестр құрыладыт.б.

«Үздік ата-аналар қоғамдастығы» байқауын өткізу арқылы ата-аналардың мектеп жұмысына белсенді араласады, мектептің тыныс-тіршілігінен хабардар болады. Байқау қорытындысын қашықтықтан инстаграм желісінде немесе әлеуметтік желілерді викторинада арнайы дауыс беру арқылы анықтауға болады..

Қорытындылай келе, тәрбие үрдісінің бір тарауы aта-аналармен жұмыс десек, отбасынан басталатын тәрбие мектеп өмірінен жалғасын табады. Бүгінгі мақсат-әрбір балаға түбегейлі біліммен мәдениеттің негіздерін білу және олардың жан – жақты дамуына ата-ана, мектептің жағдай жасауы болып табылады. Ата-аналар мектеппен тығыз байланыста болу керек. Жоғарыдағы айтылған баланы оқыту мен тәрбиелеудің әдіс-тәсілдері және түрлері ата-аналармен мұғалімдерге пайдасы тиер деген…