Мектеп ұжымында жағымды қарым-қатынас орнату тренингі

“Мектеп ұжымында жағымды қарым-қатынас орнату жолдары” тақырыбында психологиялық тренинг

Тақырыбы: Жақсы көңіл-күй жан азығы»

Мақсаты: Мұғалімдерді өз – өзімен, өзіндік жеке ерекшеліктерімен таныстыру, қарым- қатынастарын нығайту, ұжымда жағымды атмосфера қалыптастыру.

Қатысушылар: Мұғалімдер

Қажетті құралдар: А4 форматтағы қағаздар, интерактивті тақта, түрлі –түсті бояулар, жапон әліппесі.

Тренинг жоспары:

Сәлемдесу «Жапон әліппесі» жаттығуы

1. Амандасу.2. «Жапон әліппесі» жаттығуы.3. «Өзіңді білгің келсе» жобалық тест. Видиоролик4. «Аңдар мен жәндіктер» жаттығуы.5. «Лабиринт» және «Құбыр» жаттығуы.6. «Стол» жаттығуы.7. «Су асты патшалығы» әуен терапиясы 8. Қортынды.

1.Сәлемдесу «Жапон әліппесі» жаттығуы

А – ка З – з П – но Ц – ми Б – зу

И – ки Р – ши Ч – кэ В – ру К – мэ

С – ари Ш,Щ – хи Г - жи Л – та Т – чи

Ь,Ъ,Ы – зук Д – тэ М – рин У – до

Э – мэй Е – ку Н – то Ф – лу Ю – фу

Ж – су О – мо Х – ри Я – на

Мұғалімдер осы әліппе арқылы өздерінің есімдерін жапон тілінде қасына сын есімді косып айтып шығуы керек. Мысалы: әдемі Бегайым деген жапон тілінде катэкурин Зукужикаки.

2.«Өзіңді білгің келсе» жобалық тест.

Мақсаты: мұғалімдер жобалық тест арқылы өздерінің мінез- құлықтары мен жекелік қасиеттерін біле алады.

Нұсқау: А4 форматтағы ақ қағазға сурет салу ұсынылады.

Болған соң салынған суреттеріне қарай талданады.

Сурет салу: күн, тау, үй, ағаш, жол, сақина.

Тау – дөңгелек салынса, мінезі жұмсақ, мейірімді, сенгіш. Егер тау ұшты болса, өкпелегіш, тік мінезді. Егер аралас салынса – басында қар болса, өзгермелі адам.

Үй – суретте ағаш үй салынса, арманы орындалады. Егер бір терезе салынған болса өзіне жақын бір адам туралы көп ойланады. Егер бірнеше терезе болса және жапқыштары болса, ол тұйық, сақ адам. Үйдің төбесінде мұржасы болса, түтін шығып жатса, әңгімеге жақын, өсекқұмар адам.

Ағаш – біреу болса өзінің жолдасына ұнайды. Егер бірнешеу болса, балаларды жақсы көреді, оларға уақыт бөліп, көңіл аударады. Қоршаған әлемді сүйеді, қанша мықты әдемі салынса, сұлулыққа соншалықты құмар.

Жол – үйге жақын жатса, жолы жеңіл, алыс болса керісінше. Егер жол үйдің есігінен шықса, тапқан табысын үйге әкелетін, ал керісінше болса айналасына тарататын адам.