Мектепалды даярлыққа арналған танымдық дидактикалық ойындар

№1 Әдістемелік куәлік

Бөлім: Экология

Білім беру саласы: Таным

Дидактикалық ойынның атауы: «Құралдарды ірікте»

Мақсаты: Балаларға әр түрлі құралдарды көрсету, олардың

пайдасын түсіндіру. Сол құралдар неден жасалғанын айту және

олардың арасындағы айырмашылығын түсіндіру.Оларды күтіп

ұстауға тәрбиелеу.

Қосымша жабдықтар: ағаш, шыны, темір, жүн, тері, қағаз,

рәзеңке, пластмасса заттарынан жасалған құралдар, суреттері

салынған көрнекті құралдар.

Ойыннын шарты: Балалардың қолына әртүрлі заттар: тері, шыны,

ағаш, пластмасса бөлігі жабыстырылған карточкалар таратылып

беріледі.

Балалар білімін бекіту үшін мынадай ойын түрлері қолданылады.

Тәрбиеші: “Мынау не?” – деп, қолындағы карточканы көрсетеді.

- Шелек.

- Ол неден жасалған?

- Пластмассадан.

- Кімге сәйкес келеді? (қолындағы карточкасында пластмасса

қиындысы жабыстырылғын бала қолын көтеріп көрсетеді).

№2 Әдістемелік куәлік

Бөлім: Экология

Білім беру саласы: Таным

Дидактикалық ойынның атауы: « Радио»

Мақсаты: Балаларды байқампаздыққа тәрбиелеу және сөздік

қорларын дамыту.

Қосымша жабдықтар: Радио, микрафон, наушник.

Ойынның шарты:- Біз бүгін “радио” деп аталатын жаңа ойын

ойнаймыз. Сендер білесіңдер ме, радиодан сөйлейтін адамды кім

деп атайды? Дұрыс айтасың, оны диктор дейді. Бүгін диктор

радиодан біздің топтың балалары туралы айтады. Ол біздің

ішіміздегі бір баланы сипаттайды, ал біз оның сөзінен ол баланы

табуымыз керек. Алдымен мен диктор боламын.

- Тыңдаңыздар, тыңдаңыздар! Қыз бала жоғалды. Оның үстінде

қызыл свитер, қара юбка, бұрымында- ақ бантик. Ол өлеңді жақсы

айтады және Айгүлмен дос. Бұл қызды кім біледі? Осылай

тәрбиеші ойынды бастап, балаларға сипаттау үлгісін көрсетеді.

Балалар өз топтарындағы қызды көрсетеді.

- “Ал енді сендердің араларыңнан біреу диктор болады” деп,

тәрбиеші жаңа диктоды санау арқылы таңдап алады. Тәрбиеші

ойын кезінде балалар өз жолдастарының мінез-құлқын, киімін

дәл, дұрыс айтуын қадағалайды. Егер диктор сипаттама беру

кезінде дұрыс бермей, достарын таба алмай қалса, айыппұл

салынады.

№3 Әдістемелік куәлік

Бөлім: Экология

Білім беру саласы: Таным

Дидактикалық ойынның атауы: « Өз үйіңді тап»

Мақсаты: Балалардың көлік жайлы білімдерін бекіту.

Көліктердің пайдасын түсіндіру, оны жүргізу арқылы

байқампаздыққа тәрбиелеу.

Қосымша жабдықтар: көлік түрлерінің (ұшақ, кеме, машина,

автобус) суреттері Ойынның шарты: Тәрбиеші сұрақтар қояды.

- Ұшақ қайда ұшып келеді? Қайда қонады? (әуежайға).

- Міне, мына жер біздің әуежай болады деп, тәрбиеші

орындыққа ойыншық ұшақты қояды.

- Жолаушылар жағаға ұшуы үшін кеме қайда келіп тоқтайды?

- Міне, біздің кемежай (орындыққы ойыншық кемені қоядық).

- Жерде жүретін көліктер жұмыстан соң қайда бағыт алады?

- Гаражға ( тәрбиеші тағы бір орындыққа машина қояды).

Тәрбиеші балаларға көліктің қандай да бір түрі бейнеленген

карточка таратып береді. Соған байланысты балалар өздерін

ұшқыш, жүргізуші т.б. болып сезінуі қажет. Содан соң барлығы

адамдар тасуға, жүк тасу жұмыстарына кетеді. Тәрбиешінің

белгісі бойынша жұмысты аяқтап, әркім өз орнына жетуі керек.

Балалар жұмысты орындаған соң тәрбиеші тексереді. Ойынды

қайталай отырып, тәрбиеші карточкаларды айырбастауды

ұсынады, ал өзі орындықтағы ойыншықтарды айырбастап

қояды.

№4 Әдістемелік куәлік

Бөлім: Экология

Білім беру саласы: Таным

Дидактикалық ойынның атауы: «Жылдың қай мезгілі?»

Мақсаты: Балаларды поэзиялық шығармалар тыңдауға үйрету.

Эстетикалық әсер алуға және сезіне білуге баулу. Жылдың әр

мезгілінің айлары туралы білімдерін бекіту. Ақындарды

құрметтеуге баулу (жыр жинақтарын оқудан бұрын ақынның аты

– жөнін міндетті түрде атап, ол жайлы біраз мәлімет беру керек

және мүмкіндігіне қарай ақынмен кездесу ұйымдастыру туралы

ой қозғау қажет).

Қосымша жабдықтар: Жыл мезгілдерінің суреттері. Ақындардың

портреттері.

Ойынның шарты: Тәрбиеші жазушылар мен ақындар өз

шығармаларында табиғаттың әр кездердегі тамаша сәттерін,

адамдардың өмірі мен еңбегін және көптеген нәрселерді паш

ететін балаларға әңгімелеп береді. Ақын өлеңді тек өз үшін

жазбайды. Ол өзгелерге қуаныш сыйлап, мәселен, олардың

назарын жылдың әр мезгілінде не болып жататынына аударады.

Мен өлең жолдарын оқимын (жатқа немесе қағазға қарап), ал

сендер тыңдаңдар. Мен екі рет оқимын. Біріншісінде – сендер

ақынмен кездесіп, онымен танысып, не туралы, жазғанымен

танысып отырғандай сезініңдер. Ал екенші рет оқығанда, сендер

тыңдап отырып, ақын қай жыл мезгілін суреттегені жайлы

ойланыңдар. Бұл қай жыл мезгілі? Ол туралы не білдіңдер, не

естеріңде қалды және не ұнады? Бұл жазушымен және бір –

бірімен әңгімелесетін ойын – жұмбақ болады.

Өлең оқылғаннан кейін әңгіме өткізіп, ой – пікірмен бөлісіп,

көзқарастарын таныту керек.

Әдістемелік куәлік

Бөлім: Экология

Білім беру саласы: Таным

Дидактикалық ойынның атауы: « Аңшы»

Мақсаты: Балаларды жануарларды, балықтарды, құстарды және

т.б. жіктеп, аттарын атау дағдысына жаттықтыру.