Мектеп пен жатақхана үйірме жұмыстарының үндестігі

Мектеп пен жатақхана үйірме жұмыстарының өзара үндестігі іс-тәжірибеде

Мектепте оқушының қалауы бойынша таңдалатын білім беру бағдарламаларын іске асырудың ұйымдастыру тәртібіне сәйкес оқушылардың түрлі оқу қызығушылықтарын қанағаттандыру, шығармашылық, физикалық және зияткерлік дамуындағы түрлі бағыттардағы білімдері мен қабілеттерін кеңейту үшін оқу жоспарының вариативті оқушылар компонентінің құрамдас бөлігі таңдауға болатын түрлі сабақ түрлері ұсынылады (спорттық, көркем, зияткерлік, техникалық): үйірмелер, секциялар, техникалық шығармашылық клубтар, театрлық студиялар, би топтары, сурет, оқу және мүсіндеу көркем студиялар, музыкалық оркестрлер және басқа да сабақтан тыс шаралар.

Тараз қаласындағы ФМБ Назарбаев Зияткерлік мектеп жатақханасында мектептің бірыңғай тәрбие беру кеңістігін қалыптастыру, әртүрлі іс-шараларда тұлғаны қалыптастыру үрдісін жүзеге асыру, оқушыларды әлеуметтік қорғау және олардың қатысуымен сабақтан тыс іс-шараларға жағдай жасау мақсатында ұйымдастырылатын үйірме жұмыстарынан бөлек тәрбиешілердің жетекшілігімен жүргізілетін түрлі үйірмелер де баршылық.

Жалпы алғанда, үйірмелердің міндеттері ретінде оқушылардың кәсіби өзін-өзі анықтауы және тұлғалық дамуын, қоғам өміріне бейімделуі, әлеуметтік қолдауды қамтамасыз етуін, оқушыларды адамның құқықтары мен бостандықтарын құрметтеуге, Отанға, табиғатқа, отбасына деген сүйіспеншілікке тәрбиелеуін, оқушылардың танымдық қажеттіліктері мен мүдделерін барынша толық қанағаттандыру, олардың физикалық және психологиялық денсаулығын нығайту үшін жағдай жасауды атап көрсетер болсақ, бұл міндеттер жатақхананың үйірме жұмыстарын ұйымдастыруда да ескерілді.

Жатақхана үйірмелеріне қызығушылық танытуына қарай жинақталған тәрбиеленушілер топтастырылды және жыл бойы қосымша толықтырылды. Әр тәрбиеленуші түрлі бағыттағы үйірмелерге ерікті түрде қатысып, өзінің сүйікті ісімен айналысты. Үйірме жетекшілері әрбір жаңа оқу жылы бойындағы үйірме жұмысына қажетті құралдарды алдын-ала жоспарлап әзірледі, өз уақытында қажеттілігіне қарай қамтамасыз етті.

Үйірме кестесі үйірмеге жетекші тәрбиешілердің үйірме жұмысының бекітілген бағдарламасын ұсынғаннан кейін жинақталады және бекітілген кестеге сәйкес апта сайын өткізіледі. Жетекші тәрбиешілер тәрбиеленушілердің өзін-өзі дамыту бойынша таным-талғамына, қажеттілігі мен сұранысына негізделіп анықталған бағыттарға сәйкес үйірме бағдарламасын өзі құрастырып қолдануда. Үйірме жұмысының сабақтары көбіне практикалық тұрғыдағы түрлі әдістер мен форманы қамтиды. Тәрбиеленушілердің үйірмедегі қызметі олардың өмірі мен денсаулығына жауап беретіндей жүзеге асырылуда.

Жатақхана тәрбиеленушілерінің жас ерекшеліктерінің әртүрлілігін ескере отырып, үйірме жұмысының нәтижелі болуы үшін жылдық жұмыс жоспары білім деңгейі, іскерліктері, дағдылары, жеке және жас ерекшеліктері шамалас сыныптардың тәрбиеленушілерін өзара кіріктіріле құрылды. Тәрбиеленушінің бір үйірмеге бірнеше жыл қатарынан қатысуы үшін бағдарламасын жылдан-жылға күрделендіріп, сатылы түрде түрлендіріп жасалды. Сондай-ақ, бағдарламасының мектеп үйірмелерінен тыс болуы, материалдық қоры мен жетекшінің іскерлік дағдысының жеткілікті болуы назарда ұсталып, нақтылы жұмыс жасауға мүмкіндік туындады.

Қорыта келгенде, мектепте болсын, жатақхана да болсын жүргізілетін үйірмелердің ортақ мақсаты бір болып, өзара үндесетінімен, бағытына қарай ішкі мақсаттары өз алдына түрленіп отыруы заңдылық. Сол үйірмелердің бірі өзім жүргізетін «Сымбат» үйірмесі екі жылдан бері жүргізіліп келетін бұл үйірменің алғашқы жылында бағдарлама апровациядан өткізілгеннен соң тиімділігіне сәйкестендіре отырып, практикалық жұмыстардың сипаты мен көлеміне байланысты бағдарламаның жылдық жоспарына өзгерістер енгізілді.

Іс-тәжірибеммен бөлісу мақсатында «Сымбат» үйірмесінің бағдарламасын назарларыңызға ұсынып отырмын.

Түсінік хат

Қазақстан бүгінде ел болып егемендік алып, көк туы желбіреп, әлемдегі тұрағы биік елдермен терезесі тең өмір сүріп келеді. Қай заман, қай қоғамда болсын адамзат баласы жас ұрпақ тәрбиесіне зор мән берген. Сапалы білім берумен қатар еңбекке баулу, үйрету аса қажет. Олай болса, біздің басты міндетіміз, тәрбиеленушілерімізді жаңа заман ғылымының мол жетістіктерімен қаруланған, мәдени дүние танымы, көзқарасы қалыптасқан бәсекеге қабілетті етіпжтәрбиелеу. Өнер мен білім беру ісін бір-бірімен ұштастырып, санаға ұялатудажізденімпаздық,жіскерлікжкерек. «Сымбат» үйірмесінде тәрбиеленушілер шаштаразшылар ісімен, әр түрлі шаш үлгісімен және макияж жасау өнерінің қыр сырымен танысып, визаж жұмысымен айналысады, мамандықтың қыр-сырларын терең тани түседі. Тәрбиеленушінің адамгершілік дүние танымын қалыптастыруға, ұйымшылдық дағдысын арттыруға, үлкеннің кішіге қамқорлық танытуын қамтамасыз етуге үйірме жұмысы таптырмас құрал. Жас ерекшеліктеріне байланысты жұмыс түрі үлгі суреттер, түсіндіру бейнематериалдары арқылы орындалып, жүзеге асырылады.

Тоқсанына 1 рет арнайы сәнгер, шаштаразшы, визажист маман шақыртылып ұйымдастырылатын кездесулерде тәрбиеленушілерге киім күтімі, мата түрлерін, сапасын айыра білу, косметика түрлерін таңдап қолдану, шаш үлгісін сырт келбетіне, киім үлгісіне сәйкес үйлестіру туралы кеңестер беріледі, ақпараттар таратылады.